Advertisment

Brutal Stabbing Murder Shocks Capital Suburb: କିନ୍ନରଙ୍କୁ ହତ୍ୟା ମାମଲା; ତୁରନ୍ତ ହତ୍ୟାକାରୀଙ୍କୁ ଧରିବା ଦାବି ସହ ଗର୍ଜିଛି କିନ୍ନର ସଂଘ

ଭୁବନେଶ୍ୱର ଉପକଣ୍ଠ ଉତ୍ତରା ଛକରେ କିନ୍ନରଙ୍କୁ ହତ୍ୟା ମାମଲା। ୨୪ ଘଣ୍ଟା ପୂରିବାକୁ ଥିଲେ ବି ହତ୍ୟାର କାରଣ ଅସ୍ପଷ୍ଟ। ତୁରନ୍ତ ହତ୍ୟାକାରୀଙ୍କୁ ଧରିବା ଦାବି ସହ ଗର୍ଜିଛି କିନ୍ନର ସଂଘ। ବର୍ଷେ ତଳେ ସାଲେପୁରରେ ଯୋଗ ଶିକ୍ଷକ ଥିଲେ ମୃତକ। କିନ୍ନର ସାଜି ୨ ଦିନ ତଳେ ଭୁବନେଶ୍ବର ଆସିଥିବା ସୂଚନା।

Brutal Stabbing Murder Shocks Capital Suburb

କିନ୍ନରଙ୍କୁ ହତ୍ୟା ମାମଲା; ତୁରନ୍ତ ହତ୍ୟାକାରୀଙ୍କୁ ଧରିବା ଦାବି ସହ ଗର୍ଜିଛି କିନ୍ନର ସଂଘ Photograph: (OTV)

Advertisment

ରାଜଧାନୀ ଉପକଣ୍ଠରେ ଜଣେ କିନ୍ନରଙ୍କୁ ବୀଭତ୍ସ ହତ୍ୟାକୁ ନେଇ ହଲ୍ଲାବୋଲ୍। ଘଟଣାକୁ ୨୪ ଘଣ୍ଟା ପୂରିବାକୁ ଥିଲେ ବି ନା ହତ୍ୟାର କାରଣ ଜଣାପଡ଼ିଛି ନା ହତ୍ୟାକାରୀର ମିଳିଛି ପତ୍ତା। ରାସ୍ତାକଡ଼ରେ ଛିଡ଼ା ହୋଇଥିବାବେଳେ ତାଙ୍କୁ କିଏ ଏବଂ କାହିଁ ଛୁରୀ ଭୂସି ମାରିଦେଲା, ତାକୁ ନେଇ ଲାଗିରହିଥିବା ସସପେନ୍ସ ଭିତରେ ମୃତକ କିନ୍ନର କି ନୁହଁନ୍ତି, ତାକୁ ନେଇ ଉଠିଛି ନାନା ପ୍ରଶ୍ନ। 

Advertisment

ଏସବୁ ଭିତରେ ସନ୍ଧାନୀ କୁକୁର ଓ ସାଇଣ୍ଟିଫିକ୍ ଟିମ୍ ସହାୟତାରେ ଛାନଭିନ୍ ଜାରି ରଖିଛି ପିପିଲି ପୋଲିସ। ସେପଟେ ହତ୍ୟାକାରୀକୁ ତୁରନ୍ତ ଗିରଫ ଦାବିରେ ରାଜରାସ୍ତାରେ ଗର୍ଜିଛି କିନ୍ନର ସଂଘ।.

ରାଜରାସ୍ତାରେ କିନ୍ନରଙ୍କୁ ହତ୍ୟା। ପେଟରେ ଛୁରୀ ଭୁସିଲେ। ଶରୀରର ଏକାଧିକ ସ୍ଥାନରେ କ୍ଷତାକ୍ତ କଲେ। ଜାତୀୟ ରାଜପଥ କଡ଼ରେ ବୀଭତ୍ସ ହତ୍ୟା କରି ଫେରାର ହୋଇଗଲେ। ରାଜଧାନୀ ଉପକଣ୍ଠ ଉତ୍ତରା ଛକ ନିକଟରେ କିନ୍ନର ଅଞ୍ଜଳି ଓରଫ ସୋନା ହତ୍ୟାକାଣ୍ଡ ପରେ ତାତିଛି ସାରା କିନ୍ନର ସମାଜ। ପିପିଲି ଥାନାରେ ମାମଲା ରୁଜୁ କରି ପୋଲିସର ଛାନଭିନ୍ ଭିତରେ ତୁରନ୍ତ ହତ୍ୟାକାରୀଙ୍କୁ ବାନ୍ଧିବା ଦାବିରେ ଗର୍ଜିଛନ୍ତି ରାଜଧାନୀ ସମେତ ଆଖପାଖ ଅଞ୍ଚଳର କିନ୍ନର। କାରଣ ରାସ୍ତାକଡ଼ରେ ଛିଡ଼ା ହୋଇଥିବାବେଳେ ତାଙ୍କୁ ଯେଭଳି ହତ୍ୟା କରାଗଲା, ତାକୁ ନେଇ ଦେଖାଦେଇଛି ଉଦବେଗ। 

Advertisment

କାହିଁକି ହତ୍ୟା କରାଗଲା ସଂପୃକ୍ତ କିନ୍ନରଙ୍କୁ ? ଲୁଟପାଟ ପାଇଁ ନା କିନ୍ନର ସଂଘ ମଧ୍ୟରେ ଫାଟ ପାଇଁ ? ଥିଲା କି କୌଣସି ପାରିବାରିକ ବିବାଦ ? ଏଭଳି ନାନା ପ୍ରଶ୍ନ ଭିତରେ ସାଇଣ୍ଟିଫିକ ଟିମ୍ ଏବଂ ସନ୍ଧାନୀ କୁକୁର ସହ ହତ୍ୟାକାଣ୍ଡ ସ୍ଥଳକୁ ଯାଇ ତଦନ୍ତ କରିଛି ପୋଲିସ। ରାସ୍ତାରେ ଲାଗିଥିବା ସିସିଟିଭି ସହ ଆଖପାଖ ଆପାର୍ଟମେଣ୍ଟର ସିସିଟିଭି ଫୁଟେଜକୁ ଧରି ଯାଞ୍ଚ ଚଳାଇଛି। 

ମିଳିଥିବା ସୂଚନା ଅନୁଯାୟୀ, ସାଲେପୁରର ଅଞ୍ଜଳୀ ଓରଫ ସୋନା କିନ୍ନର ଗତ ୨ ଦୁଇଦିନ ତଳେ ଭୁବନେଶ୍ବର ଆସିଥିଲେ। ବର୍ଷେ ପୂର୍ବରୁ ବିନେଶ ରାଉତ ନାମରେ ପରିଚିତ ଥିଲେ। ବାଣିଜ୍ୟରେ ସ୍ନାତକ ଯାଏଁ ପାଠପଢ଼ିଥିବା ବିନେଶ, ଜଣେ ମେଧାବୀ ଛାତ୍ର। କେବଳ ଏତିକି ନୁହେଁ, ସେ ଏକ ସ୍କୁଲର ଯୋଗ ଶିକ୍ଷକ ମଧ୍ୟ ଥିଲେ। ଗତ ବର୍ଷେ ହେଲା ବିନେଶଙ୍କ ମଧ୍ୟରେ ଅସମ୍ଭବ ପରିବର୍ତ୍ତନ ସହ ମହିଳାଙ୍କ ଭଳି ଆଚରଣ ଦେଖିବାକୁ ପାଇଥିଲେ ଘର ଲୋକ। ଯାହାକୁ ନେଇ ପରିବାର ମଧ୍ୟରେ ବିବାଦ ବି ଲାଗିରହିଥିଲା। 

Advertisment

ତେଣୁ ବର୍ଷେ ହେବ ଘର ଲୋକଙ୍କଠୁ ଲୁଚି ରହୁଥିଲେ ଅଞ୍ଜଳୀ ଓରଫ ସୋନା। କିନ୍ତୁ ରହସ୍ୟଜନକ କଥା ହେଉଛି, ପରିବାର ଲୋକ କିମ୍ବା ଯୋଗ ଛାତ୍ରଛାତ୍ରୀ ବିନେଶଙ୍କୁ ଜଣେ କିନ୍ନର ବୋଲି ଗ୍ରହଣ କରିପାରୁନାହାନ୍ତି ।

ରବିବାର ରାତି ସାଢ଼େ ୮ଟାରୁ ୯ଟା। ପିପିଲି ଥାନା ଉତ୍ତରା ଛକ SIFA ନିକଟ ରାସ୍ତାକଡ଼ରେ ଛିଡ଼ା ହୋଇଥିବାବେଳେ ତାଙ୍କୁ ଛୁରି ଭୂସି ହତ୍ୟା କରାଯାଇଥିବା ଅଭିଯୋଗ ହୋଇଥିଲା। ହତ୍ୟାକାଣ୍ଡ ସ୍ଥଳର କିଛି ଦୂରରେ ଥିବା ଏକ ଆପାର୍ଟମେଣ୍ଟରୁ ପୋଲିସକୁ କିଛି ସୁରାକ ମିଳିଥିବା କୁହାଯାଉଛି। କାରଣ ସନ୍ଧାନୀ କୁକୁର ସେହି ଆପାର୍ଟମେଣ୍ଟକୁ ବି ଯାଇଥିଲା।ତେବେ ଏହି ଆପାର୍ଟମେଣ୍ଟରେ ଲୁଚି ରହିଛି କି ହତ୍ୟାର ସବୁ ରହସ୍ୟ ? ତାକୁ ନେଇ ବଢ଼ିଛି ଚର୍ଚ୍ଚା।

Murder Case Odisha Crime Odisha News
ସମ୍ବନ୍ଧୀୟ ପ୍ରବନ୍ଧଗୁଡ଼ିକ
Here are a few more articles:
ପରବର୍ତ୍ତୀ ପ୍ରବନ୍ଧ ପ Read ଼ନ୍ତୁ