ବହୁ ବିପନ୍ନଙ୍କ ଜୀବିକା ବୁଡ଼ାଇ ଦେଲା ‘ଦାନା’ର କୋପ

ପ୍ରକୋପ କମ୍ ସତ୍ତ୍ୱେ ବି ଦାରୁଣ ଦୁଃଖ ଦେଇଛି ଦାନା । ପବନଠାରୁ ଅଧିକ କଷ୍ଟ ଦେଇଛି ବର୍ଷା । ହଜାର ହଜାର ହେକ୍ଟର ଜମି ଜଳ ମଗ୍ନ । ଭାଙ୍ଗି ଦେଇଛି ଛପର ଆଉ ଆଜବେଷ୍ଟସ୍ ଘର । ଭଦ୍ରକ ଜିଲ୍ଲା ଧାମନଗର ଅଞ୍ଚଳର ୨୦୦ ମିଲିମିଟରରୁ ଅଧିକ ବର୍ଷା ହୋଇଛି । ଯାହାଫଳରେ ଧାନ ଜମିରେ ଲହରି ମାରୁଛି ବର୍ଷା ଜଳ । ନଗଦ ଫୁଲ ଧରିଥିବା ସୁନାର ଫସଲ ଶୋଇ ଯାଇଛି ବର୍ଷା ପାଣିରେ । ହେକ୍ଟର ହେକ୍ଟର ଧାନ ଫସଲକୁ ଏମିତି ବୁଡାଇ ରଖିଛି ବର୍ଷା ଜଳ ।