Suspicious Death: ୪ ମହଲା କୋଠାରୁ ଖସି ମହିଳା ମୃତ; ହତ୍ୟା ନା ଆତ୍ମହତ୍ୟା!

୪ ମହଲା ଛାତରୁ ଖସି ମହିଳା ମୃତ। ପାରାଦୀପ ତାରିଣୀଗଡାରେ ଘଟିଛି ଏ ଅଘଟଣ। ତେବେ ମହିଳା ଜଣକ ମୃତ୍ୟୁକୁ ନେଇ ସନ୍ଦେହ ସୃଷ୍ଟି ହୋଇଛି। ଦୁର୍ଘଟଣା, ଆତ୍ମହତ୍ୟା ନା ମୃତ୍ୟୁ ପଛରେ ରହିଛି ଆଉ କଣ କାରଣ ଅସ୍ପଷ୍ଟ ରହିଛି। ହତ୍ୟା ସନ୍ଦେହ ମଧ୍ୟ କରାଯାଉଛି। ମହିଳାଙ୍କ ମିଳିନି ପରିଚୟ। ମହିଳାଙ୍କ ଶରୀରରେ ପୋଷାକ ନାହିଁ। 

ତଳମୁହାଁ ହୋଇଛି ପଡ଼ିଛି ମୃତଦେହ। ବିଲଡିଂ ଅଧାରେ ଏକ ପାଇପରେ ମହିଳାଙ୍କ ପୋଷାକ ଲାଖି ରହିଛି। ମହିଳା ଜଣକ କିଏ, କଣ ପ୍ରକୃତ ଘଟଣା ଅସ୍ପଷ୍ଟ ରହିଛି। ଉପର ମହଲାରେ କିଛି ଯୁବକ ଭଡ଼ାରେ ରହୁଛନ୍ତି। ତେବେ ମୃତ୍ୟୁ ହୋଇଥିବା ମହିଳା ଏହି କୋଠାରେ ରହୁନଥିବା କହିଛନ୍ତି ଘରର ମାଲିକ।