ପେଟ ପାଇଁ ମୂଲ ଲାଗୁଛନ୍ତି ଜାତୀୟ ସ୍ତରୀୟ ଭାରୋତ୍ତଳକ

ଭୁବନେଶ୍ୱର: ବଣ ମଲ୍ଲୀ ବଣରେ ମଉଳି ଯାଉଛି । ପାଖରେ ଅନେକ ପ୍ରତିଭା ଅଛନ୍ତି, ହେଲେ କିଏ ଅର୍ଥାଭାବରୁ ହଜିଯାଉଛି ତ ଆଉ କିଏ ଆଗକୁ ବଢିପାରୁନି । ପ୍ରତିଭା ଥିବା ସତ୍ୱେ ଆଗକୁ ବଢିବାରେ ବାଧକ ସାଜିଛି ଅର୍ଥ।

Also Read

ଅନନ୍ୟା ପାଣ୍ଡେଙ୍କ ଲାଇଫଷ୍ଟାଇଲ୍, ବିଳାସପୂର୍ଣ୍ଣ ଘର ସାଙ୍ଗକୁ ରହିଛି ଏ ସବୁ ଶାନଦାର କାର୍

ପିଆଜ ଖାଇଲେ ରୋଗ, ଆମେରିକାରେ ପେଟ ରୋଗରେ ଶତାଧିକ ଆକ୍ରାନ୍ତ

ଏହି ମାସରୁ ଟିଭି ଦେଖା ହେବ ମହଙ୍ଗା, ଜାଣନ୍ତୁ କେତେ?

ବଣରେ ମଉଁଳି ଯାଉଛି ବଣମଲ୍ଲି । ଅର୍ଥାଭାବରୁ ପ୍ରଚଣ୍ଡ ପ୍ରତିଭାର ତେଜ ବି ଘନ ଅନ୍ଧାରରେ ହଜିଯାଉଛି। ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକର ଅଗମ୍ୟ ଗାଁ ଦୋରାଗୁଡ଼ା । ଏହି ଗାଁର ଗୋଲ୍ଡେନ ବୟ ଭକ୍ତରାମ ଦେସ୍ତି । ଭରୋତ୍ତଳନରେ ରାଜ୍ୟଠୁ ଦେଶ ଓ ବିଦେଶରେ ଜିତିଛନ୍ତି ସ୍ୱର୍ଣ୍ଣ ପଦକ । ୨୦୧୬ ଆନ୍ଧ୍ରରେ ହୋଇଥିବା ସ୍କୁଲ ନ୍ୟାସସନାଲ ଗେମ୍ସ, ୨୦୧୮ ଦିଲ୍ଲୀରେ ଖେଲୋ ଇଣ୍ଡିଆ, ମହାରାଷ୍ଟ୍ରର ନାଗପୁରରେ ଆୟୋଜିତ ୟୁଥ ନ୍ୟାସନାଲ ଚାମ୍ପିଅନସିପ୍, ୨୦୧୯ ଖେଲୋ ଇଣ୍ଡିଆରେ ହାତେଇଥିଲେ ଗୋଲ୍ଡ । ସେହିପରି ଅଷ୍ଟ୍ରେଲିଆରେ ଅନୁଷ୍ଠିତ ଅଣ୍ଡର ୧୭ କମନେଓ୍ୱଲ୍ଥ ଗେମ୍ସରେ ୪୯ କିଲୋ ବର୍ଗରେ ଦେଶ ପାଇଁ ଆଣିଥିଲେ ସ୍ୱର୍ଣ୍ଣ । ସୁନା ପୁଅ ଭକ୍ତରାମ କିନ୍ତୁ ଏବେ ଅଲୋଡ଼ା। ଆଦିବାସୀ ମୁଲକରେ ଏବେ ପେଟ ପୋଷିବାକୁ କ୍ଷେତରେ ଖଟୁଛନ୍ତି । ଆଗକୁ ବଢ଼ିବାକୁ ସହାୟତାର ହାତ ବଢାଇବାକୁ ସରକାରଙ୍କୁ ଅନୁରୋଧ କରିଛନ୍ତି ଭକ୍ତରାମ।

ସେହିପରି ଆଉ ଜଣେ ଏଭଳି ଅଭାବ ଅସୁବିଧାର ସାମନା କରୁଥିବା ଛାତ୍ର ହେଉଛନ୍ତି କଟକ ତିଗିରିଆ ବ୍ଲକ ନୂଆପାଟଣା ଗାଁର ଚନ୍ଦନ ଦତ୍ତ। ପାଠରେ ଏକ ନମ୍ବର । ଚଳିତ ଜେଇଇ ମେନ୍ ପ୍ରବେଶିକା ପରୀକ୍ଷାରେ ସେ ୯୮ ଦଶମିକ ୪୨ ପ୍ରତିଶତ ରଖି ଉନ୍ନୀତ ହୋଇଛନ୍ତି । IITରେ ପାଠ ପଢି ସଫ୍ଟୱେୟାର ଇଂଜିନିୟର ହେବାକୁ ଲକ୍ଷ୍ୟ ରଖିଛନ୍ତି । ହେଲେ ଏଥିରେ ବାଧକ ସାଜିଛି ଅର୍ଥ। ବାପା ଜଣେ ବୁଣାକାର ହୋଇଥିବାବେଳେ ଚନ୍ଦନ ତାଙ୍କ ବାପାଙ୍କୁ ସହାୟତା କରିଥାନ୍ତି। ଆଇଆଇଟିରେ ପାଠ ପଢିବାକୁ ଅଧିକ ଅର୍ଥ ଆବଶ୍ୟକ ହେଉଥିବାବେଳେ ସହଯୋଗା କରିବାକୁ ନିବେଦନ କରିଛନ୍ତି ଚନ୍ଦନ ଏବଂ ତାଙ୍କ ବାପା।