ବିଜୁଳି ବିଭ୍ରାଟ: ବିଜେପିର ପ୍ରଶ୍ନ ୧୫ ହଜାର କୋଟି ଟଙ୍କା ଖାଇଲା କିଏ ?

ବିଜେପିର ପ୍ରଶ୍ନ ୧୫ ହଜାର କୋଟି ଟଙ୍କା କିଏ ଖାଇଲା ? ଗ୍ରୀଡକୋ ଅଫିସ ଘେରାଉ କରି ଅଣ୍ଡା, ଟମାଟୋ ମାଡ଼ କଲା କଂଗ୍ରେସ। ସୁନ୍ଦରଗଡ଼, ଢେଙ୍କାନାଳ, ବାଲେଶ୍ବରରେ ତାତିଲେ ଲୋକେ। ଏଥର ଅସହ୍ୟ ଗ୍ରୀଷ୍ମପ୍ରବାହକୁ ବଳିଗଲା ଲାଇନ୍ କଟ୍। ଆଉ ଏହା ହେଉଛି ତାର ପ୍ରତିଫଳନ। ଭୁବନେଶ୍ୱର ଗ୍ରୀଡକୋ ଅଫିସ ଉପରେ କଂଗ୍ରେସର ହଲ୍ଲାବୋଲ । ଅଫିସକୁ ଧସେଇ ପଶିବାକୁ ଉଦ୍ୟମ ବେଳେ ପୋଲିସ ସହିତ ଧସ୍ତାଧସ୍ତି । ଅଣ୍ଡାମାଡ଼, ଟମାଟୋ ମାଡ଼ ବି କରାଯାଇଛି। ପରେ ଆନ୍ଦୋଳନକାରୀଙ୍କୁ ଉଠାଇ ନେଇଥିଲା ପୋଲିସ । ବକେୟା ବିଲକୁ ସୁଧ ବନ୍ଦ, ବିଦ୍ୟୁତ ଦର ହ୍ରାସ, ଟାଟାକୁ ଅର୍ଥ ପ୍ରଦାନର ଶ୍ୱେତ ପତ୍ର ପ୍ରକାଶ ସହିତ ଭିତ୍ତିଭୂମି ଦୁର୍ନୀତିର ବିଚାର ବିଭାଗୀୟ ତଦନ୍ତ ଦାବି କରିଛି କଂଗ୍ରେସ।