ଫଟୋରେ ବିଶ୍ୱର ଲୋକପ୍ରିୟ କ୍ରିକେଟ୍‌ ତାରକା, ଯିଏ ଚର୍ଚ୍ଚିତ ଅଭିନେତ୍ରୀଙ୍କ ସ୍ୱାମୀ..

ଫଟୋରେ ଖାଇବା ବେଳେ ହସୁଥିବା ଏହି ବାଳକ ଆଜିର ସମୟର ଏକ ବଡ ତାରକା । ଏହାର ନାମ ବିଶ୍ୱର କୋଣ ଅନୁକୋଣରେ ଖେଳି ବୁଲୁଛି । ଯେଉଁଠି ଦେଖିବେ ତାଙ୍କରି ଚର୍ଚ୍ଚା । କ୍ରିକେଟ୍‌ର ସର୍ବଶ୍ରେଷ୍ଠ ଖେଳାଳି ତାଲିକାରେ ଯୋଡ଼ି ହୋଇଛି ତାଙ୍କର ନାମ । ଆପଣମାନେ ଫଟୋ ଦେଖି ଜାଣିପାରୁଥିବେ ଯେ ପିଲାଟି କିଏ ।

ଫଟୋରେ ପିଲାଟି ଆଉ କେହି ନୁହଁନ୍ତି, ଅନେକ ରେକର୍ଡର ଅଧିକାରୀ ତଥା ଭାରତୀୟ ଦଳର ପୂର୍ବତନ ଅଧିନାୟକ, ଷ୍ଟାର ବ୍ୟାଟ୍ସମ୍ୟାନ୍‌ ବିରାଟ କୋହଲି । ନାଁ ଯେମିତି ବିରାଟ, ତାଙ୍କ କାମ ବି ସେମିତି ବିରାଟ । କ୍ରିକେଟ୍‌ର ସବୁ ଫର୍ମାଟରେ ରେକର୍ଡ ହାସଲ କରିଥିବା ଭାରତୀୟ କ୍ରିକେଟର । ତାଙ୍କର ଦେଶବିଦେଶରେ ଲକ୍ଷ ଲକ୍ଷ ପ୍ରଶଂସକ ରହିଛନ୍ତି ।

ବିରାଟ ନିଜେ ଏହି ଫଟୋକୁ ଇନ୍‌ଷ୍ଟାଗ୍ରାମ ଷ୍ଟୋରୀରେ ସେୟାର କରିଛନ୍ତି । ଏହି ଫଟୋକୁ ସେୟାର କରି ସେ ଲେଖିଛନ୍ତି କି, ‘ଖାଅ ପିଅ ମଜା କର, କାହା ମନରେ ଦୁଃଖ ଦିଅନି’ । ଏହି ଫଟୋରେ ବିରାଟ ଖାଇବା ସହ ହସୁଥିବାର ଦେଖିବାକୁ ମିଳିଛି ।

ବିରାଟ କୋହଲି ଦିଲ୍ଲୀରେ ଜନ୍ମଗ୍ରହଣ କରିଥିଲେ । ୩୩ ବର୍ଷୀୟ କୋହଲି ୨୦୦୬ ରେ ପ୍ରଥମ କ୍ରିକେଟ୍ ମ୍ୟାଚ୍ ଖେଳିଥିଲେ । ଏହା ପରେ ସେ ଅନେକ ମ୍ୟାଚ୍‌ ଓ ବିଶ୍ୱକପ୍‌ରେ ଜବରଜସ୍ତ ପ୍ରଦର୍ଶନ ମଧ୍ୟ କରିଛନ୍ତି । ସେ ଟେଷ୍ଟ କ୍ରିକେଟ୍‌ରେ ୧୦୨ଟି ମ୍ୟାଚ୍‌, ଦିନିକିଆରେ ୨୬୨ ମ୍ୟାଚ୍‌, ଟି-ଟ୍ୱେଣ୍ଟିରେ ୧୧୩ଟି ମ୍ୟାଚ୍‌ ଓ ଆଇପିଏଲ୍‌ରେ ୨୨୩ଟି ମ୍ୟାଚ୍‌ ଖେଳିଛନ୍ତି । ଆଜିଯାଏଁ ସେ ଅନ୍ତର୍ଜାତୀୟ କ୍ରିକେଟ୍‌ରେ ୭୧ଟି ଶତକ ମାରିଛନ୍ତି ।

ଅଷ୍ଟ୍ରେଲିଆରେ ଚାଲିଥିବା ଟି-ଟ୍ୱେଣ୍ଟି ବିଶ୍ୱକପ୍‌ରେ ବର୍ତ୍ତମାନ ଗୋଟିଏ ନାଁ ବୋଲର୍‌ଙ୍କୁ ଭୟଭୀତ କରୁଛି, ସେ ହେଉଛନ୍ତି ବିରାଟ କୋହଲି । ଜବରଦସ୍ତ ବ୍ୟାଟିଂକୁ ଲଗାତାର ଅର୍ଦ୍ଧଶତକୀୟ ଇନିଂସ ଖେଳି ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି ।

ଏଥିସହିତ ତାଙ୍କ ପତ୍ନୀ ମଧ୍ୟ କମ୍ ପପୁଲାର୍‌ ନୁହଁନ୍ତି । ଜଣେ ଶ୍ରେଷ୍ଠ ଅଭିନେତ୍ରୀ ଏବଂ ବଲିଉଡ ସୁପରଷ୍ଟାରଙ୍କ ହିରୋଇନ୍ ଭାବରେ କାର୍ଯ୍ୟ କରିଛନ୍ତି । ଅନୁଷ୍କା ଅନେକ ହିଟ୍ ଫିଲ୍ମ ଦେଇଛନ୍ତି ।