3 Awarded Death Penalty: ହାମ୍ପି ଗଣଦୁଷ୍କର୍ମ ଓ ହତ୍ୟା: ଫାଶି ଦଣ୍ଡ ଶୁଣାଇଲେ କୋର୍ଟ, ମାମଲା ବିରଳରୁ ବିରଳତମ

ବହୁଚର୍ଚ୍ଚିତ କର୍ଣ୍ଣାଟକ ହାମ୍ପି ଗଣଦୁଷ୍କର୍ମ ଓ ଓଡିଆ ଯୁବକଙ୍କୁ ହତ୍ୟା ମାମଲାରେ ଦୋଷୀଙ୍କୁ ଫାଶି ଦଣ୍ଡ। ମାମଲାରେ ୩ ଦୋଷୀଙ୍କୁ ଫାଶି ଦଣ୍ଡାଦେଶ ଶୁଣାଇଛନ୍ତି କର୍ଣ୍ଣାଟକ କୋପଲ୍ ସେସନ୍ କୋର୍ଟ। ମାମଲାକୁ ବିରଳରୁ ବିରଳତମ ଶ୍ରେଣୀରେ ରଖି ଫାଶି ଦଣ୍ଡାଦେଶ ଶୁଣା ଯାଇଛି।

ତିନି ଜଣ ଦୋଷୀ ହେଉଛନ୍ତି ମାଲେସା ଆଲିଆସ୍ ହାଣ୍ଡିମାଲା, ସାଇ ଏବଂ ଶରଣଆପ୍ପା। ଗତବର୍ଷ ମାର୍ଚ୍ଚ ୬ ତାରିଖରେ ୩ ପିଶାଚ ଏହି ନାରକୀୟ କାଣ୍ଡ ଘଟାଇଥିଲେ। ଇସ୍ରାଏଲ୍ ର ଜଣେ ମହିଳା ପର୍ଯ୍ୟଟକଙ୍କ ସହ ମୋଟ୍ ୫ ଜଣ ବୁଲିବାକୁ ଯାଇଥିଲେ। 

ତୁଙ୍ଗଭଦ୍ରା କେନାଲ୍ ପାଖରେ ୨ ମହିଳାଙ୍କୁ ଗଣଦୁଷ୍କର୍ମ ସହ ସାଥୀରେ ୩ ଯୁବକଙ୍କୁ କେନାଲକୁ ଫିଙ୍ଗି ଦେଇଥିଲେ। ୨ ଯୁବକ କେନାଲରୁ ବାହାରି ଆସି ନିଜ ଜୀବନ ବଂଚାଇଥିଲେ। ତେବେ କେନାଲରେ ବୁଡ଼ି ଓଡ଼ିଆ ପର୍ଯ୍ୟଟକ ବିଭାସ କୁମାରଙ୍କ ମୃତ୍ୟୁ ହୋଇଥିଲା।