Viral Video: କେବେ ବି ଦେଖି ନ ଥିବେ ଏମିତି ଭିଡିଓ; ପିଲାମାନଙ୍କ ସୁରକ୍ଷା ପାଇଁ ମା’ ହଂସ ଡେଣାରେ କରିଦେଲା ଘର

କେବଳ ଏତିକି ନୁହେଁ, ପଶୁ ଏବଂ ପକ୍ଷୀମାନଙ୍କର ଅନନ୍ୟ ଏବଂ ଆଶ୍ଚର୍ଯ୍ୟଜନକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୁଏ। ବର୍ତ୍ତମାନ ଏମିତି ଏକ ଭିଡିଓ ଭାଇରାଲ ହେବାରେ ଲାଗିଛି, ଯାହା ଦେଖି ଆପଣ କେବଳ ଆଶ୍ଚର୍ଯ୍ୟ ହେବେନି, ଭାବପ୍ରବଣ ମଧ୍ୟ ହୋଇଯିବେ। ଆପଣ ଏଭଳି ଭିଡିଓ କେବେ ବି ଦେଖି ନ ଥିବେ କି କଳ୍ପନା ମଧ୍ୟ କରି ନଥିବେ।

ଭାଇରାଲ୍‌ ହେଉଥିବା ଏହି ଭିଡିଓରେ ଦେଖିବାକୁ ମିଳୁଛି ଯେ କେମିତି ଏକ ମାଁ ହଂସ ନିଜ ପିଲାମାନଙ୍କ ସହିତ ପାଣି ମଝିରେ ଗାଧୋଉଛି। ନିଜ ପିଲାମାନଙ୍କୁ ସୁରକ୍ଷିତ ରଖିବା ପାଇଁ ହଂସ ନିଜର ପକ୍ଷକୁ ମେଲେଇ ଦେଇ ଏକ ଅଦ୍ଭୁତ ଘର ତିଆରି କରିଦେଇଛି ଏବଂ ନିଜ ପିଲାମାନଙ୍କୁ ତା’ ଭିତରେ ସୁରକ୍ଷିତ କରିଛି। ଦେଖିଲେ ଲାଗୁଛି ଯେପରି ଏହା ପ୍ରକୃତରେ ସେମାନଙ୍କର ଘର।

ଦେଖି ହେବେ ଭାବପ୍ରବଣ:

ଏହାକୁ ଦେଖିଲା ପରେ ଆପଣ ନିଶ୍ଚିତ ଭାବପ୍ରବଣ ହୋଇଯିବେ ଆଉ ପ୍ରକୃତ ମା’ର ହୃଦୟକୁ ବୁଝିପାରିବେ। ଏଥିରୁ ଜାଣିପାରିବେ, ମା’ ହେଉଛି ଏ ଦୁନିଆ ସର୍ବୋତ୍ତମ ସୁଖ। ଏହି ଭିଡିଓରେ ଦେଖନ୍ତୁ କିପରି ମା’ ହଂସର ପକ୍ଷର ଏହି ବିଳାସପୂର୍ଣ୍ଣ ଘର ଭିତରେ ତା’ ପିଲାମାନେ ଅତି ଆରାମଦାୟକ ଏବଂ ନିରାପଦରେ ବସିଛନ୍ତି। ଏହି ହଂସଟି ନିଜ ପିଲାମାନଙ୍କ ପାଇଁ ଯେଉଁଭଳି ଭାବେ ଏହି ଘରଟି ନିର୍ମାଣ କରିଛି, ତାହା ପ୍ରକୃତରେ ଖୁବ୍ ସୁନ୍ଦର। ଲାଗୁଛି ସତେ ଯେପରି କେଉଁ ଏକ ଚିତ୍ରକରର ଅଙ୍କିତ ଛବି।

ଲୋକମାନେ ଏହି ଭିଡିଓକୁ ବହୁତ ପସନ୍ଦ କରୁଛନ୍ତି ଏବଂ ଏହାକୁ ଦେଖିବା ପରେ ଭାବପ୍ରବଣ ମଧ୍ୟ ହେଉଛନ୍ତି। ଏହି ଭିଡିଓ ସୋସିଆଲ ମିଡିଆରେ ଖୁବ୍ ଜୋର୍ ଭାଇରାଲ ହେଉଛି। ଏହି ଭିଡିଓ ଇନ୍‌ଷ୍ଟାଗ୍ରାମରେ uzay.bilim.teknoloji ନାମକ ଜଣେ ବ୍ୟକ୍ତି ଶେୟାର କରିଛନ୍ତି। ଲୋକମାନେ ଭିଡିଓରେ ନିଜ ନିଜ ପ୍ରତିକ୍ରିୟା ମଧ୍ୟ କରୁଛନ୍ତି।

୩ କୋଟି ୩ ଲକ୍ଷରୁ ଅଧିକ ଲାଇକ୍:

ଖବର ଲେଖାହେବା ବେଳକୁ ୨ କୋଟିରୁ ଅଧିକ ଲୋକ ଏହି ଭିଡିଓକୁ ଦେଖିଛନ୍ତି ଏବଂ ୩ କୋଟି ୩ ଲକ୍ଷରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି। ଜଣେ ବ୍ୟକ୍ତି ମତ ଦେଇ ଲେଖିଛନ୍ତି – ମା’ ତ ମା’ ହିଁ ହୋଇଥାଏ। ଅନ୍ୟ ଜଣେ ଲେଖିଛନ୍ତି - ଏପର୍ଯ୍ୟନ୍ତ ସବୁଠୁ ମୂଲ୍ୟବାନ ଭିଡିଓ। ଆଉ ଜଣେ ଲେଖିଛନ୍ତି – ଏହାଠାରୁ ଆଉ ବା ଅଧିକ ସୁନ୍ଦର କ’ଣ ହୋଇପାରେ? ତେବେ ଏହି ଭିଡିଓ ଆପଣଙ୍କୁ କେମିତି ଲାଗୁଛି ତାହା ନିଶ୍ଚୟ ଜଣେଇବେ।