Janhvi Kapoor Net Worth: ଜାହ୍ନବୀଙ୍କ ସମ୍ପତ୍ତି ଶୁଣିଲେ ଚମକିଯିବେ! ଏତେ କମ୍ ବୟସରେ କେମିତି ହେଲେ କୋଟିପତି

ଅଭିନେତ୍ରୀ ଜାହ୍ନବୀ କପୁର ଆଜି ଜଣେ ଲୋକପ୍ରିୟ ବଲିଉଡ୍ ଷ୍ଟାର ହୋଇଯାଇଛନ୍ତି। ସେ ୨୦୧୮ ମସିହାରେ "ଧଡକ୍" ଫିଲ୍ମରେ ଡେବ୍ୟୁ କରିଥିଲେ। ଏହି ଚଳଚ୍ଚିତ୍ରଟି ଭଲ ବ୍ୟବସାୟ କରିପାରି ନଥିଲା। ଏହା ପରେ, ସେ "ଗୁଞ୍ଜନ ସକ୍ସେନା: ଦି କାର୍ଗିଲ୍ ଗାର୍ଲ" ରେ ଅଭିନୟ କରିଥିଲେ। ଏଠାରେ ତାଙ୍କ ଅଭିନୟକୁ ବହୁତ ପ୍ରଶଂସା କରାଯାଇଥିଲା।

ଜାହ୍ନବୀ କପୁର ପରବର୍ତ୍ତୀ ସମୟରେ "ରୁହି", "ଗୁଡ୍ ଲକ୍ ଜେରି", "ମିଲି", "ବବାଲ୍" ଏବଂ "ପରମ ସୁନ୍ଦରୀ" ଭଳି ଫିଲ୍ମ ମାଧ୍ୟମରେ ତାଙ୍କର ନାଆଁକୁ ସୁଦୃଢ଼ କରିଥିଲେ। ଆଜି, ତାଙ୍କୁ ନୂତନ ପିଢ଼ିର ଶ୍ରେଷ୍ଠ ଅଭିନେତ୍ରୀମାନଙ୍କ ମଧ୍ୟରୁ ଜଣେ ବୋଲି ଗଣାଯାଏ। ଏହି ଅଭିନେତ୍ରୀ ମାର୍ଚ୍ଚ ୬ ତାରିଖରେ ତାଙ୍କର ୨୯ତମ ଜନ୍ମଦିନ ପାଳନ କରିବେ, ଏବଂ ଏହି ବୟସରେ, ସେ କୋଟି କୋଟି ଟଙ୍କାର ସମ୍ପତ୍ତିର ମାଲିକାଣୀ ହୋଇପାରିଛନ୍ତି।

ରିପୋର୍ଟ ଅନୁଯାୟୀ, ଜାହ୍ନବୀ କପୁରଙ୍କ ମୋଟ ସମ୍ପତ୍ତିର ମୂଲ୍ୟ ୮୨ କୋଟି ଟଙ୍କା। ସେ ପ୍ରତି ଫିଲ୍ମ ପାଇଁ ୫ରୁ ୧୦ କୋଟି ଟଙ୍କା ନିଅନ୍ତି। ସେ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ ମଧ୍ୟ ରୋଜଗାର କରନ୍ତି। ବ୍ରାଣ୍ଡ ଏଣ୍ଡୋର୍ସମେଣ୍ଟ ପାଇଁ ଜାହ୍ନବୀ ୨.୫ କୋଟି ରୁ ୩ କୋଟି ଟଙ୍କା ନିଅନ୍ତି। ସେ ପ୍ରତି ସୋସିଆଲ ମିଡିଆ ପୋଷ୍ଟ ପାଇଁ ୭୦ରୁ ୮୦ଟଙ୍କା ଚାର୍ଜ କରନ୍ତି।

ଜାହ୍ନବୀ କପୁର ଖୁବ ବିଳାସପୂର୍ଣ୍ଣ ଜୀବନଯାପନ କରନ୍ତି। ତାଙ୍କର ମୁମ୍ବାଇରେ  ୬୫ କୋଟି ଟଙ୍କାର ଏକ ଡୁପ୍ଲେକ୍ସ ଅଛି, ଯେଉଁଠାରେ ସେ ତାଙ୍କ ବାପା ବୋନି କପୁର ଏବଂ ଭଉଣୀ ଖୁସିଙ୍କ ସହ ରୁହନ୍ତି। ଚେନ୍ନାଇରେ ତାଙ୍କର ଏକ ବଡ଼ ପାରିବାରିକ ଘର ମଧ୍ୟ ଅଛି। ଏହା ବ୍ୟତୀତ, ଜାହ୍ନବୀଙ୍କର ଅନେକ ବିଳାସପୂର୍ଣ୍ଣ କାର୍‌ ଅଛି, ଯେଉଁଥିରେ ଏକ BMW X5, ଏକ Mercedes GLE 250d, Mercedes-Maybach S560 ଏବଂ ଏକ Mercedes-Benz S-Class ରହିଛି।

କାମର କଥା କହିବାକୁ ଗଲେ, ଜାହ୍ନବୀ ବହୁ ପ୍ରତୀକ୍ଷିତ ଫିଲ୍ମ "ପେଡ୍ଡି"ରେ ନଜର ଆସିବେ, ଏଥିରେ ରାମ ଚରଣ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ରିପୋର୍ଟ ଅନୁସାରେ, ଫିଲ୍ମଟି ଏପ୍ରିଲ ୩୦ ତାରିଖରେ ସିନେମା ହଲରେ ମୁକ୍ତିଲାଭ କରିବ। ଏହା ବ୍ୟତୀତ ଜାହ୍ନବୀ "ଲଗ୍ ଜା ଗଲେ" ଫିଲ୍ମରେ ମଧ୍ୟ ନଜର ଆସିବେ।