Viral Video: ଅଳିଆ ବ୍ୟାଗ୍ ହୋଇ ଆସିଲା ଚୋର; ଦୁଆର ମୁହଁରୁ ଚୋରି କରି ଛୁ

କୁହାଯାଏ ‘ଚୋର ଚୋରି କରିବା ଉଚିତ, ପ୍ରତାରଣା ନୁହେଁ’। ଚୋର କେବଳ ସୁଯୋଗ ଖୋଜେ ଏବଂ ସୁଯୋଗ ପାଇବା ମାତ୍ରେ ସେ ଆଖି ପିଛୁଳାକେ କଳାକନା ବୁଲେଇଦିଏ। ବର୍ତ୍ତମାନ ସମୟ ବଦଳିବା ସହିତ ଚୋରମାନେ ମଧ୍ୟ ଅଗ୍ରଗତି କରିଛନ୍ତି। ଚୋରମାନେ ଚୋରି ପାଇଁ ନୂଆ ନୂଆ ଉପାୟ ମଧ୍ୟ ଚେଷ୍ଟା କରୁଛନ୍ତି, ଯାହାକୁ ଜାଣି ଆପଣ ନିଶ୍ଚିତ ଭାବରେ ଆଶ୍ଚର୍ଯ୍ୟ ହେବେ।

ବର୍ତ୍ତମାନ, ଏପରି ଜଣେ ଚୋରର ଏକ ଭିଡିଓ ଇଣ୍ଟର୍‌ନେଟ୍‌ରେ ଭାଇରାଲ୍‌ ହେବାରେ ଲାଗିଛି, ଯାହାକୁ ଦେଖି କିଛି ଲୋକ ହସୁଥିବାବେଳେ ଅନ୍ୟମାନେ ଚୋରିର ଏହି ଅଦ୍ଭୁତ ପଦ୍ଧତି ଦେଖିବା ପରେ ଆଶ୍ଚର୍ଯ୍ୟ ହୋଇଯାଇଛନ୍ତି।

ଭିଡିଓରେ ଚୋରର ଏହି ହାଇ-ଟେକ୍ ଜୁଗାଡ୍ ଦେଖିବା ପରେ ଆପଣ ମଧ୍ୟ ଚିନ୍ତାରେ ପଡିଯିବେ। ଆପଣ ହୁଏତ ଚୋରିର ଅନେକ ଭିଡିଓ ଦେଖିଥିବେ, କିନ୍ତୁ ଏହି ଭାଇରାଲ୍ ଭିଡିଓରେ ଚୋରିର ପଦ୍ଧତି ଆପଣଙ୍କୁ ନିଶ୍ଚିତ ଚକିତ କରିବ। ଭିଡିଓରେ ଜଣେ ବ୍ୟକ୍ତି ଅଳିଆ ବ୍ୟାଗ ହୋଇ ଚୋରି କରୁଥିବା ଦେଖିବାକୁ ମିଳିବ। ପ୍ରକୃତରେ, ବ୍ୟକ୍ତି ଜଣକ ଅଳିଆ ବ୍ୟାଗ ହୋଇ ଏକ ପାର୍ସଲ ଚୋରି କରିବାକୁ ଚେଷ୍ଟା କରିବା ଦେଖିବାକୁ ମିଳେ।

ଅବଶ୍ୟ, ଚୋରିର ଏହି ଭିଡିଓ ଦେଖିବା ପରେ, ଆପଣ ମଧ୍ୟ ହସିବାକୁ ଲାଗିବେ। ଏହି ଭିଡିଓ ଇନଷ୍ଟାଗ୍ରାମରେ ଶେୟାର କରାଯାଇଛି, ଯାହାକୁ ବହୁତ ଦେଖାଯାଉଛି ଏବଂ ଶେୟାର କରାଯାଉଛି। ଭିଡିଓରେ, ଆପଣ ଦେଖିବେ କିପରି ଏକ ବଡ ଅଳିଆ ମୁଣି ଗତି କରୁଛି। କିନ୍ତୁ ଯେତେବେଳେ ଆପଣ ଏହାକୁ ଅତି ନିକଟରୁ ଦେଖିବେ ଜାଣିପାରିବେ ଯେ, ମୁହଁ ଲୁଚାଇ ଏକ ବଡ କଳା ବ୍ୟାଗ ପିନ୍ଧିଥିବା ଚୋର ଧୀରେ ଧୀରେ କବାଟ ଆଡକୁ ଆସୁଛି।

ଏହା ପରେ, ସେ ସେଠାରେ ରଖାଯାଇଥିବା ଏକ ପାର୍ସଲ୍ ବାକ୍ସ ଉଠାଇ ଅତି ଆରାମରେ ବଗିଚା ଦେଇ ବାହାରକୁ ଚାଲିଯାଉଛି। ଚୋରର ଏହି କାମ ନିକଟରେ ଥିବା ସିସିଟିଭି କ୍ୟାମେରାରେ କଏଦ ହୋଇଛି, ବର୍ତ୍ତମାନ ଏହି କ୍ଲିପ୍ ସୋସିଆଲ ମିଡିଆରେ ଭାଇରାଲ ହେଉଛି।

୬ ଦିନ ପୂର୍ବରୁ ଶେୟାର ହୋଇଥିବା ଏହି ଭିଡିଓକୁ ଖବର ଲେଖା ହେବା ବେଳକୁ ୧୨ ହଜାରରୁ ଅଧିକ ଲୋକ ପସନ୍ଦ କରିଥିବାବେଳେ ଏହି ଭିଡିଓକୁ ପାଖାପାଖି ୫ ଲକ୍ଷକ ଥର ଦେଖାଯାଇଛି। ଭିଡିଓ ଶେୟାର କରିବାବେଳେ ଏହାର କ୍ୟାପସନରେ ଲେଖାଯାଇଛି, ଏକ ଅଳିଆ ବ୍ୟାଗ୍‌ରେ ଲୁଚି ରହିଥିବା ଜଣେ ଚୋର ଧୀରେ ଧୀରେ ଆସି ନିଜ ଷ୍ଟାଇଲ୍‌ରେ କାହାର ଏକ ପ୍ୟାକେଟ ଉଠାଇନେଲା। ଭିଡିଓ ଦେଖି ଜଣେ ଲେଖିଛନ୍ତି, ଏହା ଆଶ୍ଚର୍ଯ୍ୟଜନକ। ଏହା ତ ଏକ ସମ୍ପୂର୍ଣ୍ଣ ନୂଆ ଚୋରିର କୌଶଳ। ହଁ, କିନ୍ତୁ ତଥାପି ତାକୁ ଜେଲ ହେବା ଉଚିତ।

ଅନ୍ୟ ଜଣେ ଲେଖିଛନ୍ତି, ଜୋତା ପ୍ରତି ଧ୍ୟାନ ଦିଅନ୍ତୁ। ଏହା ନିଶ୍ଚୟ ଜଣେ ପୁରୁଷ, କାରଣ ସେ ନିଜ କାମକୁ ଠିକ୍ ଭାବରେ କରି ନାହିଁ। ତୃତୀୟ ଜଣଙ୍କ ଲେଖିଛନ୍ତି, ଏହି ବାକ୍ସଟି ତାକୁ ଦେବାକୁ ପଡିବ, କାରଣ ସେ ଏକ ସୃଜନଶୀଳ ପଦ୍ଧତି ଗ୍ରହଣ କରିଛି।