Sexually Harassing Women Students: ଆଶ୍ରମରେ ଚାଲିଥିଲା ଯୌନଶୋଷଣ, ସାଧୁ ବେଶରେ ବାବା କରୁଥିଲେ ପାପ...

ରାଜଧାନୀର ଯୌନପିପାସୁ ବାବାଙ୍କ କେଳେଙ୍କାରୀକୁ ନେଇ ଚାରିଆଡେ ହଇଚଇ । ଆର୍ଥିକ ପଛୁଆ ବର୍ଗର ମହିଳାଙ୍କୁ ଆଣି ପାଠ ପଢାଇବା ଆଳରେ ବାବା କେମିତି ଯୌନ ଶୋଷଣ (Sexually Harassed) କରୁଥିଲେ ତାହାର ପୋଲ୍ ଖୋଲିଛି । ବାବାଙ୍କ ପୋଲ ଖୋଲିବା ପରେ ପୁଣି ଥରେ ଅନେକ ପ୍ରଶ୍ନ ଠିଆ ହୋଇଛି ।

ଆଶ୍ରମରେ ଚାଲିଥିଲା ଯୌନଶୋଷଣ...

ଦିଲ୍ଲୀ ବସନ୍ତକୁଞ୍ଜ ଅଞ୍ଚଳରେ ଥିବା ଏକ ଜଣାଶୁଣା ଆଶ୍ରମର ବାବାଙ୍କ ନାଁରେ ଆସିଛି ଏହି ସାଂଘାତିକ ଅଭିଯୋଗ । ଜଣେ କି ଦି'ଜଣ ନୁହେଁ, ୧୭ ଜଣ ମହିଳା ଆଣିଛନ୍ତି ଯୌନ ନିର୍ଯାତନା ଅଭିଯୋଗ । ଏହି ମହିଳାମାନେ EWS ସ୍କଲାରସିପ୍‌ରେ ଆଶ୍ରମ କଲେଜରେ ମ୍ୟାନେଜମେଣ୍ଟ କୋର୍ସ କରୁଥିଲେ । ହେଲେ ସେଠି ପାଠପଢା ଆଳରେ ଦିଆଯାଉଥିଲା ଯୌନ ନିର୍ଯାତନା । 

ସାଧୁ ବେଶରେ ବାବା କରୁଥିଲେ ପାପ...

ଆଶ୍ରମ କଲେଜର ଡାଇରେକ୍ଟର ଥିଲେ ବାବା ଚୈତନ୍ୟାନନ୍ଦ ଓରଫ୍ ପାର୍ଥ ସାରଥୀ । କଲେଜ ୱାଡେନ ଛାତ୍ରୀମାନଙ୍କୁ ବାବାଙ୍କ ପାଖକୁ ପଠାଉଥିଲେ । ବାବା ଛାତ୍ରୀଙ୍କ ସହ ଜୋରଜବରଦସ୍ତ ଶାରିରୀକ ସମ୍ପର୍କ ରଖିବାକୁ ଚେଷ୍ଟା କରୁଥିଲେ । ଆଉ ଏଇ କାମରେ ବାବାଙ୍କୁ ସାହାଯ୍ୟ କରୁଥିଲେ କଲେଜ ଆଡମିନିଷ୍ଟ୍ରେସନ । ବାବାଙ୍କ ଯୌନବାସନା ପୂରା କରିବାକୁ ଛାତ୍ରୀଙ୍କୁ ଚାପ ପକାଉଥିଲେ । ଏନେଇ ମାମଲା ରୁଜୁ ହେବା ପରେ ଫେରାର୍ ହୋଇଯାଇଛନ୍ତି ବାବା ।

କେବଳ ଏତିକି ନୁହେଁ, ଏଇ ରଙ୍ଗିଲା ବାବାଙ୍କ ସଉକ ଥିଲା ଦାମୀ ଗାଡି । ବାବା ଦାମୀ ଭୋଲବୋ କାର୍ ଚଢୁଥିଲେ । ସେଥିରେ ଫର୍ଜି ଏମ୍ବାସି ବା UN ନମ୍ବର ପ୍ଲେଟ ଲଗାଇ ବୁଲିଥିଲେ । ଏହି ଗାଡିକୁ ବି ଜବତ କରିଛି ପୋଲିସ । ବର୍ତ୍ତମାନ ଅଭିଯୁକ୍ତ ବାବାଙ୍କୁ ଧରିବାକୁ ଖୋଜାଖୋଜି ଚାଲିଛି ।