Vijay and Trisha Relationship Rumors: ବିଜୟ–ତ୍ରିଶା ପ୍ରେମ ଗୁଜବରେ ବିକ୍ରମ ଭଟ୍ଟଙ୍କ ବଡ ମତ; ସେମାନଙ୍କର ଭଲ ପାଇବାର ଅଧିକାର ଅଛି

ମନୋରଞ୍ଜନ ଦୁନିଆରେ ଏବେ ସବୁଠାରି ବଡ ଚର୍ଚ୍ଚା ଥାଲାପତି ବିଜୟ ଏବଂ ତ୍ରିଶା କୃଷ୍ଣନଙ୍କ ମଧ୍ୟରେ ପ୍ରେମ ସମ୍ପର୍କ। ଏହି ଗୁଜବ ଉପରେ ନିର୍ଦ୍ଦେଶକ ବିକ୍ରମ ଭଟ୍ଟ ତାଙ୍କର ମତ ରଖିଛନ୍ତି। ବିଜୟ ନିକଟରେ ତ୍ରିଶାଙ୍କ ସହିତ ଏକ ବିବାହରେ ଯୋଗ ଦେଇଥିଲେ। ଏହା ପୂର୍ବରୁ ତାଙ୍କ ପତ୍ନୀ ସଙ୍ଗୀତା ତାଙ୍କଠାରୁ ଛାଡପତ୍ର ପାଇଁ ଆବେଦନ କରିଥିଲେ। ଏହାକୁ ନେଇ ବର୍ତ୍ତମାନ ଲୋକଙ୍କର ମିଶ୍ରିତ ମତାମତ ଆସୁଛି। ତେବେ ଆସନ୍ତୁ ଜାଣିବା ବିଜୟ ଏବଂ ତ୍ରିଶାଙ୍କ ପ୍ରେମ ସମ୍ପର୍କକୁ ନେଇ ବିକ୍ରମ ଭଟ୍ଟ କ’ଣ କହିଛନ୍ତି।

ବିକ୍ରମ ଭଟ୍ଟ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ବିଜୟ ଏବଂ ତ୍ରିଶାଙ୍କୁ ସମର୍ଥନ କରିଛନ୍ତି ଆଉ ଏକ ଲମ୍ବା ନୋଟ୍ ସେୟାର କରିଛନ୍ତି। ସେ ଲେଖିଛନ୍ତି, "ବିଜୟ ଏବଂ ତ୍ରିଶାଙ୍କ ବ୍ୟକ୍ତିଗତ ଜୀବନକୁ ନେଇ ବହୁତ ଗୁଜବ ହେଉଛି। ମୁଁ ଜାଣିନାହିଁ ଯେ ଅନଲାଇନରେ ପ୍ରସାରିତ ଗୁଜବ ସତ କି ନାହିଁ। କିନ୍ତୁ ଯଦି ତାହା ସତ ହୋଇଥାଏ, ତେବେ ମୁଁ କିଛି କହିବାକୁ ଚାହୁଁଛି। ଯେତେବେଳେ ଦୁଇଜଣ ବ୍ୟକ୍ତି ଏମିତି ଏକ ସମ୍ପର୍କରେ ଫସି ଯାଆନ୍ତି ଯାହା ଏହାର ସମୟ ପୂରା କରିସାରିଛି, କିନ୍ତୁ ସମାଜ ବାଧ୍ୟ କରିଥାଏ ଯେ ଏହା ଜାରି ରହିବା ଉଚିତ; ତାହା ମଧ୍ୟ ଏକ ଜେଲ।"

ବିକ୍ରମ ଭଟ୍ଟ ଆହୁରି ଲେଖିଛନ୍ତି, "ମୁଁ ସବୁବେଳେ ମାନବ ହୃଦୟର ସ୍ୱାଧୀନତା ପାଇଁ ଠିଆ ହେବି। ସେମାନଙ୍କର ବଞ୍ଚିବା ଏବଂ ଭଲ ପାଇବାର ଅଧିକାର ଅଛି।"

ବର୍ତ୍ତମାନ, ବିଜୟ ଏବଂ ତ୍ରିଶା ମାର୍ଚ୍ଚ ୫ ତାରିଖରେ ଚେନ୍ନାଇରେ ପ୍ରଯୋଜକ କଳ୍ପନା ଏସ୍. ସୁରେଶ ଏବଂ ମୀନାକ୍ଷୀ ସୁରେଶଙ୍କ ପୁଅର ବିବାହ ଭୋଜିରେ ଯୋଗ ଦେଇଥିଲେ। ତାଙ୍କ ପତ୍ନୀ ସଙ୍ଗୀତାଙ୍କ ସହିତ ଛାଡପତ୍ର ପ୍ରକ୍ରିୟା ଚାଲିଥିବା ସମୟରେ ସେମାନଙ୍କୁ ଏଭଳି ଏକାଠି ଦେଖିବାକୁ ମିଳିଥିଲା। ସଙ୍ଗୀତା ତାଙ୍କ ଆବେଦନରେ ଅଭିଯୋଗ କରିଛନ୍ତି ଯେ ବିଜୟଙ୍କ ଜଣେ ଅଭିନେତ୍ରୀଙ୍କ ସହିତ ଅତିରିକ୍ତ ବୈବାହିକ ସମ୍ପର୍କ ଅଛି।

ତ୍ରିଶା ଏବଂ ବିଜୟଙ୍କ ମଧ୍ୟରେ ଘନିଷ୍ଠ ସମ୍ପର୍କ ଯୋଗୁଁ ସେମାନଙ୍କ ମଧ୍ୟରେ ପ୍ରେମ ସମ୍ପର୍କ ରହିଛି ବୋଲି ଆଲୋଚନା ଜୋର୍ ଧରିଛି। ତେବେ, ତ୍ରିଶା କୃଷ୍ଣନ୍ କିମ୍ବା ବିଜୟ ସେମାନଙ୍କ ସମ୍ପର୍କକୁ ନେଇ ଚାଲିଥିବା ଏଭଳି ଗୁଜବ ଉପରେ କୌଣସି ମର ଦେଇନାହାଁନ୍ତି।