Best Yoga Poses to Build Strong Body: ଯୋଗରେ ବି ହେବ ଟୋଣ୍ଡ୍ ବଡୀ, ବଢିବ ବାଇସେପ୍ସ ଏବଂ ଟ୍ରାଇସେପ୍ସ ମସଲ

ଆଜିକାଲି ପ୍ରତ୍ୟେକ ପୁରୁଷ ଶକ୍ତିଶାଳୀ ଏବଂ ସୁଦୃଢ଼ ହାତ (ବାଇସେପ୍ସ ଏବଂ ଟ୍ରାଇସେପ୍ସ) ଚାହାଁନ୍ତି। ଏହା ହାସଲ କରିବା ପାଇଁ ଅଧିକାଂଶ ଲୋକ ଜିମ୍ ଏବଂ ଓଜନ ତାଲିମର ସାହାରା ନିଅନ୍ତି, କିନ୍ତୁ ଆପଣ କ’ଣ ଜାଣନ୍ତି ଯେ ଯୋଗ ଆପଣଙ୍କ ହାତକୁ ମଜବୁତ ଏବଂ ଶେପ୍ ଦେବାରେ ମଧ୍ୟ ସାହାଯ୍ୟ କରିପାରେ?

ଶକ୍ତିଶାଳୀ ଏବଂ ସୁଦୃଢ଼ ହାତ ପାଇବା ପାଇଁ ଭାରୀ ଓଜନ ଉଠାଇବା ଏକମାତ୍ର ଉପାୟ ନୁହେଁ। ନିୟମିତ ଯୋଗ ଅଭ୍ୟାସ ମଧ୍ୟ ଆପଣଙ୍କୁ ଉତ୍କୃଷ୍ଟ ବାହୁ ଶକ୍ତି ଏବଂ ମସଲ ବଢାଇବାରେ ସାହାଯ୍ୟ କରିପାରିବ।

ଯୋଗ କେବଳ ମାଂସପେଶୀକୁ ସୁସ୍ଥ କରେ ନାହିଁ ବରଂ ନମନୀୟତା, ଷ୍ଟାମିନା ଏବଂ ମାନସିକ ସନ୍ତୁଳନକୁ ମଧ୍ୟ ଉନ୍ନତ କରେ। ଯଦି ଆପଣ ଫିଟନେସ୍ ସହିତ ମାନସିକ ଶାନ୍ତି ଚାହାଁନ୍ତି, ତେବେ ଆଜିଠାରୁ କିଛି ଯୋଗ ଆସନକୁ ଆପଣଙ୍କ ଦୈନନ୍ଦିନ ଜୀବନରେ ସାମିଲ କରିବା ଆରମ୍ଭ କରନ୍ତୁ।

ଚତୁରଙ୍ଗ ଦଣ୍ଡାସନ:

ଏହି ଆସନ ପୁସ୍-ଅପ୍ ଭଳି ଦେଖାଯାଏ ଏବଂ ବାହୁ ପାଇଁ ଅତ୍ୟନ୍ତ ପ୍ରଭାବଶାଳୀ। ଏହା ଦ୍ୱାରା ଅନେକ ଲାଭ ମିଳେ।

• ଏହା ବାଇସେପ୍ସ ଏବଂ ଟ୍ରାଇସେପ୍ସକୁ ମଜବୁତ କରେ
• କାନ୍ଧ ଏବଂ ଛାତିର ମାଂସପେଶୀକୁ ଟୋନ୍ କରେ
• କୋରର ଶକ୍ତିକୁ ବୃଦ୍ଧି କରେ

କିପରି କରିବେ:

ପ୍ରଥମେ ପୁସ୍-ଅପ୍ ମାରିବା ଭଳି ପୋଜ୍ କରନ୍ତୁ। ଏହାପରେ କହୁଣୀକୁ ୯୦ ଡିଗ୍ରୀ ଭାଙ୍ଗି ରଖନ୍ତୁ। ଆପଣଙ୍କ ଶରୀରକୁ ସିଧା ରଖି କିଛି ସମୟ ରୁହନ୍ତୁ।

ଅଧୋମୁଖ ଶ୍ୱାନାସନ:

ଏହି ଆସନ ସମଗ୍ର ଶରୀର ଏବଂ ବାହୁକୁ ଶକ୍ତିଶାଳୀ କରିଥାଏ। ଏହାର ଲାଭଗୁଡ଼ିକ ହେଲା -

• କାନ୍ଧ ଏବଂ ବାହୁକୁ ମଜବୁତ କରେ
• ରକ୍ତ ସଞ୍ଚାଳନ ଉନ୍ନତ କରେ
• ଷ୍ଟାମିନା ବଢାଏ

କିପରି କରିବେ:

ଦୁଇ ହାତ ଏବଂ ପାଦକୁ ଭୂମିରେ ରଖନ୍ତୁ। ଏହା ପରେ ଅଣ୍ଟାକୁ ଉପରକୁ ଉଠାଇ ଶରୀରକୁ ଓଲଟା V ଆକାରରେ ରଖନ୍ତୁ।

ଦଣ୍ଡାସନ:

ଦଣ୍ଡାସନ ହେଉଛି ବାହୁ ଏବଂ କୋର ପାଇଁ ସବୁଠାରୁ ପ୍ରଭାବଶାଳୀ ଆସନ ମଧ୍ୟରୁ ଗୋଟିଏ। ଏହି ଆସନ ଅଭ୍ୟାସ କରିବାର ଅନେକ ଲାଭ ଅଛି -

• ଏହା ବାହୁକୁ ଟୋନ୍ କରେ
• ଏହା ପେଟର ଚର୍ବି ହ୍ରାସ କରିବାରେ ସାହାଯ୍ୟ କରେ
• ଏହା ଶରୀରର ସହନଶକ୍ତି ବୃଦ୍ଧି କରେ

କିପରି କରିବେ:

ପୁସ୍-ଅପ୍ ପୋଜିସନରେ ରୁହନ୍ତୁ, ଆପଣଙ୍କ ଶରୀରକୁ ସିଧା ରଖନ୍ତୁ, ଏବଂ ଏଭଳି ଅବସ୍ଥାରେ ୩୦-୬୦ ସେକେଣ୍ଡ ରୁହନ୍ତୁ।

ବଶିଷ୍ଠାସନ:

ଏହି ଆସନ ବାହୁ, ମଣିବନ୍ଧ ଏବଂ କାନ୍ଧକୁ ମଜବୁତ କରେ। ଏହାର ଲାଭ ହେଉଛି -

• ଏହା ଟ୍ରାଇସେପ୍ସ ଉପରେ ଅଧିକ ପ୍ରଭାବ ପକାଏ
• ଏହା ସନ୍ତୁଳନ ଏବଂ ସ୍ଥିରତାରେ ଉନ୍ନତି ଆଣେ
• ଏହା ପାର୍ଶ୍ୱ ଚର୍ବି ହ୍ରାସ କରିବାରେ ସାହାଯ୍ୟ କରେ