୫ ହଜାର ଓଟଙ୍କୁ ମାରିଲା ଅଷ୍ଟ୍ରେଲିଆ !

ଅଷ୍ଟ୍ରେଲିଆ : ମରୁଡ଼ିଗ୍ରସ୍ତ ଦକ୍ଷିଣ ଅଷ୍ଟ୍ରେଲିଆରେ ୫ ହଜାର ଓଟକୁ ଗୁଳି କରି ହତ୍ୟା କରାଯାଇଛି।  ସେମାନଙ୍କ ଉପରକୁ ଆକାଶ ମାର୍ଗରୁ ଗୁଳି କରାଯାଇଥିବା ଜଣାପଡ଼ିଛି । ପାଣିର ଅଭାବ ଓ ଲୋକଙ୍କ ଧନଜୀବନ ପ୍ରତି ବିପଦ ସୃଷ୍ଟି କରିବାରୁ ସେମାନଙ୍କୁ ହତ୍ୟା କରାଯାଇଥିବା ଜଣାପଡ଼ିଛି ।

ଆଗରୁ ୧୦ ହଜାର ଓଟଙ୍କୁ ମାରିବାକୁ ଯୋଜନା କରାଯାଇଥିଲା । ଅଷ୍ଟ୍ରେଲିଆ ଜଙ୍ଗଲରେ ଓଟଙ୍କ ସଂଖ୍ୟା ଆଶାତୀତ ଭାବେ ବୃଦ୍ଧି ପାଇଛି । ଏତେ ସଂଖ୍ୟକ ଓଟ ମାତ୍ରାଧିକ ପାଣି ପିଉଥିବାରୁ ଜଙ୍ଗଲରେ ବସବାସ କରୁଥିବା ଜନଜାତି ପାଇଁ ଏହା ସମସ୍ୟା ସୃଷ୍ଟି କରୁଛି। ଜନବସତି ଆଡକୁ ମାଡିଆସି ସମ୍ପତ୍ତି ନଷ୍ଟ କରୁଛନ୍ତି । ତା ସହିତ ଏ ବର୍ଷ ମରୁ଼ଡ଼ି ହୋଇଥିବାରୁ ଓ ଜଙ୍ଗଲରେ ନିଆଁ ଲାଗିଥିବାରୁ ପାଣିର ଅଭାବ ମଧ୍ୟ ଦେଖା ଦେଇଛି । ତେଣୁ ଓଟମାନଙ୍କୁ ମରାଯାଇଥିବା କହିଛି ଅଷ୍ଟ୍ରେଲିଆ ।

https://khabar.odishatv.in/nation-and-world/in-5-days-australia-will-kill-thousands-of-camels-because-they-drink-too-much-water/147632/