ରାଫେଲ ନାଦାଲଙ୍କ ସର୍ବାଧିକ ୧୪ଟି ଫ୍ରେଞ୍ଚ ଓପନ ଜିତିବାର ରେକର୍ଡ

ରାଫେଲ ନାଦାଲଙ୍କ ରେକର୍ଡ । ହାସଲ କଲେ ଚତୁର୍ଦ୍ଦଶ ଫ୍ରେଞ୍ଚ ଓପନ୍ ଟାଇଟଲ । ଫାଇନାଲରେ ସେ କାସ୍‌ପର୍‌ ରୁଡ୍‌ଙ୍କୁ ସିଧାସଳଖ ୬-୩, ୬-୩, ୬-୦ ସେଟ୍‌ରେ ପରାସ୍ତ କରି ଏହି ସଫଳତା ହାସଲ କରିଛନ୍ତି । ଏଥିପାଇଁ ତାଙ୍କୁ ଲାଗିଥିଲା ୨ ଘଣ୍ଟା ୧୮ ମିନିଟ୍ ।

ନାଦାଲ ସର୍ବାଧିକ ୧୪ଟି ଫ୍ରେଞ୍ଚ ଓପନ ଜିତିବାର ରେକର୍ଡ ମଧ୍ୟ କରିଛନ୍ତି । ଏଥିପାଇଁ ତାଙ୍କୁ କ୍ଲେ କୋର୍ଟ କିଙ୍ଗ୍ କୁହାଯାଏ । ପୁରୁଷ ଟେନିସ ଖେଳାଳି ଭାବେ ସର୍ବାଧିକ ୨୨ଟି ଗ୍ରାଣ୍ଡସ୍ଲାମ ଜିତିବାର ରେକର୍ଡ କରିଛନ୍ତି ନାଦାଲ । ୨୦୦୫ରେ ପ୍ରଥମ ଥର ପାଇଁ ୧୯ ବର୍ଷ ବୟସରେ ଫ୍ରେଞ୍ଚ ଓପନ ଜିତିଥିଲେ ନାଦାଲ । ଏହା ସହିତ ସେ ୪ଟି ଆମେରିକାନ ଓପନ୍, ୨ଟି ଅଷ୍ଟ୍ରେଲିଆନ ଓପନ, ୨ଟି ୱିମ୍ବଲଡନ ଟାଇଟଲ ହାସଲ କରିଛନ୍ତି ।

ଟ୍ରଫି ଉପସ୍ଥାପନା ସମୟରେ ନାଦାଲ କହିଛନ୍ତି ଯେ, ମୁଁ କଦାପି ବିଶ୍ୱାସ କରି ନଥିଲି ଯେ ମୁଁ ୩୬ ବର୍ଷ ବୟସରେ ପୁନର୍ବାର ପ୍ରତିଯୋଗୀତାରେ ଭାଗ ନେବି ଏବଂ ଫାଇନାଲରେ ମୋ କ୍ୟାରିୟରର ଗୁରୁତ୍ୱପୂର୍ଣ୍ଣ କୋର୍ଟରେ ଖେଳିବି।