ଶୋ’ମ୍ୟାନ୍ ରାଜ କପୁରଙ୍କ ୧୦୦ ତମ ଜନ୍ମ ବାର୍ଷିକୀ ଅବସରରେ ଆୟୋଜିତ ହେବାକୁ ଥିବା ଚଳଚ୍ଚିତ୍ର ମହୋତ୍ସବ ପାଇଁ କପୁର ପରିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି। ଏହାର ଅନେକ ଫଟୋ ମଧ୍ୟ କ୍ଲିକ୍ କରିଛନ୍ତି। ସୋସିଆଲ ମିଡିଆରେ ଏହି ଫଟୋଗୁଡିକ ଭାଇରାଲ ହେଉଛି। ଆସନ୍ତୁ ନଜର ପକାଇବା
Published By: Pramod Behera
Last updated: 11 December 2024, 04:27 PM IST
ଡିସେମ୍ବର ୧୪ ହେଉଛି ବଲିଉଡ୍ ଶୋମ୍ୟାନ୍ ରାଜ କପୁରଙ୍କ ୧୦୦ ତମ ଜନ୍ମ ବାର୍ଷିକୀ। ଏଭଳି ପରିସ୍ଥିତିରେ କପୁର ପରିବାର ଏହି ଉତ୍ସବକୁ ସ୍ୱତନ୍ତ୍ର କରିବା ପାଇଁ କୌଣସି ରାସ୍ତା ଛାଡି ନାହାଁନ୍ତି। କପୁର ପରିବାର ୧୩ ରୁ ୧୫ ଡିସେମ୍ବର ମଧ୍ୟରେ ଆର୍.କେ ଫିଲ୍ମ ଫେଷ୍ଟିଭାଲ୍ ଆୟୋଜନ କରିଛନ୍ତି, ଏହି ସଂପର୍କରେ କପୁର ପରିବାରର ସଦସ୍ୟମାନେ ମଙ୍ଗଳବାର ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିଥିଲେ।
ସୋସିଆଲ ମିଡିଆରେ ଏହିସବୁ ଫଟୋ ଆସିଛି। କରୀନା କପୁର, କରିସ୍ମା କପୁର, ଆଲିଆ ଏବଂ ରିଦ୍ଧିମା ମଧ୍ୟ ନିଜ ନିଜ ଇନ୍ଷ୍ଟାଗ୍ରାମ ହ୍ୟାଣ୍ଡେଲରେ ଏହି ଫଟୋ ଶେୟାର କରିଛନ୍ତି। ତାଙ୍କ ସହ ନିତୁ କପୁର, ରଣବୀର, ସୈଫ୍ ଅଲି ଖାନ, ଅନିଶା ମଲହୋତ୍ରା ଜୈନ, ଅରମାନ ଜୈନ୍ ମଧ୍ୟ ନଜର ଆସିଛନ୍ତି।
ଫଟୋଗୁଡ଼ିକରେ କପୁର ଭଉଣୀମାନେ ମଧ୍ୟ ପ୍ରଧାନମନ୍ତ୍ରୀ ମୋଦୀଙ୍କଠାରୁ ଅଟୋଗ୍ରାଫ ମାଗୁଥିବା ଦେଖିବାକୁ ମିଳେ।
କରୀନା କପୁର ଫଟୋ ସହିତ ଏକ କ୍ଲିପ୍ ମଧ୍ୟ ଶେୟାର କରିଛନ୍ତି ଯେଉଁଥିରେ ମୋଦୀ ଅଟୋଗ୍ରାଫ୍ ଦେଉଛନ୍ତି।
ଫଟୋଗୁଡିକ ଶେୟାର କରି କରୀନା କପୁର କ୍ୟାପ୍ସନ୍ରେ ଲେଖିଛନ୍ତି –“ଆମ ଜେଜେବାପା ମହାନ ରାଜ କପୁରଙ୍କ ଅସାଧାରଣ ଜୀବନ ତଥା ଐତିହ୍ୟକୁ ପାଳନ କରିବାକୁ ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିମନ୍ତ୍ରଣ କରିଥିବାରୁ ଆମେ ଅତ୍ୟନ୍ତ ବିନମ୍ର ଏବଂ ଗୌରବାନ୍ୱିତ ଅନୁଭବ କରୁଛୁ।”
ସେ ଆହୁରି ଲେଖିଛନ୍ତି, “ଏଭଳି ଏକ ବିଶେଷ ଅପରାହ୍ନ ପାଇଁ ଶ୍ରୀ ମୋଦୀଜୀଙ୍କୁ ଧନ୍ୟବାଦ। ଏହି ଉତ୍ସବକୁ ପାଳନ କରିବା ନେଇ ଆପଣଙ୍କ ଧ୍ୟାନ ଏବଂ ସମର୍ଥନ ବହୁତ ମାନେ ରଖେ।”
କରୀନା ତାଙ୍କ ପୋଷ୍ଟ୍ରେ ରାଜ କପୁରଙ୍କ ଫିଲ୍ମକୁ ପୁନଃ ପ୍ରଦର୍ଶନକୁ ନେଇ ଖୁସି ବ୍ୟକ୍ତ କରିଛନ୍ତି ଏବଂ ଲେଖିଛନ୍ତି – “ରାଜ କପୁର ୧୦୦ ଚଳଚ୍ଚିତ୍ର ମହୋତ୍ସବ' ସହିତ ଭାରତୀୟ ସିନେମା ଉପରେ ତାଙ୍କର ପ୍ରଭାବ ମନେରଖିବା ପାଇଁ ଆମେ ଗର୍ବିତ।”