Kohli’s Era Ending: ଶେଷ ହେଉଛି କି କୋହଲିଙ୍କ ଯୁଗ ? ଆଉଟ ହେବା ପରେ କଣ ଇଙ୍ଗିତ କଲେ

୭ ମାସ ଲଣ୍ଡନରେ ମଉଜ କଲେ। ପରେ ଦିନିକିଆ ଟିମରେ ସାମିଲ ହୋଇ ସିଧା ପଡିଆକୁ ଓହ୍ଲାଇଲେ। ନା ଥିଲା ପ୍ରାକ୍ଟିସ ନା ଥିଲେ ଆକ୍ଟିଭ। ଆଡିଲେଡ ଦିନିକିଆରେ ଶୂନରେ ଆଉଟ ହେବା ପରେ ଏବେ ସାରା ଦେଶର ନଜର ରହିଛି ବିରାଟଙ୍କ ଉପରେ। ଦ୍ବିତୀୟ ଦିନିକିଆରେ ଖାତା ନଖୋଲିବା ଯୋଗୁ ନିଜ ଗ୍ଲୋବସ ଖୋଲି ଦର୍ଶକଙ୍କ ଆଡକୁ କିଛି ଭିନ୍ନ ଇସାରା ଦେଇଥିଲେ ବିରାଟ। ଯାହାକୁ ନେଇ ନାନା କଳ୍ପନା ଜଳ୍ପନା ହେଉଛି। ସ

ଚିନ ତେନ୍ଦୁଲକରଙ୍କ ଅବସର ପରେ ଭାରତର ସବୁଠାରୁ ସଫଳ ବ୍ୟାଟ୍ସମ୍ୟାନ ହେଉଛନ୍ତି କୋହଲି। ସେ ନିଜକୁ ଏକ କିମ୍ବଦନ୍ତି ପ୍ଲେୟର ବୋଲି ପ୍ରମାଣିତ କରିସାରିଛନ୍ତି। ତେବେ. ଟେଷ୍ଟ, ଟିଟ୍ବେଣ୍ଟିରୁ ଅବସର ନେବା ପରେ ଦିନିକିଆ ବିରାଟଙ୍କ ପ୍ରଦର୍ଶନ ଉପରେ ତାଙ୍କ ଫ୍ୟାନ୍ସଙ୍କ ସହ କ୍ରିକେଟ ସମୀକ୍ଷକଙ୍କ ରହିଛି ନଜର। ଏହାରି ଭିତରେ ଲଗାତର ଦୁଇଟି ଦିନିକିଆରେ ଖରାପ ପ୍ରଦର୍ଶନ ତାଙ୍କ ଉପରେ ପ୍ରବଳ ଚାପ ପକାଇଛି।

ଏପରିକି ଅଷ୍ଟ୍ରେଲିଆ ଟୁର ତାଙ୍କ ପାଇଁ ଶେଷ ସୁଯୋଗ ବୋଲି କୁହାଯାଉଛି। ଏହାକୁ ଖୋରାକ ଯୋଗାଇଛି ଯେତେବେଳେ ଆଉଟ ହୋଇ ଗ୍ରାଉଣ୍ଡରୁ ଯିବା ବେଳେର ଦୃଶ୍ୟ। ଆଡିଲେଡ ଦିନିକିଆରେ ମାତ୍ର ୪ଟି ବଲ ଖେଳି ଶୂନରେ ଆଉଟ ହୋଇଥିବା ବିରାଟ ଦର୍ଶକଙ୍କ ଆଡକୁ ନିଜ ଗ୍ଲୋବସ ଖୋଲି ଦେଖାଇଥିଲେ। ଯାହାକି କିଛି ଭିନ୍ନ କଥା କହୁଛି ବୋଲି ସୋସିଆଲ ମିଡିଆରେ ଚର୍ଚ୍ଚା ହେଉଛି।

ହୁଏତ ଏହି ମ୍ୟାଚ ପରେ କିଛି ବଡ ଘୋଷଣା କରିପାରନ୍ତି କିଙ୍ଗ କୋହଲି। ଦିନିକିଆରେ କୋହଲି ଏବେ ବିଶ୍ବର ଦ୍ବିତୀୟ ଟପ ସ୍କୋରର ରହିଛନ୍ତି। କୁମାର ସାଙ୍ଗକରା ୧୪ ହଜାର ୨୩୪ ରନ କରି ଶୀର୍ଷରେ ରହିଛନ୍ତି। ଏହି ସ୍ଥାନ ପାଇଁ ବିରାଟ ଆଉ ୫୩ ରନ ଆବଶ୍ୟକ କରୁଛନ୍ତି। କୁହାଯାଉଛି ଦିନିକିଆରେ ୧୫ ହଜାର ରନ ମାଇଲଖୁଣ୍ଟ ଛୁଇଁବା ପରେ ବିରାଟ ଅବସର ନେଇପାରନ୍ତି। ହେଲେ ଯେଉଁଭଳି ଚାପ ପଡୁଛି ତାପୂର୍ବରୁ ବି କିଛି ବଡ ନିଷ୍ପତ୍ତି ନେଇପାରନ୍ତି ଏକଥା ବି ଚର୍ଚ୍ଚା ହେଛି।

କୋହଲି ଏବେ ଦିନିକିଆରେ ୫୧ଟି ସେଞ୍ଚୁରୀ କରି ରେକର୍ଡ ନିଜ ନାଁରେ ରଖିଛନ୍ତି। ଯଦି କୋହଲି ଇସ୍ତଫା ନେଉଛନ୍ତି ତେବେ ଟିମ ଇଣ୍ଡିଆ ପାଇଁ ଏକ ବଡ ଶୂନ୍ୟସ୍ଥାନ ରହିବ। ତିନି ନମ୍ବର ସ୍ଥାନରେ ବ୍ୟାଟିଂ କରିବାକୁ ଆସି ଅନେକ ସମୟରେ ଏକ ବଡ ବାଲାନ୍ସ ରଖିବାରେ ସକ୍ଷମ ଥିବା ଏହି ଭେଟରାନ କ୍ରିକେଟରଙ୍କ ଜାଗାରେ ଟିମକୁ ଆଉ ଜଣେ ବିରାଟଙ୍କୁ ଖୋଜିବାକୁ ପଡିବ। ତେବେ ୨୦୨୭ ବିଶ୍ବକପ ପୂର୍ବରୁ ଯଦି କୋହଲି ଇସ୍ତଫା ନେଉଛନ୍ତି ତେବେ ଟିମ ଇଣ୍ଡିଆର ବ୍ୟାଟିଂ ଅର୍ଡର ସନ୍ତୁଳନ ଗଡବଡ ହୋଇପାରେ ।