ଅଙ୍ଗଦାନ କରିବେ ଏଇ ଦୁଇ କଳାକାର

ନୂଆଦିଲ୍ଲୀ: ବଲିଉଡ ଅଭିନେତା ରିତେଶ ଦେଶମୁଖ ଓ ତାଙ୍କ ପତ୍ନୀ ତଥା ଅଭିନେତ୍ରୀ ଜେନେଲିଆ ଡି’ସୁଜା ଦୁହିଁଙ୍କର ନିଆରା ଷ୍ଟାଇଲ୍‌ ପାଇଁ ବେଶ୍‌ ଜଣାଶୁଣା। ଉଭୟ ପତି-ପତ୍ନୀ ମଧ୍ୟ ସୋସିଆଲ ମିଡିଆରେ ଖୁବ୍‌ ଆକ୍ଟିଭ ରହିଥାନ୍ତି। ନିଜର କିଛି ଫଟୋ ଓ ଭିଡିଓକୁ ଶେୟାର କରି ପ୍ରଶଂସକମାନଙ୍କର ମନୋରଞ୍ଜନ କରିଥାନ୍ତି। ରିତେଶ ଓ ଜେନେଲିଆ ଦୁହେଁ ମିଶି ଜୀବନ ସହ ଜଡିତ ଏକ ବଡ଼ ନିଷ୍ପତ୍ତି ନେଇଛନ୍ତି। ଯାହାକୁ ଶୁଣିବା ପରେ ଉଭୟଙ୍କୁ ସମସ୍ତେ ପ୍ରଶଂସା କରୁଛନ୍ତି। ଗତକାଲି ଡକ୍ଟର ଦିବସ ଉପଲକ୍ଷେ ଦୁହେଁ ନିଜର ଅର୍ଗାନକୁ (ଅଙ୍ଗକୁ)ଦାନ କରିବାକୁ ନିଷ୍ପତ୍ତି ନେଇଛନ୍ତି। ଉଭୟ ଏକ ଭିଡିଓକୁ ସୋସିଆଲ ମିଡିଆରେ ଶେୟାର କରି ଏହି ସୂଚନା ଦେଇଛନ୍ତି।

View this post on Instagram

@riteishd and me have been thinking about it for a long time but unfortunately didn’t get down to doing it. Today on Doctor’s Day we pledge to donate our organs. We want to thank Dr Nozer Sherier and FOGSI for inspiring us. The greatest gift you can give someone is ‘The gift of life’. .We urge you all to take a part in this initiate and pledge to save lives, pledge to donate your organs.

A post shared by Genelia Deshmukh (@geneliad) on Jul 1, 2020 at 4:29am PDT

ରିତେଶ ଓ ଜେନେଲିଆ ଏହି ଭିଡିଓକୁ ଶେୟାର କରି କହିଛନ୍ତି ଯେ ‘ଆମେ ଏ ବିଷୟରେ ଅନେକ ଥର ଚିନ୍ତା କରିଛୁ, କିନ୍ତୁ ଦୁର୍ଭାଗ୍ୟବଶତଃ ଆପଣମାନଙ୍କୁ କେବେ କହି ପାରିନଥିଲୁ। ତେଣୁ ଜୁଲାଇ୧ରେ ଡକ୍ଟର ଦିବସ ଉପଲକ୍ଷେ ଆମେ ଅଙ୍ଗଦାନ କରିବାକୁ ନିଷ୍ପତ୍ତି ନେଇଛୁ।’

ଏଥିସହିତ ଜେନେଲିଆ ମଧ୍ୟ କହିଛନ୍ତି ଯେ ଯଦି ଆପଣମାନ ବି ଅଙ୍ଗଦାନ କରିବାକୁ ଚାହୁଁଛନ୍ତି ତେବେ ଦୟାକରି କରନ୍ତୁ। ଯଦି ଆପଣ କାହାକୁ ସବୁଠାରୁ ଭଲ ଉପହାର ଦେବାକୁ ଚାହୁଁଛନ୍ତି, ତେବେ ଅଙ୍ଗଦାନ କରି ଅନ୍ୟମାନଙ୍କର ଜୀବନ ରକ୍ଷା କରନ୍ତୁ। ଉଭୟଙ୍କର ଏଭଳି ପଦକ୍ଷେପ ପାଇଁ ପ୍ରଶଂସକମାନ ଖୁବ୍‌ ପ୍ରଶଂସା କରୁଛନ୍ତି। ଦୁହଁଙ୍କ ଭିଡିଓ ମଧ୍ୟ ସୋସିଆଲ ମିଡିଆରେ ଖୁବ୍‌ ଭାଇରାଲ ହେଉଛି।