School Tragedy: ଫଳକ ପଡି ପଞ୍ଚମ ଶ୍ରେଣୀ ଛାତ୍ର ମୃତ୍ୟୁ, ସ୍କୁଲରେ ତାଲା ପକାଇଲେ ଅଭିଭାବକ

ବାଲେଶ୍ବର ଜିଲ୍ଲା ବାଲିଆପାଳରେ ଫଳକ ପଡି ପଞ୍ଚମ ଶ୍ରେଣୀ ଛାତ୍ର ମୃତ୍ୟୁ ଘଟଣାରେ ସ୍କୁଲରେ ତାଲା ପକାଇ ବିକ୍ଷୋଭ। ଅଭିଭାବକ ଓ ସ୍ଥାନୀୟ ଲୋକେ ଟାୟାର ଜାଳି ରାସ୍ତାରୋକ କରିଛନ୍ତି। ଘଟଣାସ୍ଥଳରେ ଉତ୍ତେଜନା ଦେଖାଦେବାରୁ ପୋଲିସ ମୁତୟନ କରାଯାଇଛି।

ସୂଚନା ଅନୁସାରେ, ଗତକାଲି ବଡାସ ସରକାରୀ ପ୍ରାଥମିକ ବିଦ୍ୟାଳୟରେ ଏକ ଫଳକ ଭାଙ୍ଗି ଜଣେ ପଞ୍ଚମ ଶ୍ରେଣୀ ଛାତ୍ରଙ୍କ ମୃତ୍ୟୁ ଅଭିଯୋଗ ହୋଇଥିଲା । ମୃତ ଛାତ୍ର ହେଲେ ଜାମକୁଣ୍ଡା ପଞ୍ଚାୟତ କେନ୍ଦୁଆଡିହା ଗାଁର ସନାତନ ଧଳଙ୍କ ପୁଅ ପ୍ରହ୍ଲାଦ । ସୂଚନା ଅନୁଯାୟୀ ୩ ବର୍ଷ ପୂର୍ବରୁ ଏହି ବିଦ୍ୟାଳୟରେ ଏକ ନୂତନ କୋଠା ଘର ନିର୍ମାଣ ପାଇଁ ସୂଚନା ଫଳକ ଲଗାଯାଇଥିଲା।

ଗତକାଲି ମଧ୍ୟାହ୍ନରେ ଛାତ୍ରଛାତ୍ରୀ ଏହି ଫଳକ ନିକଟରେ ଖେଳୁଥିବା ବେଳେ ଫଳକଟି ଭାଙ୍ଗି ପ୍ରହ୍ଲାଦଙ୍କ ଉପରେ ପଡିଯାଇଥିଲା। ତାଙ୍କୁ ଡାକ୍ତରଖାନାକୁ ନିଆଯାଇଥିଲା । ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । 

ବାଲିଆପାଳରେ ଫଳକ ପଡି ପଞ୍ଚମ ଶ୍ରେଣୀ ଛାତ୍ର ମୃତ୍ୟୁ ଘଟଣା

ସ୍କୁଲରେ ତାଲା ପକାଇ ଅଭିଭାବକ ଓ ସ୍ଥାନୀୟ ଲୋକଙ୍କ ବିକ୍ଷୋଭ
ଟାୟାର ଜାଳି ରାସ୍ତା ରୋକ କରିଛନ୍ତି ଅଭିଭାବକ ଓ ସ୍ଥାନୀୟ ଲୋକ