ବିଲେଇ ଛୁଆ ଭାବି ଘରକୁ ଚିତା ବାଘ ଆଣିଲା କୁନିଝିଅ, ଆଉ ତା ପରେ...

ବିଲେଇ ଛୁଆ ଭାବି ଚିତା ବାଘ ଛୁଆକୁ ଘରକୁ ନେଇଆସିଲା କୁନି ଝିଅ । ମହାରାଷ୍ଟ୍ରରୁ ଏହି ନିଆରା ଘଟଣା ସାମ୍ନାକୁ ଆସିଛି । ମହାରାଷ୍ଟ୍ରର ମାଲେଗାଓଁରେ ଜଣେ କୃଷକଙ୍କ ପରିବାର ଗୋଟିଏ ସପ୍ତାହ ପାଇଁ ଏକ ଚିତାବାଘ ଛୁଆକୁ ନିଜ ଘରେ ରଖିଥିଲେ। ଖବର ପାଇ ଘଟଣାସ୍ଥଳରେ ବନ ବିଭାଗର ଅଧିକାରୀ ଆସି ଚିତା ବାଘ ଛୁଆକୁ ଉଦ୍ଧାର କରିଛନ୍ତି ।

ସୂଚନା ଅନୁସାରେ, ଏକ ସପ୍ତାହ ପୂର୍ବରୁ ମହାରାଷ୍ଟ୍ରର ମାଲେଗାଓଁର ସାହେବ୍‌ରାଓ ଗଙ୍ଗାରାମ ଠାକ୍‌ରେ ନାମକ ଜଣେ ଚାଷୀଙ୍କ ଝିଅ ବିଲେଇ ପରି ଦେଖାଯାଉଥିବା ଚିତା ବାଘ ଛୁଆକୁ ବିଲରୁ ଆଣି ନିଜ ଘରେ ରଖିଥିଲା । ଧିରେ ଧିରେ ପାଖ ଆଖର ପିଲାମାନେ ତା ସହ ଖେଳିବାକୁ ଲାଗିଲେ । ସେ ଦେଖିବାକୁ ବିଲେଇ ଠାରୁ ଭିନ୍ନ ରଙ୍ଗ ଥିଲେ ଏବଂ ସୁନ୍ଦର ଦେଖାଯାଉଥିଲା । ପିଲାମାନେ ଅନେକ ଦିନ ଧରି ସେହି ଶାବକ ସହ ଖେଳି ଆସୁଥିଲେ । ହେଲେ ସୂଚନା ପାଇବା ପରେ ବନ ବିଭାଗର ଏକ ଟିମ୍‌ ଚାଷୀଙ୍କ ଘରକୁ ଯାଇ ଶାବକକୁ ଉଦ୍ଧାର କରିଥିଲେ । ଯେତେବେଳେ କୃଷକଙ୍କ ପରିବାର ଜାଣିବାକୁ ପାଇଲେ ଯେ ଏହା ଏକ ବିଲେଇ ନୁହେଁ ବରଂ ଏକ ଚିତାବାଘ, ସେମାନେ ଭୟଭୀତ ହୋଇଗଲେ ।

ଏନେଇ କୃଷକ ସାହେବ୍‌ରାଓ ଠାକରେ କହିଛନ୍ତି, ମୋ ଘର ପାଖରେ ୫୦ ଫୁଟରେ ଏକ ଆଖୁ କ୍ଷେତ ଅଛି । ପାଖରେ କିଛି ଗଛ ମଧ୍ୟ ଅଛି । ସେଠାରେ ପିଲାମାନେ ଏକ ବିଲେଇ ପରି ଏକ ଶାବକକୁ ପାଇଥିଲେ । ଯାହା ପରେ ସମସ୍ତେ ଏହି ବିଲେଇ ଛୁଆଟିକୁ ଘରେ ରଖିବାକୁ ଅନୁରୋଧ କଲେ । ତେଣୁ ସେ ଏହି ଶାବକକୁ ନିଜ ଘରେ ରଖିଲେ । ହେଲେ ଯେତେବେଳେ ମୁଁ ଯାଇ ଦେଖିଲି ଏହା ଏକ ଚିତାବାଘ ପରି ଦେଖାଯାଉଛି । ହେଲେ ମଧ୍ୟ ସେମାନେ ଦ୍ୱନ୍ଦରେ ଥିଲେ କି ଏହା ଏକ ବିଲେଇ କି ଚିତାବାଘର ଛୁଆ ।

ତେବେ ଚିତା ବାଘର ମା’ ଆଖୁ କିଆରୀରେ ରହିଥିବା ଆଶଙ୍କାରେ ସେମାନେ ଛୁଆଟିକୁ ଘର ବାହାରେ ରଖିଥିଲେ । ହେଲେ ପୁରା ଦିନ ବିତିଗଲା ଶାବକ ଚିତାବାଘର ମାଆ ଆସିଲା ନାହିଁ । ଚିତାବାଘର ଛୁଆ କ୍ଷେତକୁ ଯାଇକି ବୁଲି ପୁଣି ଘରକୁ ପଳେଇଆସେ । ଏହିପରି ଭାବରେ ୨ରୁ ୩ ଦିନ ବିତିଗଲା । ପିଲାମାନେ ଏହି ଶାବକ ସହ ଖେଳିବାକୁ ଲାଗିଲେ । ଏହାସହ ଶାବକଟି ଘର ଚାରିପାଖରେ ବୁଲୁଥିଲା । ପରିବାର ସଦସ୍ୟମାନେ ତାକୁ କ୍ଷୀର ଓ ରୁଟି ଖାଇବାକୁ ଦେଉଥିଲେ । ହେଲେ ମଧ୍ୟ ସେମାନେ ଦ୍ୱନ୍ଦରେ ଥିଲେ କି ଏହା ଏକ ବିଲେଇ କି ଚିତାବାଘର ଛୁଆ ।

ଏହାସହ ସେ କହିଛନ୍ତି ଯେ, ଖେଳରେ ଏତେ ମସ୍‌ଗୁଲ ଥିଲା ଯେ, ତାଙ୍କ ୨ ବର୍ଷର ନାତୁଣୀକୁ ମଧ୍ୟ କାମୁଡିଦେଇଥିଲା । ଯେତେବେଳେ ୬ ରୁ ୭ ଦିନ ଏହିପରି ହେବାରେ ଲାଗିଲା ଯାହା ପରେ ସେମାନେ ବନ ବିଭାଗକୁ ସୂଚନା ଦଦେଇଥିଲେ । ବନ ବିଭାଗର ଏକ ଟିମ୍ ଆସି ଛୁଆଟିକୁ ଜବତ କରିଛନ୍ତି । ତେବେ ସତର୍କତା ଅବଲମ୍ବନ କରି ସେ ପ୍ରତିଦିନ ଚିତାବାଘ ଛୁଆକୁ ଦେଢ଼ ଲିଟର କ୍ଷୀର ଦେଇଥିଲେ। ସେ ଆହୁରି ମଧ୍ୟ ଧ୍ୟାନ ଦେଇଥିଲେ ଯେ ଯଦି ଶାବକ ଚିତାବାଘର ମା’ ତା ଛୁଆକୁ ଖୋଜିବା ଆଳରେ ଏଠାକୁ ନ ଆସିଯାଉ ।

ବନ ବିଭାଗର ମାଲେଗାଓଁ ରେଞ୍ଜର ଅଧିକାରୀ ବୈଭବ ହିରେ କହିଛନ୍ତି, ଏହି ଶାବକଟି ୨ ମାସର ପୁରୁଷ ଜାତିର ଛୁଆ। କୃଷକଙ୍କ ପରିବାର ଲୋକେ ଶାବକଟିକୁ କ୍ଷୀର ଦେଉଥିବା ହେତୁ ସେ ସେଠାରୁ ଯାଉନଥିଲା । ବରଂ ପିଲାମାନଙ୍କ ସହ ଖେଳୁଥିଲା । ବନ୍ୟପ୍ରାଣୀ ଆଇନ୍‌ ଅନୁଯାୟୀ ନିୟମ ଅନୁଯାୟୀ ଛୁଆକୁ ହେପାଜତରେ ନେଇଛୁ । ପ୍ରାଣୀ ଚିକିତ୍ସକଙ୍କ ଦ୍ୱାରା ଶାବକଟିର ଯତ୍ନ ନିଆଯାଉଛି ।