ଭୁବନେଶ୍ୱରରେ ହେବ ସ୍ପୋର୍ଟ୍ସ ଭ୍ୟାଲି

ଓଡ଼ିଶା ଦେଖିବ ବିଶ୍ବସ୍ତରୀୟ କ୍ରୀଡ଼ା ଭିତ୍ତିଭୂମି । ରାଜଧାନୀ ଉପକଣ୍ଠ ଗୋଠପାଟଣାରେ ହେବ ସ୍ପୋର୍ଟ୍ସ ଭ୍ୟାଲି ବା ଫିଟନେସ୍ ଭ୍ୟାଲି । ଯେଉଁଥିରେ ସ୍ଥାନ ପାଇବ ଆଖି ଝଲସିଲା ଭଳି ବିଭିନ୍ନ କ୍ରୀଡ଼ା ଭିତ୍ତିଭୂମି । ସାଇକିଲିଂ ପାଇଁ ଇଣ୍ଡୋର ଭେଲୋଡ୍ରମ୍, ଆଂପି ଥିଏଟର୍, ୫ କିଲୋମିଟରର ଫିଟନେସ ଟ୍ରାକ୍, ତୀରନ୍ଦାଜୀ ଷ୍ଟାଡିୟମ୍ ସହ ବିିଭିନ୍ନ କ୍ରୀଡ଼ା ବର୍ଗର ହାଇପରଫରମାନ୍ସ ସେଣ୍ଟର । କଳିଙ୍ଗ ଷ୍ଟାଡିୟମଠାରୁ ବଡ଼ ଏବଂ ଆକର୍ଷଣୀୟ ହେବ ଏହି ସ୍ପୋର୍ଟସ ଭ୍ୟାଲି । ଆସନ୍ତା ସେପଟେମ୍ବର ୧୭ରେ ଓଡିଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେଦିନ ଏହାର ଭୂମି ପୂଜନ କାର୍ଯ୍ୟକ୍ରମ ରହିଥିବା ସୂଚନା ଦେଇଛନ୍ତି କ୍ରୀଡ଼ାମନ୍ତ୍ରୀ ସୂର୍ଯ୍ୟବଂଶୀ ସୂରଜ ।