ଦଶହରାରେ ଦିଶା ଦେଖେଇଲେ ଦେଶୀ ଲୁକ୍; ଦିବାନା ହେଲେ ପ୍ରଶଂସକ

ଅଭିନେତ୍ରୀ ଦିଶା ପାଟନୀ ସୋସିଆଲ ମିଡିଆରେ ତାଙ୍କର ଏହି ଦେଶୀ ଲୁକ୍‌ର ଫଟୋ ଶେୟାର କରିଛନ୍ତି। ସେ ଅଲିଭ୍ ସବୁଜ ରଙ୍ଗର ଲେହେଙ୍ଗାରେ ଗ୍ଲାମରସ୍ ଦେଖାଯାଉଛନ୍ତି।

ଏହି ଅଭିନେତ୍ରୀଙ୍କୁ ପାଶ୍ଚାତ୍ୟ ପୋଷାକରେ ପ୍ରାୟତଃ ଦେଖାଯାଏ, କିନ୍ତୁ ଏଥର ପ୍ରଶଂସକମାନେ ତାଙ୍କର ଦେଶୀ ଲୁକ୍ ଦେଖି ପାଗଳ ହୋଇଯାଇଛନ୍ତି। ସୋସିଆଲ ମିଡିଆରେ ଅଭିନେତ୍ରୀଙ୍କ ଫଟୋ ଭାଇରାଲ ହେଉଛି।

ଦିଶା ପାଟନୀ ତାଙ୍କ ଇନ୍‌ଷ୍ଟାଗ୍ରା୍‌ମ ଆକାଉଣ୍ଟରେ କିଛି ଫଟୋ ଶେୟାର କରିଛନ୍ତି। ଏହି ଫଟୋଗୁଡ଼ିକରେ ସେ ଅଲିଭ୍ ସବୁଜ ରଙ୍ଗର ଲେହେଙ୍ଗାରେ ଖୁବ ସୁନ୍ଦର ଦେଖାଯାଉଛନ୍ତି। ସେ ଲେହେଙ୍ଗା ଏବଂ କାନରେ ସରଳ କାନଫୁଲ ସହିତ ଏକ ବ୍ୟାକ୍‌ଲେସ୍ ଟପ୍ ପିନ୍ଧିଛନ୍ତି।

ଫଟୋରେ ଥିବା ତାଙ୍କର ପ୍ରତ୍ୟେକ ଷ୍ଟାଇଲ୍ ଦେଖିବା ଭଳି। ଏହିସବୁ ଫଟୋ ଶେୟାର କରି ଦିଶା କ୍ୟାପ୍‌ସନ୍‌ରେ ଏକ ଇମୋଜୀ ବ୍ୟବହାର କରିଛନ୍ତି।

ଦିଶା ପ୍ରାୟତଃ ପାଶ୍ଚାତ୍ୟ ପୋଷାକରେ ନିଜର ଫଟୋ ପୋଷ୍ଟ କରନ୍ତି, କିନ୍ତୁ ଦଶହରା ପରି ବିଶେଷ ଉତ୍ସବରେ ତାଙ୍କୁ ଏଭଳି ଦେଶୀ ଲୁକ୍‌ରେ ଦେଖି ତାଙ୍କ ପ୍ରଶଂସକ ପୂରା ଫିଦା। ପ୍ରଶଂସକମାନେ ଫଟୋ ଉପରେ ମନ୍ତବ୍ୟ ଦେଇ ତାଙ୍କ ପ୍ରତି ନିଜର ପ୍ରେମ ବ୍ୟକ୍ତ କରୁଛନ୍ତି।

ପ୍ରଶଂସକମାନେ ତାଙ୍କ ଫଟୋ ଉପରେ ପ୍ରତିକ୍ରିୟା ଦେଉଥିବା ବେଳେ କେହି ‘ଖୁବ ସୁନ୍ଦର’ ଲେଖୁଛନ୍ତି ତ ଆଉ କେହି ‘ଖୁବ ଆକର୍ଷଣୀୟ’ ବୋଲି ଲେଖିଛନ୍ତି। କିଛି ସମୟ ପୂର୍ବରୁ ଶେୟାର ହୋଇଥିବା ତାଙ୍କର ଏହି ଫଟୋରେ ପ୍ରାୟ ୪ ଲକ୍ଷ ଲାଇକ୍ସ ଆସିଛି।

ଦିଶା ପାଟନୀଙ୍କ କ୍ୟାରିୟର ବିଷୟରେ କହିବାକୁ ଗଲେ ସେ ୨୦୧୫ ମସିହାରେ ତେଲୁଗୁ ଫିଲ୍ମ 'ଲୋଫର୍' ସହିତ ଡେବ୍ୟୁ କରିଥିଲେ। ପରେ ସେ ମିତ୍ ବ୍ରଦର୍ସଙ୍କ ଏକ ଭିଡିଓ ଗୀତରେ ଅଭିନୟ କରିଥିଲେ।