ଆଜି ଖେଳାଯିବ ଆଇପିଏଲ୍ର ଫାଇନାଲ ମୁକାବିଲା । ଆମ୍ନାସାମ୍ନା ହେବେ ଚଳିତ ଥରର ଦୁଇ ହେଭିୱେଟ୍ ଟିମ୍ । ପ୍ରଥମ ଆଇପିଏଲ୍ ବିଜେତା ରାଜସ୍ଥାନ ରୟାଲ୍ସକୁ ଭେଟିବ ନୂଆକରି ସାମିଲ ହୋଇଥିବା ଟିମ୍ ଗୁଜରାଟ ଟାଇଟନ୍ସ । ଆଜି ମୋଟେରାର ନରେନ୍ଦ୍ର ମୋଦି ଷ୍ଟାଡିୟମ୍ରେ ପ୍ରାୟ ୧ ଲକ୍ଷ ଲୋକଙ୍କ ଉପସ୍ଥିତରେ ଏହି ମହା ମୁକାବିଲା ଖେଳାଯିବ ।
ଏଥର ପଏଣ୍ଟ ତାଲିକାର ଶୀର୍ଷରେ ଗୁଜରାଟ ରହିଛି । ପ୍ରଥମରୁ ହିଁ ଆଟାକିଂ ଥିବା ସହ ଗୁଜରାଟ ପାଖରେ ମିଡିଲ୍ ଅଡର ବେଶ୍ ଶକ୍ତିଶାଳୀ ରହିଛି । ସେହିପରି ଏହି ମ୍ୟାଚ୍ରେ ରାଜସ୍ଥାନ ରୟାଲ୍ସର ସବୁଠୁ ସଫଳ ବ୍ୟାଟ୍ସ ମ୍ୟାନ୍ ଜୋସ୍ ବଟଲରଙ୍କ ଉପରେ ବିଶେଷ ନଜର ରହିବ ।
ତେବେ ଏହି ମ୍ୟାଚ୍ରେ ବିଜୟୀ ଟିମ୍କୁ ୨୦ ଲକ୍ଷ ଟଙ୍କା ପୁରଷ୍କାର ରାଶି ପ୍ରଦାନ କରାଯିବ । ଏହାସହ ଫାଇନାଲ୍ରେ ହାରିବା ଟିମ୍କୁ ଗତ ବର୍ଷ ୧୨. ୫ କୋଟି ଟଙ୍କା ଦିଆଯାଉଥିବାବେଳେ ଚଳିତ ବର୍ଷ ଏହି ରାଶିରେ ବୃଦ୍ଧି ହୋଇ ୧୩ କୋଟି ଟଙ୍କା ପୁରଷ୍କାର ରାଶି ପ୍ରଦାନ କରାଯିବ । ତେବେ ଚଳିତ ବର୍କିଷ ଆଇପିଏଲ୍ରେ କିଏ ବାଜି ମାରିବ ତାହା ଉପରେ ସମସ୍ତଙ୍କର ନଜର ରହିଛି ।