ESA ଦ୍ୱାରା ଭାବି ଅଭିଯାନ ତଥ୍ୟ ଜାରି

ୟୁରୋପୀୟ ସ୍ପେସ୍ ଏଜେନ୍ସି (ESA) ଜାରି କରିଛି ଭାବି ଅଭିଯାନର ତଥ୍ୟ। ଦୂର ଅନ୍ତରୀକ୍ଷକୁ ଯିବାନେଇ ଚାଲିଛି ପ୍ରସ୍ତୁତି। ସମ୍ପ୍ରତି ନାସା ଶୁକ୍ର ଗ୍ରହ ପାଇଁ ଦୁଇଟି ମିଶନକୁ ଅନୁମୋଦନ କରିଛି, କିନ୍ତୁ ବୃହସ୍ପତି ଏବଂ ନେପଚ୍ୟୁନ୍‌ର ଚନ୍ଦ୍ରକୁ ବର୍ତ୍ତମାନ ପ୍ରତ୍ୟାଖ୍ୟାନ କରାଯାଇଛି। ବର୍ତ୍ତମାନ ESA ଜାରି କରିଥିବା ନିଜର ଅନ୍ତରୀକ୍ଷ ଅଭିଯାନ ତଥ୍ୟ ୨୦୩୫ ରୁ ୨୦୫୦ ପର୍ଯ୍ୟନ୍ତ ଧ୍ୟାନ ଦେବ। ଏଥିରେ ବଡ ଗ୍ରହମାନଙ୍କର ଚନ୍ଦ୍ର ସହିତ ବରଫ ଚନ୍ଦ୍ରକୁ ଏକ ଲ୍ୟାଣ୍ଡର କିମ୍ବା ଡ୍ରୋନ୍ ପଠାଇବା ମଧ୍ୟ ଅନ୍ତର୍ଭୁକ୍ତ।

ଏହି ସମୟରେ ଏପରି ମିଶନ ମଧ୍ୟ ପଠାଯିବ ଯାହା ଆମର ମିଲ୍କି ୱେ ଗାଲାକ୍ସି ଏବଂ ସେଥିରେ ଥିବା ବାହ୍ୟ ଗ୍ରହକୁ ବୁଝିବା ଉପରେ ଧ୍ୟାନ ଦେବ। ଏଥି ସହିତ, ପ୍ରାଥମିକ ବ୍ରହ୍ମାଣ୍ଡକୁ ଜାଣିବା ପାଇଁ ମଧ୍ୟ ଯାନ ଏବଂ ଉପକରଣ ମଧ୍ୟ ପଠାଯିବ। ଦୀର୍ଘ ଯୋଜନାର ନିବେଶ ଆଣବିକ ଘଡିର ବିକାଶ ପାଇଁ ଶୀତଳ ପରମାଣୁ ଇଣ୍ଟରଫେରୋମେଟ୍ରୀ, ଦୀର୍ଘ ଦୂରତାର ଶକ୍ତି କିମ୍ବା ଉର୍ଜା ଯୋଗାଇବାର କ୍ଷମତା ବିକଶିତ କରିବା ଏବଂ ଭବିଷ୍ୟତର ନମୁନା ଆଣିବା ଭଳି ଅଭିଯାନ ପାଇଁ ବରଫର କ୍ରାୟୋଜେନିକ୍ ନମୁନା ସଂରକ୍ଷିତ କରିବାକୁ ପ୍ରଯୁକ୍ତିବିଦ୍ୟା ପାଇଁ କରାଯିବ।

ଏହି ବିଷୟଗୁଡିକରେ ପରବର୍ତ୍ତୀ ତିନୋଟି ବୃହତ-ଅଭିଯାନ, ଭବିଷ୍ୟତର ମଧ୍ୟମ-ସ୍ତର ଅଭିଯାନ ଏବଂ ଦୀର୍ଘକାଳୀନ ବୈଷୟିକ ବିକାଶ ପାଇଁ ସୁପାରିଶ କରିବା ଉପରେ ଧ୍ୟାନ ଦେବ। ମଧ୍ୟମ-ସ୍ତର ଅଭିଯାନରେ ଅନ୍ତରୀକ୍ଷ ବିଜ୍ଞାନର ପ୍ରତ୍ୟେକ କ୍ଷେତ୍ର ସାମିଲ୍ କରାଯିବ, ଯେଉଁଥିରେ ଜ୍ୟୋତିର୍ବିଜ୍ଞାନ, ସିଦ୍ଧାନ୍ତିକ ଭୌତିକୀ ଆଦି ରହିଛି।

ନିବେଶ ଓ ଅନୁସନ୍ଧାନର ଏହି ତଥ୍ୟଗୁଡିକ ଆନ୍ତର୍ଜାତୀୟ ସହଯୋଗର ପ୍ରମୁଖ କ୍ଷେତ୍ରରେ ସହଯୋଗକୁ ସୂଚାଉଛି ଯାହା ସ୍ପେସ୍ ଏଜେନ୍ସିର ସହଯୋଗରେ ସୀମିତ ନୁହେଁ, କିନ୍ତୁ ଗବେଷଣା ଏବଂ ବୈଜ୍ଞାନିକ ସମ୍ପ୍ରଦାୟର ବ୍ୟାପକ ସ୍ତରରେ ରହିବ। ଏହି ମିଶନରେ ଅଭିଯାନର ଚୟନ ସେମାନଙ୍କ ପ୍ରସ୍ତାବ ଏବଂ ମୂଲ୍ୟାଙ୍କନ ଉପରେ ନିର୍ଭର କରିବ। ଏହି ଥିମଗୁଡିକ କସ୍ମିକ୍ ଭିଜନ୍ ସାଇନ୍ସ ପ୍ରୋଗ୍ରାମ୍ ଅଧୀନରେ ମୂଲ୍ୟାଙ୍କନ କରାଯାଇଥିଲା, ଯାହା ସ୍ପେସ୍ ମିଶନକୁ ଯୋଜନା ଚକ୍ରରେ ବିଭକ୍ତ କରିବ। ଯାହାକୁ ଭୋୟେଗ୍ ୨୦୫୦ କୁହାଯାଉଥିବା ବେଳେ ଏହା ଖୁବ୍ ଶୀଘ୍ର ଆରମ୍ଭ ହେବ।

ESA ବିଶ୍ୱାସ କରେ ଯେ ଏହି କାର୍ଯ୍ୟକ୍ରମଗୁଡିକ ଭବିଷ୍ୟତର ମହାକାଶ ବିଜ୍ଞାନୀ ଏବଂ ଇଞ୍ଜିନିୟରମାନଙ୍କ ପାଇଁ ଅତ୍ୟନ୍ତ ଉପଯୋଗୀ ପ୍ରମାଣିତ ହେବ। ବର୍ତ୍ତମାନ ଯେହେତୁ ୨୦୩୦ ପର୍ଯ୍ୟନ୍ତ ମହାଜାଗତିକ ଦୃଷ୍ଟିକୋଣ ସ୍ଥିର ହୋଇଛି, ତା’ହେଲେ ଏହା ପରବର୍ତ୍ତୀ ମିଶନ ପାଇଁ ଆବଶ୍ୟକ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ଯୋଜନା କରିବା ଉଚିତ। ଏନେଇ ଏକ ଉଚ୍ଚସ୍ତରୀୟ ବୈଜ୍ଞାନିକ ଥିମ୍‌କୁ ବ୍ୟାଖ୍ୟା କରାଯାଇଛି।

ମାର୍ଚ୍ଚ ୨୦୧୯ରେ ଏହି ଥିମଗୁଡିକ ପାଇଁ ବିଚାର ଖୋଜାଯାଇଥିଲା। ଯେଉଁଥି ପାଇଁ ବୈଜ୍ଞାନିକ ସମ୍ପ୍ରଦାୟରୁ ୧୦୦ଟି ବିଚାର ଏବଂ ଶ୍ୱେତପତ୍ର ଗ୍ରହଣ କରାଯାଇଥିଲା। ESA କିଛି ଦଶନ୍ଧି ଧରି ଏହି କସ୍ମିକ୍ ଭିଜନ୍ ଉପରେ କାର୍ଯ୍ୟ କରିଛି। ସମ୍ପ୍ରତି କସ୍ମିକ୍ ଭିଜନ ୨୦୧୫-୨୦୨୫ର ଯୋଜନା ଚକ୍ର ଚାଲିଛି ଯାହା ୨୦୦୫ ମସିହାରେ ସୃଷ୍ଟି ହୋଇଥିଲା। ଏହା ପୂର୍ବରୁ ୧୯୮୪ରେ ହୋରାଇଜନ୍ ୨୦୦୦ ଯୋଜନା ପ୍ରସ୍ତୁତ ହୋଇଥିବାବେଳେ ୧୯୯୪-୯୫ରେ ହୋରାଇଜନ୍ ୨୦୦୦ ପ୍ଲସ୍ ପ୍ରସ୍ତୁତ କରାଯାଇଥିଲା।

ତେବେ ଏହି କସ୍ମିକ୍ ଭିଜନ୍ ପ୍ରୋଗ୍ରାମର ଲକ୍ଷ୍ୟ ହେଉଛି ଚାରୋଟି ପ୍ରଶ୍ନର ସମାଧାନ ଖୋଜିବା। ପ୍ରଥମେ, କେଉଁ ପରିସ୍ଥିତିରେ ଗ୍ରହର ସୃଷ୍ଟି ଏବଂ ଜୀବନର ଆବିର୍ଭାବ ହୁଏ? ଦ୍ୱିତୀୟ- ସୌରମଣ୍ଡଳ କିପରି କାମ କରେ? ତୃତୀୟ- ବ୍ରହ୍ମାଣ୍ଡର ମୂଳ ଭୌତିକ ନିୟମଗୁଡ଼ିକ କ’ଣ ଏବଂ ଚତୁର୍ଥରେ ବ୍ରହ୍ମାଣ୍ଡ କିପରି ସୃଷ୍ଟିହେଲା ଏବଂ ଏହା କେଉଁଥିରେ ତିଆରି।