Video: CBI ସ୍କାନରରେ IAS ବିଷ୍ଣୁପଦ ସେଠୀ

ପୁଣି ବିବାଦରେ IAS ବିଷ୍ଣୁପଦ ସେଠୀ। ଏଥର ସିଧା ସିବିଆଇ ସ୍କାନରରେ । ବିଷ୍ଣୁପଦଙ୍କୁ ହାଜର ପାଇଁ ସମନ ହୋଇଛି । ଆଉ ତାଙ୍କ ୩ ଡ୍ରାଇଭରଙ୍କୁ ବି ଜେରା କରିଛି ସିବିଆଇ। ଭୁବନେଶ୍ବର ମେ ଫେୟାର ହୋଟେଲ୍ ସାମ୍ନାରେ ବ୍ରିଜ ଆଣ୍ଡ ରୁଫ୍ କମ୍ପାନୀ ଲିମିଟେଡ ନିର୍ଦ୍ଦେଶକ ଜଣେ ଠିକାଦାରଙ୍କ ଠାରୁ ୧୦ ଲକ୍ଷ ଲାଞ୍ଚ ନେବା ମାମଲାରେ ଅଧିକ ଖୋଳତାଡ ପରେ ସାମ୍ନାକୁ ଆସିଛି ବିଷ୍ଣୁପଦଙ୍କ ଲିଙ୍କ୍ । ଆହୁରି ବଡ କଥା ହେଲା ନିକଟରେ SC/ST ବିଭାଗର କିଛି ସ୍କୁଲର ଅପଗ୍ରେଡେସନ କାମ ବି ସେଇ କଂପାନୀକୁ ଦେବାର ପ୍ରମାଣ ସାମ୍ନାକୁ ଆସିବା ପରେ ବିଷ୍ଣୁପଦ ଓ ସଂପୃକ୍ତ କଂପାନୀ ଭିତରେ ସଂପର୍କକୁ ନେଇ ବି ଚର୍ଚ୍ଚା ବଢିଛି ।