India US Trade Deal: ‘ଆମେରିକା ସହ ଭାରତର ଟ୍ରେଡ୍ ଡିଲ୍ ପରେ ଆସିବ ବଡ଼ ବୈପ୍ଲବିକ ପରିବର୍ତ୍ତନ’

ବଢ଼ିବ ରପ୍ତାନୀ, ବଢ଼ିବ ବ୍ୟବସାୟ। ଆମେରିକା ସହ ଭାରତର ଟ୍ରେଡ୍ ଡିଲ୍ ପରେ ଭାରତୀୟ ବାଣିଜ୍ୟ କ୍ଷେତ୍ରରେ ଆସିବ ବଡ଼ ବୈପ୍ଲବିକ ପରିବର୍ତ୍ତନ। ଏନେଇ ସୂଚନା ଦେଇଛନ୍ତି କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରୀ ପୀୟୂଷ ଗୋଏଲ। ଭାରତ-ଆମେରିକା ମଧ୍ୟରେ ବ୍ୟବସାୟ ବୃଦ୍ଧି ସହ ଦୁଇ ଦେଶର ଅର୍ଥନୈତିକ ସହଯୋଗକୁ ଉତ୍ସାହିତ କରିବ। 

ଏହି ଡିଲ୍ ଦ୍ବାରା ବିଶ୍ୱ ବଜାରରେ ପ୍ରବେଶ କରିବ ଭାରତ। ବିଶେଷ ଭାବେ ଏହାର ସିଧା ଫାଇଦା ବ୍ୟବସାୟ, MSME, କୃଷକ ଓ ମତ୍ସ୍ୟ ବଜାର ଉପରେ ପଡ଼ିବ। ଭାରତୀୟ ଉତ୍ପାଦ ଉପରେ ଶୁଳ୍କ କମିବାରୁ ଟେକ୍ସଟାଇଲ୍, ପ୍ଲାଷ୍ଟିକ୍, ଯନ୍ତ୍ରାଂଶ ଇତ୍ୟାଦି ପାଇଁ ବଜାର ସୁଯୋଗ ସୃଷ୍ଟି ହେବ। ବାଣିଜ୍ୟ ମନ୍ତ୍ରୀ ଆହୁରି କହିଛନ୍ତି ଯେ ଏହି ଡିଲ୍ ଭାରତୀୟ କୃଷକ ଓ MSME ଉପରେ କୌଣସି ଖରାପ ପ୍ରଭାବ ପଡ଼ିବେ ନାହିଁ, ଏବଂ ସେମାନଙ୍କର ହିତରେ ବ୍ୟବସ୍ଥା ରଖାଯିବ। 

ଏହି ଡିଲ୍ ଭାରତ-ୟୁଏସ୍ ବ୍ୟବସାୟକୁ ଯୋଡ଼ିବା ସହ ଦୁଇ ଦେଶର ଟେକ୍ନୋଲୋଜି ଓ ବଜାର ସହଯୋଗ ମଧ୍ୟ ବଢ଼ାଇପାରେ।...ଭାରତ ଉପରେ ଆମେରିକା ଲଗାଇଥିବା ୫୦ ପ୍ରତିଶତ ଟାରିଫ୍ କମାଇ ୧୮ ପ୍ରତିଶତକୁ ହ୍ରାସ କରାଯାଇଛି। ଖାଲି ଏତିକି ନୁହେଁ କିଛି ସାମଗ୍ରୀ ଉପରେ ଶୂନ୍ୟ ଟାରିଫ୍ ବି ଘୋଷଣା ହୋଇଛି। ସେ ସବୁ ହେଲା ରତ୍ନପଥର ଓ ହୀରା, ଫାର୍ମା ସାମଗ୍ରୀ, ଏୟାରକ୍ରାଫ୍ଟ ସାମଗ୍ରୀ, ସ୍ମାର୍ଟ ଫୋନ୍, ଚା, କଫି, ମସଲା କଦଳୀ, କାଜୁ ଏବଂ ଅନେକ ବେକେରୀ ଜାତୀୟ ସାମଗ୍ରୀ।

• ‘ବଢ଼ିବ ରପ୍ତାନୀ, ବଢ଼ିବ ବ୍ୟବସାୟ’
• ‘ଆମେରିକା-ଭାରତ ଟ୍ରେଡ୍ ଡିଲ’ ଫାଇଦା ଗଣାଇଲେ ମନ୍ତ୍ରୀ
• କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରୀ ପୀୟୂଷ ଗୋଏଲଙ୍କ ସୂଚନା
• ‘ବାଣିଜ୍ୟ କ୍ଷେତ୍ରରେ ଆସିବ ବଡ଼ ବୈପ୍ଲବିକ ପରିବର୍ତ୍ତନ’
• ‘ଭାରତ-ଆମେରିକା ମଧ୍ୟରେ ବ୍ୟବସାୟ ବୃଦ୍ଧି ହେବ’
• ‘ଦୁଇ ଦେଶର ଅର୍ଥନୈତିକ ସହଯୋଗକୁ ଉତ୍ସାହିତ କରିବ’
• ‘ଡିଲ୍ ଦ୍ବାରା ବିଶ୍ୱ ବଜାରରେ ପ୍ରବେଶ କରିବ ଭାରତ’
• ‘MSME, କୃଷକ ଓ ମତ୍ସ୍ୟ ବଜାର ଉପରେ ସିଧା ଫାଇଦା’
• ‘ଟେକ୍ସଟାଇଲ୍, ପ୍ଲାଷ୍ଟିକ୍, ଯନ୍ତ୍ରାଂଶ ଶିଳ୍ପ ପାଇଁ ବଜାର ସୃଷ୍ଟି’