ଦିଅରର ସଂସାର ବଞ୍ଚାଇବାକୁ ଯକୃତ ଦାନ କଲେ ଭାଉଜ

ଯେଉଁ ସ୍ୱାର୍ଥପର ଦୁନିଆରେ ରକ୍ତ ରକ୍ତକୁ ଚିହ୍ନୁନି। ସେଠି ରକ୍ତ ସଂପର୍କୀୟ ନହୋଇ ମଧ୍ୟ ଜଣେ ଆଉ ଜଣଙ୍କୁ ଦେଇଛି ଜୀବନ ଦାନ। ଜାଆକୁ ବଞ୍ଚାଇବାକୁ ନିଜ ପେଟରୁ ଖଣ୍ଡେ ଅଙ୍ଗ କାଟିବାକୁ ପଛାଇନି ଆଉ ଜଣେ ଜାଆ। ଇଏ କୌଣସି ସିନେମା କାହାଣୀ ନୁହେଁ। ସମ୍ବଲପୁର ଜିଲ୍ଲା ଯୁଜୁମୁରା ବ୍ଲକ୍ ଝାଙ୍କରପାଲିର ଦୁଇ ବୋହୂଙ୍କ କଥା। ସିନେମାରେ ତ ଜାଆମାନେ ଇର୍ଷାରେ ଜଳନ୍ତି। ହେଲେ ଏ ପରିବାରରେ ଇର୍ଷାର ନିଆଁ ନୁହେଁ... ଜନ୍ମ ନେଇଛି ଅଙ୍ଗଦାନର ଏକ ନିଆରା କାହାଣୀ।