Natural Remedies for Maternal Recovery: ପ୍ରସବ ପରେ ଖାଆନ୍ତୁ ଏହି ୬ ଖାଦ୍ୟ, ଶୀଘ୍ର ଦୂର ହେବ ଯନ୍ତ୍ରଣା

ଏକ ସନ୍ତାନକୁ ଜନ୍ମ ଦେବା ଗୋଟେ ମାଆ ପାଇଁ ପୁନର୍ଜନ୍ମ ନେବା ଭଳି। କାରଣ ପ୍ରସବ ଯନ୍ତ୍ରଣା ଯୋଗୁଁ ମାଆମାନଙ୍କଠାରେ ଶାରୀରିକ ଏବଂ ମାନସିକ ପରିବର୍ତ୍ତନ ଘଟେ। ପିଲା ଜନ୍ମ କରିବା ପରେ, ପିଲାର ସ୍ୱାସ୍ଥ୍ୟ ସହିତ ମା'ର ସ୍ୱାସ୍ଥ୍ୟର ଯତ୍ନ ନେବା ମଧ୍ୟ ଗୁରୁତ୍ୱପୂର୍ଣ୍ଣ ହୋଇଥାଏ।

ପ୍ରାୟ ଦେଖାଯାଏ ଯେ କିଛି ମା’ ନିଜ ପିଲାମାନଙ୍କର ଯତ୍ନ ନେବା ସମୟରେ ନିଜ ସ୍ୱାସ୍ଥ୍ୟକୁ ଅବହେଳା କରନ୍ତି। ଏମିତି କରିବା ଭୁଲ। ଏହି ଲେଖାରେ ଛଅଟି ଖାଦ୍ୟର ଏକ ତାଲିକା ଦେବୁ, ଯାହାକୁ ଜଣେ ନୂଆ ମା’ ନିଶ୍ଚିତ ଭାବରେ ସେମାନଙ୍କ ଖାଦ୍ୟରେ ସାମିଲ କରିବା ଜରୁରୀ। ଏମିତି କରିବା ଦ୍ୱାରା ପ୍ରସବ ପରେ ଯେଉଁ କ୍ଷତି ହୋଇଥାଏ ତାହା ଶୀଘ୍ର ଆରୋଗ୍ୟ ହେବାରେ ସହଯୋଗ କରେ।

ସୁଣ୍ଠି – ସୁଣ୍ଠି ପାଉଡର, ସୈନ୍ଦବ ଲୁଣ ଏବଂ ଲେମ୍ବୁ ରସକୁ ମିଶାଇ ବଟିକା ତିଆରି କରନ୍ତୁ। ଏହି ବଟିକାକୁ ଖାଦ୍ୟ ଖାଇବାର କିଛି ଘଣ୍ଟା ପୂର୍ବରୁ ଖାଆନ୍ତୁ। ଏହା ପେଟର ପାଚନ ଶକ୍ତିକୁ ବୃଦ୍ଧି କରେ ଏବଂ ଖାଦ୍ୟ ହଜମ କରିବାରେ ସାହାଯ୍ୟ କରେ।

 ପେଚ – ପେଚରେ ପିପଳି, ଘିଅ ଏବଂ ସୁଣ୍ଠି ମିଶାଇ ପିଅନ୍ତୁ। ଏହା ପେଟର ମାଂସପେଶୀକୁ ଆରାମ ଦେବାରେ ସାହାଯ୍ୟ କରେ।

ଶତାବରୀ – ଶତାବରୀ ମହିଳାମାନଙ୍କ ପାଇଁ ଏକ ବରଦାନ। ଏହା ପ୍ରସବ ପରେ ଦୁର୍ବଳତା ଏବଂ ଥକାପଣ ହ୍ରାସ କରିବା ପାଇଁ ଅତ୍ୟନ୍ତ ଜରୁରୀ। ଏହା ପ୍ରାକୃତିକ ଭାବରେ ମାତୃ କ୍ଷୀର ଉତ୍ପାଦନ ବୃଦ୍ଧି କରେ ଏବଂ ଶିଶୁକୁ ସଂକ୍ରମଣରୁ ରକ୍ଷା କରେ।

ମେଥି ଲଡୁ – ପ୍ରସବ ପରେ ମାଂସପେଶୀ ଏବଂ ହାଡ଼ ଦୁର୍ବଳ ହୋଇଯାଏ। ମେଥି ଲଡୁ ହାଡ଼କୁ ମଜବୁତ କରେ ଏବଂ ବାତ ଦୋଷକୁ ସନ୍ତୁଳିତ କରିବାରେ ସାହାଯ୍ୟ କରେ। ଏହା ପ୍ରାକୃତିକ ଭାବରେ ମା'ଙ୍କ କ୍ଷୀର ଉତ୍ପାଦନ ମଧ୍ୟ ବୃଦ୍ଧି କରେ।

ଗୋନ୍ଦ ଲଡ଼ୁ – ପ୍ରସବ ପରେ ମହିଳାମାନଙ୍କ ପାଇଁ ପ୍ରତ୍ୟେକ ଘରେ ଗୋନ୍ଦ ଲଡ଼ୁ ରହିବା ଆବଶ୍ୟକ। ପ୍ରତିଦିନ କ୍ଷୀର ସହିତ ଗୋନ୍ଦ ଲଡ଼ୁ ଖାଇବା ଦ୍ୱାରା ମହିଳାମାନେ ଦୁର୍ବଳତା ଦୂର କରିପାରିବେ ଏବଂ ରକ୍ତ ପରିମାଣ ବୃଦ୍ଧି ପାଇବ।

ରାଶି – ରାଶିର ପ୍ରକୃତି ହେଉଛି ଉଷ୍ମତା। ଏହା ଖାଇବା ଦ୍ୱାରା ହାଡ଼ ମଜବୁତ ହୁଏ ଏବଂ ଶରୀର ଯନ୍ତ୍ରଣାରୁ ମୁକ୍ତି ମିଳିଥାଏ। ଏହାକୁ ଚଟଣି କରି ଖାଇ ପାରିବେ।