ଜୟସ୍ୱାଲଙ୍କ ଡବଲ୍‌ ଟନ୍‌; ଇଂଲଣ୍ତକୁ ୫୫୭ ରନ୍‌ର ଟାର୍ଗେଟ୍‌

ଇଂଲଣ୍ତକୁ ଟିମ୍‌ ଇଣ୍ତିଆର ବିଶାଳ ଟାର୍ଗେଟ। ଦ୍ୱିତୀୟ ଇନିଂସରେ ଭାରତ ଦମଦାର ବ୍ୟାଟିଂ କରି ଇଂଲଣ୍ତକୁ ୫୫୭ ରନ୍‌ର ଟାର୍ଗେଟ ଦେଇଛି। ୪୩୦ ରନ୍‌ରେ ଭାରତ ଦ୍ୱିତୀୟ ଇନିଂସ ପାଳି ଘୋଷଣା କରିଛି। ମାତ୍ର ୩ ୱିକେଟ୍‌ରେ ଭାରତ ୪୩୦ ରନ୍‌ ହାସଲ କରିଛି। ଯେଉଁଥିରେ ଯଶସ୍ୱୀ ଜୟସ୍ୱାଲଙ୍କ ଡବଲ୍‌ ସେଞ୍ଚୁରୀ ସାମିଲ ଅଛି। ଏହାଛଡ଼ା ଗିଲ୍‌ ଓ ସର୍ଫରାଜ ମଧ୍ୟ ଅର୍ଦ୍ଧଶତକ ହାସଲ କରିଛନ୍ତି।

ରାଜକୋଟ୍‌ରେ ଟିମ୍‌ ଇଣ୍ତିଆର ଧମାକା। ଦମଦାର ବ୍ୟାଟିଂ ବଳରେ ଇଂଲଣ୍ତ ଆଗରେ ଠିଆ କରିଛି ବିଶାଳ ସ୍କୋର। ଏହି ସିରିଜ୍‌ରେ ଜୟସ୍ୱାଲଙ୍କ ଦ୍ୱିତୀୟ ଦ୍ୱିଶତକ। ଟେଷ୍ଟ ମ୍ୟାଚ୍‌କୁ ଟି-ଟ୍ୱେଣ୍ଟି ଅନ୍ଦାଜରେ ଖେଳିଛନ୍ତି ଟିମ୍‌ ଇଣ୍ତିଆର ଖେଳାଳି। ଇଂଲଣ୍ତ ବୋଲ୍‌ଙ୍କ ଉପରେ ଛକା, ଚୌକା ବର୍ଷା କରିଛନ୍ତି ଭାରତୀୟ ବ୍ୟାଟ୍ସମ୍ୟାନ୍‌।

ଭାରତ ପ୍ରଥମ ଇନିଂସରେ ୪୩୫ ରନ୍‌ କରିଥିବା ବେଳେ ଜବାବରେ ଇଂଲଣ୍ତ ୩୧୯ ରନ୍‌ କରିଥିଲା। ପ୍ରଥମ ଇନିଂସରେ ରୋହିତ ଓ ଜାଡେଜା ଶତକ ହାସଲ କରିଥିଲେ। ଦ୍ୱିତୀୟ ଇନିଂସରେ ଜୟସ୍ୱାଲଙ୍କ ଦ୍ୱିଶତକ ଓ ଗିଲ୍‌ଙ୍କ ୯୧ ରନ୍‌ ଓ ସର୍ଫରାଜଙ୍କ ଅର୍ଦ୍ଧଶତକ ବଳରେ ଭାରତ ୪୩୦ ରନ୍‌ ସଂଗ୍ରହ କରିଛି। ୨୧୪ ରନ ନଟ୍ ଆଉଟ୍ ଅଛନ୍ତି ଯଶସ୍ୱୀ।