Dowry Death: ପୁଣି ଯୌତୁକ ଜୁଇରେ ଜଳିଗଲା ଆଉ ଏକ ଜୀବନ, ଶାଶୁଘର ଲୋକେ ମାରିଦେଲେ!

ପୁଣି ଯୌତୁକ ଜୁଇରେ ଜଳିଗଲା ଆଉ ଏକ ଜୀବନ | ଯୌତୁକ ପାଇଁ ବୋଧୂ ମୃତ୍ୟୁ ଅଭିଯୋଗ। ଏଭଳି ଏକ ସାଙ୍ଘାତିକ ଅଭିଯୋଗ ଆସିଛି କନ୍ଧମାଳ ଜିଲ୍ଲା ଫୁଲବାଣୀରୁ | ୨୦୨୦ରେ ବଲାଙ୍ଗୀରର ପ୍ରିୟମ୍ବଦା ପଟ୍ଟନାୟକଙ୍କୁ ବାହା ହୋଇଥିଲେ ଫୁଲବାଣୀର ଅରବିନ୍ଦ ମହାନ୍ତି | ସେମାନଙ୍କ ଦୁଇଟି ପୁଅ ମଧ୍ୟ ଅଛନ୍ତି | 

ପ୍ରିୟମ୍ବଦାଙ୍କ ବାହାଘର ପରଠୁ ପଚାଶ ଲକ୍ଷ ଯୌତୁକ ପାଇଁ ଶାଶୁଘର ଲୋକେ ନିର୍ଯାତନା ଦେଇ ଆସୁଥିବା ଅଭିଯୋଗ ହୋଇଛି। ଏନେଇ ସବୁବେଳେ ଗଣ୍ଡଗୋଳ ଝଗଡ଼ା ବି ହେଉଥିବା ଅଭିଯୋଗ ରହିଛି। ଗତ ୧ ତାରିଖ ଦିନ ପ୍ରିୟମ୍ବଦାଙ୍କୁ ପିଟି ପିଟି ହତ୍ୟା କରିଥିବା ଅଭିଯୋଗ କରିଛନ୍ତି ପରିବାରଲୋକେ। 

ଏମିତିକି ଶାଶୁ ଘର ଲୋକେ ବ୍ରହ୍ମପୁର ହସ୍ପିଟାଲରେ ପ୍ରିୟମ୍ବଦାଙ୍କ ଶବ ଛାଡି ଫେରାର ମାରିଥିଲେ | ଝିଅ ଘର ଲୋକେ ଶବ ସଂସ୍କାର କରି ସରିବା ପରେ ଗତ ତିନି ତାରିଖରେ ଫୁଲବାଣୀ ସଦର ଥାନାରେ ଲିଖିତ ଅଭିଯୋଗ କରିଛନ୍ତି | 

ସେପଟେ ଏନେଇ ପ୍ରିୟମ୍ବଦାଙ୍କ ସ୍ବାମୀ ଅରବିନ୍ଦ କିମ୍ବା ତାଙ୍କ ପରିବାରଲୋକଙ୍କ ପ୍ରତିକ୍ରିୟା ମିଳିପାରିନି। ଅପରପକ୍ଷେ, ଫୁଲବାଣୀ ପୋଲିସ୍ ମାମଲାର ତଦନ୍ତ କରୁଛି, ଏହା ହତ୍ୟା ନା ଆତ୍ମହତ୍ୟା ଯାଞ୍ଚ ଚାଲିଥିବା କହିଛନ୍ତି ଫୁଲବାଣୀ ଏସଡିପିଓ।