Government Imposes Fare Cap : ଭଡ଼ା ୧୮ ହଜାର ଟପିବନି, ବିମାନ ଉଡ଼ାଣ କମ୍ପାନୀ ଉପରେ ରୋକ୍‌ ଲଗାଇଲା ମନ୍ତ୍ରାଳୟ

ବିମାନ ଉଡ଼ାଣ କମ୍ପାନୀ ଉପରେ ମନ୍ତ୍ରାଳୟ ଲଗାଇଲା ରୋକ୍‌ । ୫ ଶହ କିମି ଭିତରେ ବିମାନ ଭଡ଼ା ୭ ହଜାର ୫ ଶହ ଟପିବନି । ଦେଶ ଭିତରେ ସର୍ବାଧିକ ଦୂରତା ଭଡ଼ା ୧୮ ହଜାର ଟପିବନି । ୫ ଶହରୁ ୧ ହଜାର କମି ପର୍ଯ୍ୟନ୍ତ ଭଡ଼ା ୧୨ ହଜାର ଟଙ୍କା । ୧ ହଜାରରୁ ୧୫ ଶହ କିମି ପର୍ଯ୍ୟନ୍ତ ଭଡ଼ା ୧୫ ହଜାର ଟଙ୍କା । ୧୫ ଶହ କିମି ଟପିଲେ ଯାତ୍ରୀ ଭଡ଼ା ୧୮ ହଜାର ଭିତରେ ରହିବ । 

ଇଣ୍ଡିଗୋ ବିମାନ ସଙ୍କଟ ପରେ ସାରା ଦେଶରେ ବିମାନ ଟିକେଟ ଦର ବଢିଚାଲିଛି। ଯେଉଁ ଟିକେଟ ଦର ସପ୍ତାହେ ତଳେ ୭ ହଜାର ଥିଲା ସେହି ଟିକେଟ ଦର ଏବେ ଅହେତୁକ ବୃଦ୍ଧି ପାଇଛି। ଯାହା ଯାତ୍ରୀଙ୍କ ପକେଟକୁ ଖୁବ ବାଧୁଛି। ଏଭଳି ପରିସ୍ଥିତିରେ ଲୋକେ ଉଚ୍ଚା ଦରରେ ଟିକେଟ କିଣି ଯାତ୍ରା କରିବାକୁ ବାଧ୍ୟ ହେଉଛନ୍ତି। 

ଟଙ୍କା ଫେରାଇବ ଇଣ୍ଡିଗୋ । ଇଣ୍ଡିଗୋକୁ ନେଇ ଆସିଲା ବଡ଼ ଖବର । ଟଙ୍କା ଫେରାଇବା ନେଇ ବିଧିବଦ୍ଧ ସୂଚନା ଜାରି କଲା ଇଣ୍ଡିଗୋ । ଯିଏ ଯେମିତି ଟଙ୍କା ଦେଇଥିବେ ସେଇ ମୋଡରେ ଟଙ୍କା ଫେରସ୍ତ ହେବ । ଯାତ୍ରୀ କ୍ୟାନସଲ୍ କରିଥିଲେ ବି ଟଙ୍କା ଫେରି ପାଇବେ । 
PMOରେ ପହଞ୍ଚିଲା ‘ଇଣ୍ଡିଗୋ’ ସମସ୍ୟା

ସେପଟେ ଇଣ୍ଡିଗୋ ସମସ୍ୟା ସଂପର୍କରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅବଗତ କରାଗଲା । ସମ୍ପୂର୍ଣ୍ଣ ସମସ୍ୟାର ବିବରଣୀ ଦିଆଯାଇଛି । ଇଣ୍ଡିଗୋ ସିଇଓ ସହ ଯୋଗାଯୋଗ କରିଛି PMO। ସମସ୍ୟାର ସମାଧାନ ପାଇଁ ୧୦ ଦିନ ମହଲତ ନେଲା ଇଣ୍ଡିଗୋ