ଭୁବନେଶ୍ୱରରେ ଚନ୍ଦା-ବାୱରିଆ ଲୁଟେରା ଗ୍ୟାଙ୍ଗକୁ ନେଇ ଚିନ୍ତାରେ କମିଶନରେଟ୍ ପୋଲିସ୍

ଭୁବନେଶ୍ବରରେ ମାତିଛନ୍ତି ଦୁଇ ଲୁଟେରା ଗ୍ୟାଙ୍ଗ। ରାଜରାସ୍ତାରେ ବାୱରିଆ ଗ୍ୟାଙ୍ଗ ଏକୁଟିଆ ମହିଳାଙ୍କୁ ଦେଖି ଗହଣା ଝାମ୍ପି ନେଉଥିବା ବେଳେ ଘର ଭିତରେ ପଶି କଳାକନା ବୁଲାଉଛନ୍ତି ଚନ୍ଦା ଗ୍ୟାଙ୍ଗ। ଗତ ୮ ଦିନ ମଧ୍ୟରେ ରାଜଧାନୀର ବଭିନ୍ନ ଅଞ୍ଚଳରୁ ୮ ଟି ଘରେ ଚନ୍ଦା ଗ୍ୟାଙ୍ଗ କଳାକନା ବୁଲାଇ ସାରିଲେଣି। ସେହିଭଳି ବାୱରିଆ ଗ୍ୟାଙ୍ଗର କିଛି ସଦସ୍ୟଙ୍କୁ ପୋଲିସ ଗିରଫ କରିଥିଲେ ବି ଏକାକୀ ମର୍ଣ୍ଣିଂ ୱାକରେ ଯାଉଥିବା ଲୋକଙ୍କ ମନରେ ଏବେବି ଭୟ ରହିଛି।