ମାଓବାଦୀ-ସୁରକ୍ଷାକର୍ମୀଙ୍କ ମୁହାଁମୁହିଁ ଘଟଣା। ଘଟଣାସ୍ଥଳରୁ ୧୪ ମୃତଦେହ ଉଦ୍ଧାର ହୋଇଥିବା ସୂଚନା

ଛତିଶଗଡ଼: ମାଓବାଦୀ-ସୁରକ୍ଷାକର୍ମୀଙ୍କ ମୁହାଁମୁହିଁ ଘଟଣା। ଘଟଣାସ୍ଥଳରୁ ଆଜି ୧୪ ମୃତଦେହ ଉଦ୍ଧାର ହୋଇଛି। ଏନେଇ ଜାତୀୟ ଗଣମାଧ୍ୟମ ସରବରାହ ଏଏନଆଇ ପକ୍ଷରୁ ସୂଚନା ଦିଆଯାଇଛି। ଗତକାଲି ଘଟଣାରେ ବର୍ତ୍ତମାନ ସୁଦ୍ଧା ୮ ଜଣ ଯବାନ ସହିଦ ହୋଇଛନ୍ତି। ଛତିଶଗଡ଼ର ବିଜାପୁରରେ ମୁହାଁମୁହିଁ ହୋଇଥିଲେ ସୁରକ୍ଷାକର୍ମୀ-ମାଓବାଦୀ। ଘଟଣାରେ ଗତକାଲି ଡିଆରଜି ବାହିନୀର ୪ ଜଣ ଓ ସିଆରପିଏଫର ଜଣେ ଯବାନ ଆହତ ହୋଇଥିଲେ। ଉଦ୍ଧାର କାର୍ଯ୍ୟରେ ଏମଆଇ-୧୭ ହେଲିକପ୍ଟର ନିୟୋଜିତ ହୋଇଥିଲା । ତରେନ ଥାନା ଅନ୍ତର୍ଗତ ଜୁନାଗଡା ଜଙ୍ଗଲରେ ମୁହାଁମୁହିଁ ହୋଇଥିଲେ ସୁରକ୍ଷାକର୍ମୀ-ମାଓବାଦୀ। ସୂଚନା ଅନୁସାରେ, ମାଓ ନେତା ହିଡିମା ସହ ମୁହାଁମୁହିଁ ହୋଇଥିଲେ ସୁରକ୍ଷାକର୍ମୀ। ଏହି ଏନକାଉଣ୍ଟରରେ ଗତକାଲି ୫ଜଣ ଯବାନ ସହିଦ ହୋଇଥିବା ବେଳେ ଆକ୍ରମଣ କରିଥିବା ନକ୍ସଲମାନଙ୍କ ମଧ୍ୟରୁ ୨ଜଣ ନିହତ ହୋଇଥିବା ଜଣାପଡ଼ିଛି।