ସୁପାରୀ ଦେଇ ପ୍ରେମିକକୁ ମର୍ଡର

ଆଗରେ ଡ୍ରେମପେଡ... ଆଉ ତାଙ୍କ ହାତର ଜାଦୁଗରିରେ ଶୁଭୁଛି ସୁନ୍ଦର ବାଦ୍ୟର ଧୁନ୍ । ସଂଗୀତର ତାଳେ ତାଳେ ଡ୍ରମ୍ ପେଡ ମାଷ୍ଟର ଡମ୍ବରୁଧର ନାଚି ନାଚି ବଜାଉଛନ୍ତି ଡ୍ରମପେଡ । ଇଏ ଏମିତି ସେମିତି କଳାକାର ନୁହଁନ୍ତି । ଇଏ ହେଉଛନ୍ତି ପଶ୍ଚିମ ଓଡିଶାର ଜଣେ ଜଣାଶୁଣା ଡ୍ରମପେଡ ମାଷ୍ଟର । ହେଲେ ଆଉ ଶୁଭିବନି ତାଙ୍କର ହାତର ଜାଦୁଗରୀରେ ଏହି ର୍ଡମପେଡର ଧୁନ । କାରଣ ସବୁଦିନ ନିରବି ଯାଇଛି ତାଙ୍କର ହାତ । ନିରବି ଯାଇଛି ତାଙ୍କର ଡ୍ରମପେଡ । କାରଣ ସେ ସବୁଦିନ ପାଇଁ ଚାଲିଯାଇଛନ୍ତି ଆରପାରିକୁ । ସୈତାନ ପ୍ରେମିକାର ସୁପାରି କିଲର ତାଙ୍କୁ ଏଦୁନିଆଁରୁ ଆରପାରିକୁ ପଠାଇଦେଇଛି । ଆମେ କହୁଛୁ ସୁବର୍ଣ୍ଣପୁର ଜିଲ୍ଲା ସୁବଳୟା ଗାଁର ଡ୍ରମପେଡ ମାଷ୍ଟର ଡମ୍ବରୁଧର ଅଧିକାରୀଙ୍କ କଥା । ଯାହାଙ୍କୁ ଗତ ୨୫ ତାରିଖ ରାତିରେ ଅତି ନିର୍ମମ ଭାବ ହତ୍ୟା କରାଯାଇଛି । । ଏବେ ହତ୍ୟାକାରୀମାନଙ୍କୁ କଠୋର ଦଣ୍ଡବିଧାନ ପଇଁ ଦାବି କରିଛନ୍ତି ପରିବାର ଲୋକଙ୍କ ସହ ଗ୍ରାମବାସୀ ।