ପୁଣି ଘନେଇଲାଣି ରାଫେଲ ବିବାଦ, ଚୁକ୍ତିରେ ଅନିୟମିତତା ନେଇ ବିଚାରପତି ନିଯୁକ୍ତ କଲେ ଫ୍ରାନ୍ସ ସରକାର

ନୂଆଦିଲ୍ଲୀ: ରାଫେଲ ଡିଲକୁ ନେଇ ଜୋର ଧରିଲା ରାଜନୀତି । ୫୯ ହଜାର କୋଟିର ଏହି ଚୁକ୍ତିର ତଦନ୍ତ କରିବାକୁ ଫ୍ରାନ୍ସ ସରକାର ବିଚାରପତି ନିଯୁକ୍ତ କରିବା ପରେ କେନ୍ଦ୍ର ସରକାରଙ୍କୁ ଘେରିଛି କଂଗ୍ରେସ । ରାଫେଲ ରାଜିନାମାରେ ବ୍ୟାପକ ଦୁର୍ନୀତି ଏବଂ ପକ୍ଷପାତିତା ଅଭିଯୋଗ ଆଣିଛନ୍ତି ବିରୋଧୀ । ଏପରିକି ଏହି ଡିଲରେ ମଧ୍ୟସ୍ଥିଙ୍କୁ କୋଟି କୋଟି ଟଙ୍କାର ଲାଞ୍ଚ ଦିଆଯାଇଥିବା ଅଭିଯୋଗ ହୋଇଛି । ଯୁଗ୍ମ ସଂସଦୀୟ କମିଟି ଗଠନ କରି ପୁରା ମାମଲାର ତଦନ୍ତ କରିବାକୁ କଂଗ୍ରେସ ଦାବି କରିଛି । ୩୬ଟି ରାଫେଲ ଯୁଦ୍ଧ ବିମାନ ପାଇଁ ୨୦୧୬ରେ ଡାସଲଟ୍ ସହ ଚୁକ୍ତି କରିଥିଲା ଭାରତ ।

ଅନ୍ୟପଟେ କହିବାକୁ ଗଲେ  ଭାରତ ଓ ଫ୍ରାନ୍ସ ମଧ୍ୟରେ ୨୦୧୬-୧୭ରେ ହୋଇଥିବା ରାଫେଲ୍ ଚୁକ୍ତିକୁ ନେଇ ବାରମ୍ବାର ବିବାଦ ଦେଖାଦେଇଛି । ରାଫେଲ ତିଆରି କରିଥିବା କମ୍ପାନୀ ‘ଡାସଲ୍‌ଟ’ ଜଣେ ଭାରତୀୟ ମଧ୍ୟସ୍ଥିଙ୍କୁ ଏକ ମିଲିୟନ ୟୁରୋ ଉପହାର ଭାବେ ପ୍ରଦାନ କରିଥିବା ଫ୍ରାନ୍ସର ଏକ ପବିକ୍ଲେସନ ଦାବି କରିଛି । ତେବେ ଏହା ଜଣାପଡିବା ପରେ ଫ୍ରାନ୍ସଠାରୁ ଆରମ୍ଭ କରି ଭାରତ ପର୍ଯ୍ୟନ୍ତ ଜୋରଧରିଛି ରାଜନୀତି।