ଦିଲ୍ଲୀର ପୂର୍ବ ପଟେଲ ନଗର ୱାର୍ଡରୁ ପ୍ରଥମ ଥର କାଉନ୍ସିଲର ହୋଇଥିବା ଆମ୍ ଆଦମୀ ପାର୍ଟି (ଏଏପି) ପ୍ରାର୍ଥୀ ଶେଲୀ ଓବରଏ ଦିଲ୍ଲୀର ମ୍ୟୁନିସିପାଲ କର୍ପୋରେସନ୍ (MCD) ର ମେୟର ନିର୍ବାଚନରେ ଜିତିଛନ୍ତି।
ଆପ୍ କାଉନ୍ସିଲର୍ମାନେ ସେମାନଙ୍କ ଦଳର ପ୍ରାର୍ଥୀ ଶେଲୀ ଓବରଏଙ୍କ ବିଜୟ ପରେ 'ଭାରତ ମାତା କି ଜୟ' ସ୍ଲୋଗାନ ଦେଇଥିଲେ। ୱାର୍ଡ ନମ୍ବର ୮୬ରୁ MCD କର୍ପୋରେଟର ନିର୍ବାଚନରେ ଶେଲୀ ଓବରଏ ଜିତିଛନ୍ତି। ତେବେ ଆସନ୍ତୁ ନୂଆ ମେୟରଙ୍କ ବିଷୟରେ ଜାଣିନେବା।
Also Read
କିଏ ଶେଲୀ ଓବରଏ:
ଦିଲ୍ଲୀର ନୂଆ ମେୟର ଶେଲୀ ଓବରଏ ଦିଲ୍ଲୀ ବିଶ୍ୱବିଦ୍ୟାଳୟରେ ସହକାରୀ ପ୍ରଫେସର ଭାବରେ କାମ କରିଛନ୍ତି। ୩୯ ବର୍ଷୀୟ ଶେଲୀ ଓବରଏ ମଧ୍ୟ ଭାରତୀୟ ବାଣିଜ୍ୟ ସଂଘ (ଆଇସିଏ)ର ଆଜୀବନ ସଦସ୍ୟ ଅଛନ୍ତି। ବିଭିନ୍ନ ସମ୍ମିଳନୀରେ ସେ ଅନେକ ପୁରସ୍କାର ମଧ୍ୟ ଗ୍ରହଣ କରିଛନ୍ତି। ସେ ସ୍କୁଲ୍ ଅଫ୍ ମ୍ୟାନେଜ୍ମେଣ୍ଟ ଷ୍ଟଡିଜ୍, ଇନ୍ଦିରା ଗାନ୍ଧୀ ନ୍ୟାସ୍ନାଲ ଓପନ୍ ୟୁନିଭରସିଟି (IGNOU) ରୁ ଦର୍ଶନରେ ଡକ୍ଟରେଟ୍ ଡିଗ୍ରୀ ହାସଲ କରିଛନ୍ତି।
'ମିସ୍ କମଲା ରାନୀ ପୁରସ୍କାର' ପ୍ରଦାନ:
କଲେଜରେ ପଢୁଥିବା ସମୟରେ ଜଣେ ମେଧାବୀ ଛାତ୍ରୀ ହିସାବରେ ଶେଲୀ ଓବରଏଙ୍କୁ ସର୍ବୋଚ୍ଚ ଗ୍ରେଡ୍ ପଏଣ୍ଟ ପ୍ରାପ୍ତ ନେଇ 'ମିସ୍ କମଲା ରାନୀ ପୁରସ୍କାର' ପ୍ରଦାନ କରାଯାଇଥିଲା ଏବଂ ତାଙ୍କୁ ବୃତ୍ତି ମଧ୍ୟ ପ୍ରଦାନ କରାଯାଇଥିଲା। ସେ ହିମାଚଳ ପ୍ରଦେଶ ବିଶ୍ୱବିଦ୍ୟାଳୟରୁ ବାଣିଜ୍ୟରେ ସ୍ନାତକୋତ୍ତର ସମାପ୍ତ କରିଛନ୍ତି।
ଆପ୍ରେ ଯୋଗଦାନ:
୨୦୧୩ରେ ସେ ଆମ୍ ଆଦମୀ ପାର୍ଟି (AAP) ରେ ଯୋଗ ଦେଇଥିଲେ। ତାଙ୍କୁ ଦିଲ୍ଲୀ ଆପ୍ର ମହିଳା ୱିଙ୍ଗ୍ର ଉପାଧ୍ୟକ୍ଷ କରାଯାଇଥିଲା। ଦିଲ୍ଲୀ ଏମ୍ସିଡି ମେୟର ନିର୍ବାଚନ ଠିକ୍ ସମୟରେ କରାଯିବାକୁ ଦାବି କରି ଶେଲୀ ଓବରଏ ଜାନୁଆରୀ ୨୬ରେ ସୁପ୍ରିମକୋର୍ଟରେ ଏକ ପିଟିସନ ଉପସ୍ଥାପନ କରିଥିଲେ।
ପରିବାର:
ଶେଲୀଙ୍କ ବାପା ସତୀଶ କୁମାର ଜଣେ ବ୍ୟବସାୟୀ ଏବଂ ତାଙ୍କ ମା’ ସରୋଜ ଜଣେ ଗୃହିଣୀ। ତାଙ୍କର ଗୋଟିଏ ଭାଇ ଏବଂ ଭଉଣୀ ମଧ୍ୟ ଅଛନ୍ତି। ଶେଲୀ ଓବରଏ IIM କୋଝିକୋଡ୍ରୁ ମ୍ୟାନେଜ୍ମେଣ୍ଟ କୋର୍ସ କରିଛନ୍ତି। ଦିଲ୍ଲୀର ଏମ୍ସିଡି ମେୟର ନିର୍ବାଚନରେ ସେ ୧୫୦ ଭୋଟ୍ ପାଇଥିବାବେଳେ ବିଜେପି ପ୍ରାର୍ଥୀ ରେଖା ଗୁପ୍ତା ୧୧୬ ଭୋଟ୍ ପାଇଛନ୍ତି।
ମେୟର ନିର୍ବାଚନରେ ଜିତିବା ପରେ ଦିଲ୍ଲୀର ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ତାଙ୍କୁ ଅଭିନନ୍ଦନ ଜଣାଇଛନ୍ତି। ସେହିପରି ଶେଲୀଙ୍କ ବିଜୟ ପାଇଁ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ୍ ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲ ଦିଲ୍ଲୀବାସୀଙ୍କୁ ଅଭିନନ୍ଦନ ଜଣାଇଛନ୍ତି।