Srimayee Mishra to Join BJP: ବିଜେପିରେ ମିଶିବେ ଶ୍ରୀମୟୀ ! ପଦ୍ମ ଧରିବାକୁ ଚାଲିଛି କି ବଡ଼ ପ୍ଲାନ୍ ?

BJPରେ ମିଶିବେ କି ଶ୍ରୀମୟୀ ? ପଦ୍ମ ଧରିବାକୁ ଚାଲିଛି କି ବଡ଼ ପ୍ଲାନ୍ ? ପ୍ରଥମେ BJDରୁ ସସପେଣ୍ଡ୍ ଆଉ ଏବେ ଦୁର୍ଗା ମଣ୍ଡପରେ ବିଜେପି ନେତାଙ୍କ ସହ ଶ୍ରୀମୟୀଙ୍କ ବୁଲିବା ସାଧାରଣରେ ଚର୍ଚ୍ଚା ହେଲାଣି  l ପୂର୍ବରୁ କଂଗ୍ରେସରେ ଶ୍ରୀମୟୀ ମିଶ୍ର ମିଶିବେ ବୋଲି କୁହାଯାଉଥିଲା । ହେଲେ ଏବେ ବିଜେପି ନେତା ଓ ବିଧାୟକଙ୍କ ସହ ଶ୍ରୀମୟୀଙ୍କ ମଣ୍ଡପ ବୁଲା ତାଙ୍କ ରାଜନୀତି କ୍ୟାରିୟରର ଗତିକୁ କିଛି ଅଲଗା ଦର୍ଶାଉଛି । କୁହାଯାଉଛି, ଶ୍ରୀମୟୀ କୁଆଡେ ବିଜେପିରେ ସାମିଲ ହୋଇପାରନ୍ତି ।  

ଅନେକ ଦିନର ନୀରବତା ପରେ ଏବେ ମୁହଁ ଖୋଲୁଛନ୍ତି ଶ୍ରୀମୟୀ । ଏବେ ତାଙ୍କୁ ସାଧାରଣ ଜନତାଙ୍କ ନିକଟରେ ଦେଖିବାକୁ ମିଳୁଛି । ଭୁବନେଶ୍ବରରେ ବିଭିନ୍ନ ପୂଜା ମଣ୍ଡପ ବୁଲୁଛନ୍ତି । ଗତକାଲି ଭୁବନେଶ୍ବରରେ ଓଟିଭିକୁ କହିଥିଲେ ସେ ମାଆଙ୍କ ଦଳରେ ଅଛନ୍ତି । ଏବେ ବିଜେପି ନେତାଙ୍କ ସହ ତାଙ୍କର ଫଟୋକୁ ନେଇ ପୁଣି ନୂଆ ଚର୍ଚ୍ଚା ହେଲାଣି । ଯେଉଁଥିରେ ମନ୍ତ୍ରୀ ରବି ନାରାୟଣ ନାଏକ, ବିଧାୟିକା ଉପାସନ ମହାପାତ୍ର, ବିଜେପି ନେତା ଜଗନ୍ନାଥ ପ୍ରଧାନଙ୍କ ସହ ଶ୍ରୀମୟୀ ଅଛନ୍ତି । ତେଣୁ ଆଗକୁ ଶ୍ରୀମୟୀ କୁଆଡ଼େ ଯିବେ ଓ କେଉଁ ଦଳରେ ଯୋଗ ଦେବେ ତାକୁ ନେଇ କଳ୍ପନାଜଳ୍ପନା ଆରମ୍ଭ ହୋଇଛି । ଶ୍ରୀମୟୀ ଏହାକୁ ନେଇ କ୍ୟାମେରା ସାମ୍ନାରେ କିଛି କହିନଥିଲେ ମଧ୍ୟ ପରେ ଏ ବିଷୟରେ କହିବେ ବୋଲି ସୂଚନା ଦେଇଛନ୍ତି ।

ତେବେ ଆଗକୁ ଶ୍ରୀମୟୀ ମିଶ୍ରଙ୍କ ରାଜନୀତି ଗତି କୁଆଡେ ? ସେ ପଦ୍ମ ଧରୁଛନ୍ତି ନା କଂଗ୍ରେସରେ ସାମିଲ ହେବା ଚର୍ଚ୍ଚା ସତ ହେଉଛି ତା’ ଦେଖିବାକୁ ବାକି ରହିଲା ।