From Crash to Cover-Up: ଲାମ୍ବୋର୍ଗିନି ଦୁର୍ଘଟଣା: ଟାଇକୁନଙ୍କ ପୁଅ ଦୋଷ ଠେଲିବା ପାଇଁ ଠିକ୍ କରିଥିଲା ଡମି ଡ୍ରାଇଭର

ଚାରି ଦିନ ଧରି ଲୁଚିବା ପରେ କାନପୁରର ତମାଖୁ ବ୍ୟବସାୟୀଙ୍କ ପୁଅକୁ ପଥଚାରୀଙ୍କ ଉପରେ ଲାମ୍ବୋର୍ଗିନିର ଗାଡ଼ି ଚଢ଼ାଇ ଦେବା ଘଟଣାରେ ଗିରଫ କରାଯାଇଛି। ପୋଲିସ କୋର୍ଟରେ ଲିଖିତ ଭାବେ ଜଣାଇଛି ଯେ ଅଭିଯୁକ୍ତ ଶିବମ ମିଶ୍ର ଘଟଣାସ୍ଥଳରୁ ପଳାଇ ଯାଇଥିଲା । ଜଣେ ନକଲି ଡ୍ରାଇଭରଙ୍କ ଉପରେ ଦୋଷ ଲଦିବାକୁ ଚେଷ୍ଟା କରିଥିଲେ। ଏହା ଦ୍ୱାରା ସେ ନିଜେ ଖସିଯିବ ବୋଲି ଭାବିଥିଲା । 

କାନପୁର ପୋଲିସ କହିଛି ଯେ ଲାମ୍ବୋର୍ଗିନି ଦୁର୍ଘଟଣାରେ ଜଡିତ ଜଣେ ତମାଖୁ ବ୍ୟବସାୟୀଙ୍କ ପୁଅ ଫେବୃଆରୀ ୮ ତାରିଖର ଘଟଣା ପରେ ଆତ୍ମଗୋପନ କରିଥିଲା । ଦୋଷ ନେବାକୁ ଜଣେ ଡମି ଡ୍ରାଇଭରଙ୍କୁ ଆଗକୁ ଆଣି ତଦନ୍ତକାରୀ ଅଧିକାରୀଙ୍କୁ ବିଭ୍ରାନ୍ତ କରିବାକୁ ଚେଷ୍ଟା କରିଥିଲା। ଚାରି ଦିନର ତଦନ୍ତ ପରେ ଗୁରୁବାର ତମାଖୁ ବ୍ୟବସାୟୀ କେକେ ମିଶ୍ରଙ୍କ ପୁଅ ଶିବମ ମିଶ୍ରକୁ ଗିରଫ କରାଯାଇଛି।
କୋର୍ଟରେ ଦାଖଲ କରାଯାଇଥିବା ଆବେଦନରେ ପୋଲିସ କହିଛି ଯେ ଦୁର୍ଘଟଣା ପରେ ଶିବମ୍ ଘଟଣାସ୍ଥଳରୁ ପଳାଇଯାଇଥିଲା । ଏହି ଘଟଣାରେ ତିନି ଜଣ ଆହତ ହୋଇଥିଲେ। ପରଦିନ ମୋହନ ନାମକ ଅନ୍ୟ ଜଣେ ବ୍ୟକ୍ତିଙ୍କୁ ୧୦ କୋଟି ଟଙ୍କାରୁ ଅଧିକ ମୂଲ୍ୟର ଏକ ବିଳାସପୂର୍ଣ୍ଣ ସ୍ପୋର୍ଟସ୍ କାର ଲାମ୍ବୋର୍ଗିନି ରେଭ୍ୟୁଏଲ୍ଟୋର ଡ୍ରାଇଭର ଭାବରେ ମିଥ୍ୟା ଭାବରେ ଚିତ୍ରଣ କରାଯାଇଥିଲା। 

ପୂର୍ବରୁ ତମାଖୁ ବ୍ୟବସାୟୀ କେ କେ ମିଶ୍ର ମଧ୍ୟ ଦାବି କରିଥିଲେ ଯେ ଶିବମ୍ ଗାଡ଼ି ଚଲାଉ ନଥିଲେ। ଭିଡିଓ ମଧ୍ୟ ଭାଇରାଲ ହୋଇଥିଲା ଯେଉଁଥିରେ ବ୍ୟବସାୟୀଙ୍କ ସହ ଜଡିତ ବାଉନ୍ସରମାନେ ଗାଡ଼ିର ମାଲିକଙ୍କ ପରିଚୟ ଲୁଚାଇବା ପାଇଁ ଗାଡ଼ିର ରେଜିଷ୍ଟ୍ରେସନ୍ ପ୍ଲେଟ୍ ଚିରି ଦେବାକୁ ଚେଷ୍ଟା କରୁଥିବାର ଦେଖାଯାଇଥିଲା।

ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ବିଳାସପୂର୍ଣ୍ଣ କାରଟି ଏକ ଅଟୋରିକ୍ସା ଏବଂ ଏକ ମୋଟର ସାଇକେଲକୁ ଦ୍ରୁତ ଗତିରେ ଧକ୍କା ଦେଇଥିଲା ଏବଂ ପରେ ଫୁଟପାଥ୍ ଉପରେ ଚଢ଼ିଯାଇଥିଲା ।   ୩ ଜଣ ପଥଚାରୀଙ୍କୁ ଧକ୍କା ଦେଇଥିଲା।

ସିଏ ନୁହଁ ମୁଁ ଚଲାଉଥିଲି

ବୁଧବାର ଦିନ ମୋହନ ନାମକ ଜଣେ ବ୍ୟକ୍ତି କୋର୍ଟରେ ନିଜକୁ ଡ୍ରାଇଭର ବୋଲି ଦାବି କରିଥିଲେ । ସେ କହିଥିଲେ ଯେ ଶିବମ୍ ନୁହେଁ ବରଂ ସେ ଲାମ୍ବୋର୍ଗନି ଚଲାଉଥିଲେ। ସାମ୍ବାଦିକମାନଙ୍କ ସହ କଥାବାର୍ତ୍ତାରେ ମୋହନ ଦାବି କରିଥିଲେ ଯେ ତାଙ୍କ ପାଖରେ ବସିଥିବା ଶିବମ୍ ହଠାତ୍ ମୂର୍ଚ୍ଛାଘାତର ଶିକାର ହେବା ପରେ ସେ କାର ଉପରୁ ନିୟନ୍ତ୍ରଣ ହରାଇ ଦେଇଥିଲେ। ତଥାପି କୋର୍ଟ ମୋହନଙ୍କ ଆତ୍ମସମର୍ପଣ ଆବେଦନକୁ ଖାରଜ କରିଦେଇଥିଲେ।

ପୋଲିସ କହିଛି ଯେ ଶିବମଙ୍କୁ ନୋଟିସ୍ ଦେବା ପାଇଁ ବାରମ୍ବାର ଚେଷ୍ଟା କରିବା ଏବଂ ତଦନ୍ତରେ ସହଯୋଗ କରିବା ପାଇଁ ନିର୍ଦ୍ଦେଶ ଦେବା ସତ୍ତ୍ୱେ ସେ ଧରାଛୁଆଁ ଦେଇନଥିଲେ ।
ଯେହେତୁ ଏହି ମାମଲାରେ ଅପରାଧ ପାଇଁ ସର୍ବାଧିକ ସାତ ବର୍ଷରୁ କମ୍ ଦଣ୍ଡ ବ୍ୟବସ୍ଥା ଅଛି, ତେଣୁ ପୋଲିସ ପ୍ରଥମେ ତୁରନ୍ତ ଗିରଫ କରିନଥିଲା। ଏହା ପ୍ରଥମେ ଭାରତୀୟ ନ୍ୟାୟ ସଂହିତା (BNS) ଅଧୀନରେ ଏକ ନୋଟିସ ଜାରି କରିଥିଲା।

ପୋଲିସ କୋର୍ଟକୁ କହିଛି ଯେ ଶିବମ୍ BNSର ଧାରା 35 ପାଳନ କରିବାରେ ବିଫଳ ହୋଇଛନ୍ତି । ସେ ତଦନ୍ତରେ ସହଯୋଗ କରିବାକୁ ବାଧ୍ୟ।
ପୋଲିସ ଶିବମଙ୍କୁ ୧୪ ଦିନିଆ ହେପାଜତରେ ରଖିବାକୁ ଆବେଦନ କରିଛି। ଗିରଫ ହେବା ପରେ, ଶିବମଙ୍କୁ ଡାକ୍ତରୀ ଯାଞ୍ଚ ପାଇଁ ନିଆଯାଉଥିବା ସମୟରେ ସେ ପୋଲିସ କର୍ମଚାରୀଙ୍କ ଉପରେ ଝୁଣ୍ଟି ପଡି ଯାଇଥିବା ଦେଖାଯାଇଥିଲା।

ପୂର୍ବରୁ ଶିବମର ପରିବାର କହିଥିଲେ ଯେ ସେ ରୋଗରେ ପୀଡିତ ଏବଂ ତାଙ୍କର ଚିକିତ୍ସା ଚାଲିଛି। ତଥାପି, ପୋଲିସ କହିଛି ଯେ ସିସିଟିଭି ଫୁଟେଜ୍ ଏବଂ ପ୍ରତ୍ୟକ୍ଷଦର୍ଶୀଙ୍କ ବୟାନ ଅନୁସାରେ ଦୁର୍ଘଟଣା ସମୟରେ ଶିବମ ହିଁ ଗାଡ଼ି ଚଲାଉଥିଲେ ।