ଟୁଇନସିଟିରେ ମାତିଲେ ଫ୍ଲାଟ୍ ଲୁଟେରା

ଦିନ କେଇଟାର ନିରବତା ପରେ ପୁଣି ସକ୍ରିୟ ଫ୍ଲାଟ୍ ଲୁଟେରା। ବେଧଡ଼କ୍ ପଶୁଛନ୍ତି । ଭାଙ୍ଗୁଛନ୍ତି ତାଲା । ତାଡ଼ୁଛନ୍ତି ଆଲମାରି । ଘର ସାରା ବିଛାଇ ହୋଇ ପଡ଼ିଛି ଗହଣା ଗାଣ୍ଠି ବକ୍ସ । ଏବେ କରିବେ ତ କ’ଣ  ଘର ମାଲିକ। ହଜିଯାଇଛି ବୁଦ୍ଧିବାଟ । ଲୁହ ଗଡ଼ାଇବା ଛଡ଼ା ପାଖରେ ଆଉ କିଛି ବି ନାହିଁ । ଚନ୍ଦକା ଥାନା ଗୋଠପାଟଣା ଆକ୍ରୋପଲିସ୍ ଆପାର୍ଟମେଣ୍ଟ। ଫ୍ଲାଟ୍ ନମ୍ବର E-506। ମାଲିକ ନାରାୟଣ ପରିଡ଼ା ଓ ପତ୍ନୀଙ୍କ ପାଦତଳୁ ଖସିଯାଇଛି ମାଟି । ଚୋରଙ୍କ ହାତକୁ ଚାଲିଯାଇଛି ଜୀବନ ତମାମ ଅର୍ଜିଥିବା ସମ୍ପତ୍ତି । ଲୁଟ୍ ହୋଇଛି ୫୦ ଭରି ସୁନା ଗହଣା। ଯେଉଁଥିରେ ଥିଲା ପିଢ଼ି ପରେ ପିଢ଼ିର ସନ୍ତକ।