ବିଜେପିକୁ ୧୪ ଦିନର ସମୟ

ହେଲେ ଆଜି ସୁପ୍ରିମକୋର୍ଟରେ ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ପକ୍ଷରୁ ମାମଲା ପରିଚାଳନା କରୁଥିବା ସଲିସିଟର ଜେନେରାଲ ତୁଷାର ମେହେଟା ହିଁ ଆସ୍ଥା ଭୋଟ ପାଇଁ ମିଳିଥିବା ସମୟ ବିଷୟରେ କହିଥିଲେ। ସେ କହିଥିଲେ, ଏନ୍‌ସିପିର ଅଜିତ ପାୱାର ୫୪ ଜଣ ବିଧାୟକଙ୍କ ସମର୍ଥନ ପତ୍ର ପ୍ରଥମେ ଫଡ଼ନାଭିସଙ୍କୁ ଦେଇଥିଲେ। ଏହାପରେ ବିଜେପିର ୧୦୫ ବିଧାୟକ ଓ ୧୧ ଜଣ ସ୍ୱାଧୀନ ବିଧାୟକଙ୍କ ସମର୍ଥନ ପତ୍ର ରାଜ୍ୟପାଳଙ୍କୁ ଦିଆଯାଇଥିଲା। ଅର୍ଥାତ ବିଜେପି ନେତୃତ୍ୱାଧୀନ ସରକାରଙ୍କ ପାଖରେ ୧୭୦ ବିଧାୟକଙ୍କ ସମର୍ଥନ ରହିଛି। ମହାରାଷ୍ଟ୍ରରେ ସରକାର ଗଠନ ପାଇଁ ମ୍ୟାଜିକ ନମ୍ବର ହେଉଛି ୧୪୫। ତେଣୁ ରାଜ୍ୟପାଳ ଫଡ଼ନାଭିସଙ୍କୁ ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ନିମନ୍ତ୍ରଣ କରିଥିଲେ ବୋଲି ସେ କହିଛନ୍ତି।

ଯଦି ଆସନ୍ତାକାଲି ସୁପ୍ରିମକୋର୍ଟ ରାଜ୍ୟପାଳ ଦେଇଥିବା ଧାର୍ଯ୍ୟ ସମୟ ଉପରେ କୌଣସି ନିଷ୍ପତ୍ତି ନିଅନ୍ତି ନାହିଁ, ତା’ହେଲେ ଡିସେମ୍ବର ୭ ଯାଏ ଆସ୍ଥା ଭୋଟର ସମ୍ମୁଖୀନ ହେବାକୁ ସମୟ ପାଇବେ।