ଅଶାନ୍ତ ହେଲାଣି ସମୁଦ୍ର... ଗର୍ଜନ କରି ଆସୁଛି 'ଦାନା'

ଅଶାନ୍ତ ହେଲାଣି ସମୁଦ୍ର... ଘୋଟି ଆସିଲାଣି କଳାହାଣ୍ଡିଆ ମେଘ... ଆରମ୍ଭ ହୋଇଗଲାଣି ତୁହାକୁ ତୁହା ବର୍ଷା...। ଧାମରାରୁ ଭିତରକନିକା... ତଳଚୁଆ, ପେଣ୍ଠ ଓ ବତିଘର । ଭଦ୍ରକ ଓ କେନ୍ଦ୍ରାପଡ଼ା ଜିଲ୍ଲାର ଏହିସବୁ ଅଞ୍ଚଳରେ ଆଜିଠୁ ଡରାଇଲାଣି ବାତ୍ୟାର ପୂର୍ବାଭାସ । ଭିତରକନିକା ଆକାଶରେ ଭୟର ଚିତ୍ର। ପ୍ରଭାବିତ ହୋଇପାରେ କେନ୍ଦ୍ରାପଡ଼ା ଜିଲ୍ଲାରେ ଥିବା ଏହି ବିଶ୍ବପ୍ରସିଦ୍ଧ ଜାତୀୟ ଉଦ୍ୟାନ। ତେବେ ବାତ୍ୟା ଆସିବା ଆଗରୁ ବେଳ ଥାଉ ଥାଉ ପେଟ ପୂରାଇ ନେଉଛନ୍ତି ହରିଣ ପଲ । ଗୋଧି ବି ଖୋଜିଲାଣି ସୁରକ୍ଷିତ ଆଶ୍ରୟସ୍ଥଳ । କୁହାଯାଏ ପ୍ରାକୃତିକ ଦୂର୍ବିପାକର ଆଗୁଆ ଆଭାସ ପାଇପାରନ୍ତି ବନ୍ୟଜନ୍ତୁ। ତେବେ ବାତ୍ୟା ସିଧା ଯଦି ଭିତରକନିକାରେ ମାଡ଼ ହୁଏ, ପକ୍ଷୀ ଓ ଅନ୍ୟ ବନ୍ୟଜନ୍ତୁ ପ୍ରଭାବିତ ହେବାର ଆଶଙ୍କା ରହିଛି ।