Khandagiri Jatra: ଖଣ୍ଡଗିରି ଯାତ୍ରା ପେଣ୍ଡାଲରେ ସିଟ୍ କଟକଣା, ବଡ଼ କ୍ଷତି ସହିବ ଯାତ୍ରା କମିଟି

ଖଣ୍ଡଗିରି ଯାତ୍ରା ପେଣ୍ଡାଲରେ ସିଟ୍ କଟକଣା ଲଗାଇଲା କମିଶନରେଟ୍ ପୋଲିସ୍। ଏଥର ଯାତ୍ରା ପେଣ୍ଡାଲରେ ୧୮ଶହ ସିଟ୍ ପକାଇବାକୁ ଡିସିପି ନିର୍ଦ୍ଦେଶ ଦେଇଛନ୍ତି। କାରଣ ଗୋଟିଏ ଲାଇନରୁ ଆଉ ଗୋଟିଏ ଲାଇନ୍ ୩ ଫୁଟ୍ ଫାଙ୍କା ରହିବ। ତାସହ ପେଣ୍ଡାଲ୍ ଭିତରକୁ ଚଉଡା ରାସ୍ତା ରହିବ। 

ତେଣୁ ସବୁ ଯାତ୍ରା କମିଟିଙ୍କୁ କମିଶନରେଟ୍ ପୋଲିସ୍ ପକ୍ଷରୁ ଦିଆଯାଇଛି କଡ଼ା ନିର୍ଦ୍ଦେଶ। ତେବେ ଏହି ନିର୍ଦ୍ଦେଶକୁ ବିଭିନ୍ନ ଯାତ୍ରା ଆୟୋଜନ କମିଟି ମାନିନେଇଥିଲେ ବି ଅସନ୍ତୋଷ ପ୍ରକାଶ କରିଛନ୍ତି। ଗତକାଲି ଖଣ୍ଡଗିରି ଥାନାରେ ପୋଲିସ ଏବଂ ୬ ଯାତ୍ରା ଆୟୋଜକ କମିଟିଙ୍କ ମଧ୍ୟରେ ବୈଠକ ବସିଥିଲା। 

ପୋଲିସ ଓ ସ୍ଥାନୀୟ ପ୍ରଶାସନକୁ ସମ୍ମାନ ଜଣାଇ ଦର୍ଶକଙ୍କ ଲାଗି ୧୮ଶହ ସିଟ ବିକ୍ରି ପାଇଁ କମିଟି ରାଜି ହୋଇଛି। ଟିକେଟ ଦର ଯାହା ଥିଲା ୩ଶହ ଏବଂ ଅଢେଇ ଶହ ଟଙ୍କା ଶେଷ ପର୍ଯ୍ୟନ୍ତ ରହିବ। ଟିକେଟ୍ ଦାମ ଆଉ ବଢିବ ନାହିଁ। ଫଳରେ ପ୍ରତି ଯାତ୍ରା ଆୟୋଜକ କମିଟି ରାତିକୁ ୨ଲକ୍ଷ ଟଙ୍କା କ୍ଷତି ସହିବୁ ବୋଲି କହିଛନ୍ତି ଯାତ୍ରା ଆୟୋଜନ କମିଟି।

ଖଣ୍ଡଗିରି ଯାତ୍ରା ପେଣ୍ଡାଲରେ ସିଟ୍ କଟକଣା 
ଏଥର ଯାତ୍ରା ପେଣ୍ଡାଲ ରେ ୧୮ଶହ ସିଟ୍ ପକାଇବାକୁ ନିର୍ଦ୍ଦେଶ 
ଗୋଟିଏ ଲାଇନରୁ ଆଉ ଗୋଟିଏ ଲାଇନ୍ ୩ ଫୁଟ୍ ଫାଙ୍କା ରହିବ
ପେଣ୍ଡାଲ୍ ଭିତରକୁ ଚଉଡ଼ା ରାସ୍ତା ରହିବ
ସବୁ ଯାତ୍ରା କମିଟିଙ୍କୁ କମିଶନରେଟ୍ ପୋଲିସ୍ ପକ୍ଷରୁ କଡ଼ା ନିର୍ଦ୍ଦେଶ
ଖଣ୍ଡଗିରି ଥାନାରେ ପୋଲିସ ଓ ୬ ଯାତ୍ରା ଆୟୋଜକ କମିଟିର ବୈଠକ
୧୮ଶହ ସିଟ ବିକ୍ରି ପାଇଁ ଯାତ୍ରା ଆୟୋଜନ କମିଟି ରାଜି 
ପ୍ରତି ଯାତ୍ରା ଆୟୋଜକ କମିଟି ରାତିକୁ ୨ଲକ୍ଷ ଟଙ୍କା କ୍ଷତି ସହିବେ: ଯାତ୍ରା କମିଟି