Allu Arjuns Diet Plan: ଜଳଖିଆରେ ଅଣ୍ଡା ଏବଂ ମଧ୍ୟାହ୍ନ ଭୋଜନରେ ଗ୍ରୀଲ୍ଡ ଚିକେନ୍, ଅଲ୍ଲୁ ଅର୍ଜୁନଙ୍କ ଫିଟନେସର ରହସ୍ୟ ରାତ୍ରୀ ଭୋଜନରେ

ପୁଷ୍ପା’ ଫେମ୍ ସୁପରଷ୍ଟାର ଅଲ୍ଲୁ ଅର୍ଜୁନ କେବଳ ତାଙ୍କର ଅଭିନୟ ପାଇଁ ନୁହେଁ, ବରଂ ତାଙ୍କର ଫିଟନେସ୍ ଏବଂ ଶାରୀରିକ ଗଠନ ପାଇଁ ମଧ୍ୟ ଜଣାଶୁଣା। ତାଙ୍କର ଷ୍ଟାଇଲ୍, ଉତ୍ସାହ ଏବଂ ଫିଟନେସ୍ ପ୍ରଶଂସକମାନଙ୍କୁ ପାଗଳ କରିଦିଏ। ଏହା ହିଁ କାରଣ ଯେ ଅଲ୍ଲୁ ଅର୍ଜୁନଙ୍କ ଏକ ଝଲକ ଦେଖିବା ପାଇଁ ଶହ ଶହ ପ୍ରଶଂସକଙ୍କ ଭିଡ଼ ଜମା ହୋଇଯାଏ। କିନ୍ତୁ ଆପଣ ଜାଣନ୍ତି କି ତାଙ୍କର ଏହି ଅସାଧାରଣ ଶାରୀରିକ ଗଠନ ପଛରେ ରହିଛି ତାଙ୍କର କଠୋର ଡାଏଟ୍ ଏବଂ ନିୟମିତ ବ୍ୟାୟାମ? ଆସନ୍ତୁ ଜାଣିବା ତାଙ୍କର ଡାଏଟ୍ ପ୍ଲାନ୍ ବିଷୟରେ।

ଅଲ୍ଲୁ ଅର୍ଜୁନଙ୍କର ଜଳଖିଆ ବହୁତ ସରଳ ଓ ସାଧାସିଧା ହେଲେ । ସେ ସକାଳେ ଅଣ୍ଡା ଖାଆନ୍ତି, ଯାହା ତାଙ୍କୁ ପୂରା ଦିନ ପାଇଁ ଶକ୍ତି ଯୋଗାଇଥାଏ। ଏକ ସାକ୍ଷାତକାରରେ ସେ କହିଥିଲେ ଯେ ଜଳଖିଆ ତାଙ୍କ ମନକୁ ସତେଜ ରଖିବା ଏବଂ ଶରୀରକୁ ସକ୍ରିୟ କରିବାରେ ସାହାଯ୍ୟ କରେ। ଏହା ମଧ୍ୟ ନିର୍ଭର କରେ ଯେ ପୂର୍ବ ରାତିରେ ରାତ୍ରିଭୋଜନରେ ସେ କ’ଣ ଖାଇଥିଲେ। 

ମଧ୍ୟାହ୍ନ ଭୋଜନ ସମୟରେ ଅଲ୍ଲୁ ଅର୍ଜୁନଙ୍କ ଧ୍ୟାନ ପ୍ରୋଟିନ୍ ଏବଂ ପୁଷ୍ଟିକର ଖାଦ୍ୟ ଉପରେ ରହିଥାଏ। ସେ ଗ୍ରିଲ୍‌ଡ୍ ଚିକେନ୍ ଖାଆନ୍ତି, ଯାହା ତାଙ୍କୁ ଲିନ୍ ପ୍ରୋଟିନ୍ ଯୋଗାଇଥାଏ ଏବଂ ମେଟାବୋଲିଜମକୁ ବୃଦ୍ଧି କରିଥାଏ। ଏହା ସହିତ ସେ ସବୁଜ ପନିପରିବା ମଧ୍ୟ ଖାଆନ୍ତି, ଯାହା ଆଣ୍ଟିଅକ୍ସିଡାଣ୍ଟ ଏବଂ ଫାଇବରରେ ଭରପୂର। ଏହା ତାଙ୍କର ପାଚନତନ୍ତ୍ରକୁ ମଜବୁତ ରଖେ ଏବଂ ଚର୍ମକୁ ଉଜ୍ଜ୍ୱଳ କରେ।

ରାତ୍ରିଭୋଜନ ସମୟରେ ଏହି ଅଭିନେତା ହାଲୁକା କିନ୍ତୁ ସ୍ୱାସ୍ଥ୍ୟକର ଖାଦ୍ୟ ପସନ୍ଦ କରନ୍ତି। ଏଥିରେ ସବୁଜ ବିନ୍ସ, ମକା, ବ୍ରାଉନ୍ ରାଇସ୍ ଏବଂ ସାଲାଡ୍ ସାମିଲ ହୋଇଥାଏ। ଏହା ସହିତ, ବ୍ୟାୟାମ ପରେ ସେ ସ୍ୱାସ୍ଥ୍ୟକର ପାନୀୟ କିମ୍ବା ଶେକ୍ ପିଇବାକୁ ଭୁଲନ୍ତି ନାହିଁ।

ଫିଲ୍ମ ଅନୁଯାୟୀ ବଦଳେ ଡାଏଟ୍

ଅଲ୍ଲୁ ଅର୍ଜୁନଙ୍କ ତାଙ୍କ ଫିଲ୍ମର ଚରିତ୍ର ଅନୁଯାୟୀ ଡାଏଟ୍ ଏବଂ ଶାରୀରିକ ଗଠନ ଉପରେ କାମ କରନ୍ତି। ସେ ନିଜେ କହିଥିଲେ ଯେ ‘ପୁଷ୍ପା ୧’ ଏକ ପାରିବାରିକ ମନୋରଞ୍ଜନ ଫିଲ୍ମ ଥିଲା, ତେଣୁ ସେ ଅଧିକ ମାଂସପେଶୀ ଗଠନ ଉପରେ ଧ୍ୟାନ ଦେଇନଥିଲେ। କିନ୍ତୁ ‘ପୁଷ୍ପା ୨’ରେ ଅନେକ ଆକ୍ସନ୍ ଦୃଶ୍ୟ ଥିବାରୁ ସେ ନିୟମିତ ବ୍ୟାୟାମ କରି ନିଜ ଶରୀରକୁ ଆହୁରି ଫିଟ୍ କରିଥିଲେ।