ଦିବଂଗତ ଗାୟକ ସିଦ୍ଧୁ ମୁସେୱାଲା ତାଙ୍କ ଗୀତ ମାଧ୍ୟମରେ ପଞ୍ଜାବୀ ସିନେମାରେ ଅନେକ ନାଁ କମାଇଥିଲେ। ଯଦିଓ ସେ ଆଜି ଏ ଦୁନିଆରେ ନାହାନ୍ତି, ତଥାପି ସେ ତାଙ୍କ ଗୀତ ମାଧ୍ୟମରେ ପ୍ରଶଂସକଙ୍କ ହୃଦୟରେ ସର୍ବଦା ଜୀବନ୍ତ ରହିବେ। ଏବେ ସିଦ୍ଧୁଙ୍କ ପରେ ତାଙ୍କ ସାନଭାଇ ଶୁଭଦୀପ ସିଂହ ନିଜର କ୍ୟୁଟ୍ନେସ୍ରେ ଲୋକଙ୍କ ହୃଦୟ ଜିତୁଛନ୍ତି।
Published By: Pramod Behera
Last updated: 17 March 2025, 04:32 PM IST
ସିଦ୍ଧୁ ମୁସେୱାଲାଙ୍କ ସାନଭାଇ ଶୁଭଦୀପ ସିଂହଙ୍କ ଫଟୋ ଇନଷ୍ଟାଗ୍ରାମ ପେଜ୍ Sahibpartap Singh Sidhu ଙ୍କ ଦ୍ୱାରା ଶେୟାର କରାଯାଇଛି।
ଶୁଭଦୀପଙ୍କ ଏହି ଫଟୋଗୁଡ଼ିକ ହୋଲି ଦିନର। ଫଟୋଗୁଡ଼ିକରେ ଶୁଭଦୀପଙ୍କୁ ଧଳା ପଠାନୀ କୁର୍ତ୍ତାରେ ଦେଖିବାକୁ ମିଳେ। ତାଙ୍କ ମୁଣ୍ଡରେ ଏକ ନୀଳ ରଙ୍ଗର ସ୍କାର୍ଫ ବନ୍ଧା ହୋଇଛି ଏବଂ ତାଙ୍କ ମୁହଁରେ ରଙ୍ଗ ଲାଗିଛି।
ଏହି ଫଟୋଗୁଡିକ ଶେୟାର୍ କରିବାବେଳେ କ୍ୟାପ୍ସନ୍ରେ “ହାପି ହୋଲି” ଲେଖାଯାଇଛି। ବର୍ତ୍ତମାନ ଶୁଭଦୀପଙ୍କ ଏହି ହୋଲି ଫଟୋ ଇଣ୍ଟରନେଟ୍ରେ ଭାଇରାଲ୍ ହେଉଛି।
ମୁସେୱାଲାଙ୍କ ପ୍ରଶଂସକମାନେ ଶୁଭଦୀପଙ୍କ ହୋଲି ଫଟୋରେ ଖୋଲାଖୋଲି ଭାବେ ସେମାନଙ୍କ ପ୍ରେମ ବର୍ଷା କରୁଛନ୍ତି। କେହି କେହି ଫଟୋରେ ହାପି ହୋଲି ଲେଖୁଥିବା ବେଳେ ଆଉ କେହି କହୁଛନ୍ତି - ଆମ ଛୋଟ ସିଦ୍ଧୁଙ୍କୁ କାହାର ନଜର ନ ଲାଗୁ।
ସମସ୍ତେ ଜାଣନ୍ତି ଯେ ୨୯ ମେ ୨୦୨୨ରେ ସିଦ୍ଧୁ ମୁସେୱାଲାଙ୍କୁ ଗୁଳି କରି ହତ୍ୟା କରାଯାଇଥିଲା। ମୃତ୍ୟୁର ପ୍ରାୟ ୨୨ ମାସ ପରେ, ମୁସେୱାଲାଙ୍କ ସାନ ଭାଇ ଜନ୍ମ ହୋଇଥିଲା।
ଶୁଭଦୀପ ସିଂହ ସିଦ୍ଧୁ IVF ମାଧ୍ୟମରେ ଜନ୍ମଗ୍ରହଣ କରିଥିଲେ। ଗାୟକଙ୍କ ବାପାମାଆ ନିଜେ ଏହି ଖୁସି ଖବର ତାଙ୍କ ପ୍ରଶଂସକଙ୍କ ସହ ସୋସିଆଲ ମିଡିଆରେ ଶେୟାର କରିଥିଲେ।