ଆଇପିଏଲ୍ ବିଜୟ ପରେ ପାଣ୍ଡ୍ୟାଙ୍କ ଭ୍ରିକ୍ଟ୍ରି ରାଲି । ଗୁଜରାଟ ଟାଇଟନସ ଆଇପିଏଲ ଜିତିବା ପରେ ଅହମ୍ମଦାବାଦ ଏକ ପ୍ରକାର ଉତ୍ସବ ମୁଖର ହୋଇପଡିଥିଲା । ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱରେ ଖେଳାଳିମାନେ ଗାନ୍ଧିନଗରରେ ଖୋଲା ବସ୍ରେ ଯାଇ ପ୍ରଶଂସକଙ୍କ ସହ ସ୍ମରଣୀୟ ବିଜୟର ଖୁସି ମନାଇଛନ୍ତି ।
ପ୍ରଶଂସକ ନିଜ ଖେଳାଳିମାନଙ୍କୁ ପାଖରେ ପାଇଁ ଖୁସିରେ ବିଭୋର ହୋଇପଡିଥିଲେ । ଅଧିନାୟକ ପାଣ୍ଡ୍ୟା ଏଥିରେ ଆକର୍ଷଣର କେନ୍ଦ୍ରବିନ୍ଦୁ ସାଜିଥିଲେ । ଅହମ୍ମଦାବାଦର ହଜାର ହଜାର ସମର୍ଥକ ରାସ୍ତାର ଦୁଇ ପାର୍ଶ୍ୱରେ ଛିଡା ହୋଇ ଦଳକୁ ଅଭିବାଦନ ଜଣାଇଥିଲେ । ଏକ ଖୋଲା ବସ୍ରେ ପରେଡ୍ ଉସମାନପୁରା ରିଭରଫ୍ରଣ୍ଟଠାରୁ ଆରମ୍ଭ ହୋଇ ବିଶ୍ୱକୁଞ୍ଜ ରିଭରଫ୍ରଣ୍ଟଠାରେ ଶେଷ ହୋଇଥିଲା ।
ପ୍ରଶଂଶକ ବ୍ରିଜ୍ ଉପରେ ଠିଆହୋଇ ସ୍ୱାଗତ ପାଇଁ ଉପରୁ ଫୁଲ ବୃଷ୍ଟି କରିଥିଲେ । ପରେଡ ପରେ ଗୁଜରାଟ ମୁଖ୍ୟମନ୍ତ୍ରୀ ଭୁପେନ୍ଦ୍ର ଭାଇ ପଟେଲ ଦଳର ସମସ୍ତ ସଦସ୍ୟଙ୍କୁ ସମ୍ବର୍ଦ୍ଧିତ କରିଥିଲେ ।
ଚଳିତବର୍ଷ ଆଇପିଏଲରେ ଗୁଜରାଟ ଟାଇଟନ୍ସ ଘରୋଇ ପରିବେଶରେ ମାତ୍ର ଗୋଟିଏ ଫାଇନାଲ ମ୍ୟାଚ ଖେଳି ବିଜୟୀ ହୋଇଥିଲା । ଫାଇନାଲ୍ ମୁକାବିଲାରେ ରାଜସ୍ଥାନ ରୟାଲ୍ସକୁ ୭ ୱିକେଟ୍ରେ ମାତ୍ ଦେଇ ଆଇପିଏଲ୍-୨୦୨୨ର ବିଜେତା ହୋଇଛି ।ପ୍ରଥମେ ବ୍ୟାଟିଂ କରି ୧୩୧ ରନ୍ର ଲୋ ସ୍କୋର ଟାର୍ଗେଟ ଦେଇଥିଲା ରାଜସ୍ଥାନ । ଏହାର ପିଛା କରି ଗୁଜରାଟ ୨୩ ରନ୍ରେ ୨ଟି ୱିକେଟ୍ ହରାଇଥିଲା । କ୍ୟାପଟେନ୍ ହାର୍ଦ୍ଦିକ ପାଣ୍ଡ୍ୟା ଓ ଶୁବମନ୍ ଗିଲ୍ଙ୍କ ୬୩ ରନ୍ର ପାଟନରସିପ୍ ଟିମ୍କୁ ବିଜୟ ଯାଏଁ ପହଞ୍ଚାଇଥିଲେ ।