ପ୍ରତିଦିନ ଲକ୍ଷ ଲକ୍ଷ ଲୋକ ଟ୍ରେନରେ ଯାତ୍ରା କରନ୍ତି । କିନ୍ତୁ ରେଳବାଇର ସମସ୍ତ ନିୟମ ବିଷୟରେ ସମସ୍ତଙ୍କର ସଠିକ୍ ଜ୍ଞାନ ନଥାଏ । ଯେଉଁଥିପାଇଁ ଲୋକେମାନେ ଅସୁବିଧାରେ ପଡ଼ନ୍ତି । ଆପଣ କେବେ ଦେଖିଛନ୍ତି କି ଟ୍ରେନ ଯାତ୍ରା ସମୟରେ କେହି ଟ୍ରେନ୍‌ର ଚେନ୍ ଟାଣୁଥିବାର  (Chain Pulling Rules in Train ) ? କୌଣସି ଅସୁବିଧା ହେଲେ ଯାତ୍ରୀମାନଙ୍କୁ ଟ୍ରେନ୍ କମ୍ପାର୍ଟମେଣ୍ଟରେ ଚେନ୍‌ ଟାଣିବାର ଅଧିକାର ରହିଛି । କିନ୍ତୁ ଆପଣ ଏହା ସହିତ ଥିବା ନିୟମ ଜାଣିବା ମଧ୍ୟ ଉଚିତ୍...

ଦରକାର ନଥିଲେ ଚେନ୍‌ ଟାଣନ୍ତୁ ନାହିଁ...

ଅନେକ ଥର ଆପଣ ନିଶ୍ଚୟ ଦେଖିଥିବେ ଯେ କିଛି ଲୋକ କେବଳ ଏହାର ମଜା ନେବା ପାଇଁ ଟ୍ରେନ୍‌ର ଚେନ୍‌ ଟାଣନ୍ତି । କିନ୍ତୁ ଆପଣ ସଚେତନ ହେବା ଉଚିତ ଯେ ଏହା କେବଳ ଜରୁରୀକାଳୀନ ପରିସ୍ଥିତିରେ କରାଯିବା ଉଚିତ୍ । ଟ୍ରେନରେ ପୋଲିସମାନେ ଆକ୍ଟିଭ୍‌ ଥାଆନ୍ତି ।  ଯେଉଁ କାରଣରୁ ସେମାନେ ଏହା ସହଜରେ ଜାଣିଛନ୍ତି । ଯେଉଁମାନେ ଏପରି କାମ କରନ୍ତି ସେମାନଙ୍କୁ ମଧ୍ୟ ଦଣ୍ଡ ଦିଆଯାଏ...

କିପରି ଜାଣନ୍ତି ?

ଯେତେବେଳେ କେହି ବି ଟ୍ରେନ୍‌ ଚେନ୍ ଟାଣନ୍ତି, ବଗି କୋଣରେ ଲଗାଯାଇଥିବା ଭଲଭ୍ ଘୂରେ । ଯେଉଁ କାରଣରୁ ଚେନ୍‌ଟି କେଉଁ ବିଭାଗରେ ଟାଣି ହୋଇଥିଲା ତାହା ସହଜରେ ଜଣା ପଡିଥାଏ । ଯେତେବେଳେ ବି ଚେନ୍‌ ଟାଣାଯାଏ, ସେହି ବଗିରୁ ଚାପ୍‌ ଲିକ୍ ଶବ୍ଦ ଆସେ । ଏହା ପରେ ପୋଲିସ ସେହି ବଗିରେ ପହଞ୍ଚିଥାନ୍ତି ।  ଏହା ପରେ ପୋଲିସ ସେଠାରେ ପଚରାଉଚରା କରେ । ଯେଉଁଥିପାଇଁ ଚେନ୍‌ ଟାଣିଥିବା ଲୋକ ସହଜରେ ଜଣା ପଡ଼ିଯାଏ ।

ନିୟମ କ’ଣ ରହିଛି ?

ଯାତ୍ରୀମାନେ କେବଳ ଜରୁରୀକାଳୀନ ପରିସ୍ଥିତିରେ ଚେନ୍‌ ଟାଣିବାର ନିୟମ ରହିଛି । ଯେତେବେଳେ ପରିବାର ସଦସ୍ୟଙ୍କ ପରି କୌଣସି ସାଥୀ ଯାତ୍ରୀ ପ୍ଲାଟଫର୍ମରେ ରହିଯାଆନ୍ତି କିମ୍ବା ଯାତ୍ରା ସମୟରେ କୌଣସି ସମସ୍ୟା ଉପୁଜେ, ଚେନ୍‌ ଟାଣି ପାରିବାର ନିୟମ ରହିଛି । 

କେମିତି ଦଣ୍ତ ପାଆନ୍ତି ଲୋକ ? 

ଯଦି କେହି ଅନାବଶ୍ୟକ ଭାବରେ ଟ୍ରେନରେ ଚେନ୍‌ ଟାଣନ୍ତି, ତେବେ ତାଙ୍କୁ ଅପରାଧି ବୋଲି ଧରାଯିବ । ଏହି କାମ କରୁଥିବା ବ୍ୟକ୍ତିଙ୍କୁ ରେଳ ଅଧିନିୟମ ୧୯୮୯ର ଧାରା ୧୪୧ ଅନୁଯାୟୀ ଦଣ୍ଡିତ କରାଯାଇ ଥାଏ । ଯାହାକି ୧୦୦୦ ଟଙ୍କା ଜୋରିମାନା କିମ୍ବା ଏକ ବର୍ଷ ଜେଲ ଦଣ୍ଡ କିମ୍ବା ଉଭୟ ହୋଇପାରେ ।