ଓକିଲ ବେଶରେ ବାଇକ୍ ଚୋରି

ଭୁବନେଶ୍ୱର: ଓକିଲ ବେଶରେ ବାଇକ୍ ଚୋରି। ଏଭଳି ଅଭିନବ ଉପାୟ ଆପଣାଇଥିଲେ କିଛି ଲୁଟେରା। ତହସିଲ୍‌ ଅଫିସ ପରିସରରୁ ଏହି ଲୁଟେରାମାନେ ଓକିଲ ଡ୍ରେସ୍‌ ପିନ୍ଧି ଚୋରି କରୁଥିଲେ। ଯେମିତି ସେମାନଙ୍କୁ କେହି ଆଉ ସନ୍ଦେହ କରିପାରିବେ ନାହିଁ। ଏହି ଚୋରିର ପର୍ଦ୍ଦାଫାସ କରିଛନ୍ତି ପୁଲିସ୍‌ କମିଶନର।

ସିସିଟିଭି ଫୁଟେଜ୍‌ ଆଧାରରେ ବଡଗଡ଼ ପୁଲିସ୍‌ ଥାନା ଚୋରି ବାଇକ୍‌ ଉଦ୍ଧାର କରିଛନ୍ତି। ଚୋରା ବାଇକ୍‌କୁ ସେମାନଙ୍କ ମାଲିକଙ୍କୁ ହସ୍ତାନ୍ତର କରାଯାଉଛି। ଆଜି ସୁଦ୍ଧା ୪୬ ଚୋରା ବାଇକ୍ ମଧ୍ୟରୁ ୧୭ଟି ବାଇକ୍‌ ହସ୍ତାନ୍ତର କରାଯାଇଥିବା ଜଣାପଡ଼ିଛି।