ମିଳିଲା ଦାବି ପୂରଣ ପାଇଁ ପ୍ରତିଶ୍ରୁତି, କଞ୍ଚା ପରିବା ବ୍ୟବସାୟୀଙ୍କ ଆନ୍ଦୋଳନ ସ୍ଥଗିତ

ଭୁବନେଶ୍ୱର ୟୁନିଟ-୧ ହାଟ କଞ୍ଚା ପରିବା ବ୍ୟବସାୟୀ ସଂଘର ଆନ୍ଦୋଳନ ସ୍ଥଗିତ । ଆଗକୁ ପୂଜା ଥିବାରୁ ଆଲୋଚନା ପରେ ଆନ୍ଦୋଳନକୁ ସ୍ଥଗିତ ରଖିଥିବା ସଂଘ କହିଛି । ଭୁବନେଶ୍ୱର ମଧ୍ୟ ବିଧାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ବୈଠକରେ ବିଏମସି, ଟ୍ରାଫିକ ଥାନା, କମିଶନରେଟ ଓ ପରିବା ସଂଘ ଯୋଗ ଦେଇ ଆଲୋଚନା କରିଥିଲେ।

କଞ୍ଚା ପରିବା ସଂଘର ଥିବା ଦାବି ଗୁଡିକ ପୁରଣ କରିବାକୁ ପ୍ରତିଶ୍ରୁତି ମିଳିବା ପରେ ଆନ୍ଦୋଳନକୁ ସ୍ଥଗିତ ରଖାଯାଇଛି। ଏନେଇ ସୂଚନା ଦେଇଛନ୍ତି କଞ୍ଚା ପରିବା ବ୍ୟବସାୟୀ ସଂଘର ସମ୍ପାଦକ କବିରାଜ ସ୍ୱାଇଁ। ୭ ଦଫା ଦାବି ନେଇ ୨୦ ତାରିଖରୁ କଞ୍ଚା ପରିବା ହାଟ ବ୍ୟବସାୟ ବନ୍ଦ କରିବାକୁ ଚେତାବନୀ ଦେଇଥିଲା ସଂଘ।