ନୂଆବର୍ଷ ୨୦୨୪ ଆରମ୍ଭ ହୋଇଯାଇଛି। ନୂଆ ବର୍ଷ ସହିତ ବି ଟାଉନ୍ ସେଲିବ୍ରେଟିମାନଙ୍କର ନୂଆ ପାର୍ଟିର ଫଟୋ ମଧ୍ୟ ସାମ୍ନାକୁ ଆସିଛି। କେହି କେହି ସେମାନଙ୍କ ପରିବାର ସହିତ ସମୟ ବିତାଇଥିବାବେଳେ ଆଉ କେହି ସେମାନଙ୍କ ପାର୍ଟନର୍ମାନଙ୍କ ସହିତ ନୂଆବର୍ଷକୁ ସ୍ୱାଗତ କରିଛନ୍ତି। ସେ କରୀନା କପୁର ଖାନ ହୁଅନ୍ତୁ କି ମଲାଇକା ଅରୋରା, ବି-ଟାଉନ ସେଲିବ୍ରେଟିମାନେ ନୂଆବର୍ଷକୁ ଖୁବ୍ ମଜ୍ଜା-ମଉଜ କରିଛନ୍ତି। ତେବେ ଆସନ୍ତୁ ଏହିସବୁ ବଲିଉଡ୍ ସେଲିବ୍ରେଟିମାନଙ୍କ ନୂଆ ପାର୍ଟିର ଫଟୋ ଦେଖିନେବା।
Published By: Pramod Behera
Last updated: 02 January 2024, 02:09 PM IST
ନୂଆବର୍ଷକୁ ନିଜ ନିଜ ଢଙ୍ଗରେ ସ୍ୱାଗତ କଲେ ଏହି ବଲିଉଡ୍ ସେଲିବ୍ରେଟିଜ୍। ଜାଣନ୍ତୁ କିଏ ପାଳିଲେ କେମିତି...
କରୀନା କପୁର ଖାନ ତାଙ୍କ ସ୍ୱାମୀ ସୈଫ୍ ଅଲି ଖାନ ଏବଂ ପିଲାମାନଙ୍କ ସହ ସ୍ୱିଜରଲ୍ୟାଣ୍ଡରେ ନୂଆବର୍ଷର ମଉଜ କରିଛନ୍ତି। ଏହି ସମୟରେ ସେ ଇନଷ୍ଟାଗ୍ରାମରେ ନିଜ ପରିବାର ସହିତ ନିଆଯାଇଥିବା ଏକ ମିରର୍ ସେଲ୍ଫି ଶେୟାର କରିଛନ୍ତି।
ସୈଫ୍ ଅଲି ଖାନଙ୍କ ପୁଅ ଇବ୍ରାହିମ ଅଲି ଖାନ ଅଭିନେତ୍ରୀ ପଲକ୍ ତିୱାରୀଙ୍କ ସହ ନୂଆବର୍ଷ ପାଳନ କରିଥିବା ଦେଖିବାକୁ ମିଳିଛି। ଏହି ଦୁଇ ଷ୍ଟାର୍କିଡ୍ସ ଗୋଟିଏ କାର୍ରେ ଯାଉଥିବା ନଜର ଆସିଥିଲେ।
ବରୁଣ ଧାୱନ ତାଙ୍କ ପତ୍ନୀ ନତାଶା ଦଲାଲଙ୍କ ସହ ଦୁବାଇରେ ନୂଆ ବର୍ଷକୁ ସ୍ୱାଗତ କରିଥିଲେ। ସେ ଇନ୍ଷ୍ଟାଗ୍ରାମ୍ରେ ଏହାର ଏକ ଭିଡିଓ ଶେୟାର କରିଛନ୍ତି।
ମଲାଇକା ଅରୋରା ତାଙ୍କ ସାଙ୍ଗମାନଙ୍କ ସହିତ ପାର୍ଟି କରୁଥିବା ଦେଖିବାକୁ ମିଳିଥିଲା।| ଧଳା ସାର୍ଟ ଏବଂ ଚକଚକିଆ ପ୍ୟାଣ୍ଟ୍ରେ ମଲାଇକା ବହୁତ ହଟ୍ ଦେଖାଯାଉଥିଲେ।
କରଣ ଜୋହର ନୂଆବର୍ଷକୁ ରାନୀ ମୁଖାର୍ଜୀଙ୍କ ସହ ସ୍ୱାଗତ କରିଛନ୍ତି। କରଣ ନିଜ ଇନ୍ଷ୍ଟାଗ୍ରାମ୍ ଷ୍ଟୋରୀରେ ରାନୀ ମୁଖାର୍ଜୀଙ୍କ ସହ ନିଜର ଏକ ସୁନ୍ଦର ଫଟୋ ଶେୟାର କରିଛନ୍ତି।
ସାଉଥ ସୁପର୍ଷ୍ଟାର୍ ମହେଶ ବାବୁ ତାଙ୍କ ପତ୍ନୀ ନମ୍ରତା ଶିରୋଦକରଙ୍କ ସହ ନୂଆବର୍ଷକୁ ସ୍ୱାଗତ କରିଛନ୍ତି। ସୋସିଆଲ୍ ମିଡିଆରେ ସେ ଏକ ଫଟୋ ପୋଷ୍ଟ କରିଛନ୍ତି। ଏଥିରେ ମହେଶ ତାଙ୍କ ପତ୍ନୀଙ୍କୁ ଆଲିଙ୍ଗନ କରୁଥିବା ଦେଖିବାକୁ ମିଳେ।