ବବି କଟାରିଆଙ୍କ ଦାଦାଗିରି; ଟ୍ରାଫିକ୍‌ ରୋକି ମଦ ପିଇଲେ

ପୁଣି ଚର୍ଚ୍ଚାରେ ସୋସିଆଲ ମିଡିଆ ଇନ୍‌ପ୍ଲୁଏନ୍ସର୍‌ ବବି କଟାରିଆ । ଖୁବ ଶୀଘ୍ର ତାଙ୍କୁ ଉତ୍ତରାଖଣ୍ତ ପୋଲିସ ଗିରଫ କରିପାରେ । ବିଚ୍‌ ରାସ୍ତାରେ ମଦ ପିଇବା ଓ ଟ୍ରାଫିକ୍‌ ନିୟମ ଭାଙ୍ଗିବା ଅଭିଯୋଗରେ ଡେରାଡୁନ୍‌ ପୋଲିସ ତାଙ୍କୁ ଗିରଫ କରିପାରେ । କିଛିଦିନ ପୂର୍ବେ ସ୍ପାଇସ୍‌ଜେଟ୍‌ ବିମାନରେ ନିୟମ ଭାଙ୍ଗି ସିଗାରେଟ୍‌ ଟାଣୁଥିବାରୁ ତାଙ୍କ ନାରେ ମାମଲା ରୁଜୁ ହୋଇଥିଲା ।

ଗୁଡ଼ଗାଓଁରେ ରହୁଥିବା ବବି କଟାରିଆଙ୍କ ଇନ୍‌ଷ୍ଟାଗ୍ରାମ ପେଜ୍‌ରେ ୬ ଲକ୍ଷରୁ ଉର୍ଦ୍ଧ୍ୱ ଫଲୋଅର୍ସ ରହିଛନ୍ତି । ଆଇପିସି ଓ ଆଇଟି ଆକ୍ଟ ଅଧିନରେ ତାଙ୍କ ନାଁରେ ମାମଲା ରୁଜୁ ହୋଇଛି । SHO ରାଜେନ୍ଦ୍ର ସିଂ ରାୱତ କହିଛନ୍ତି ଯେ, ଜିଲ୍ଲା କୋର୍ଟରୁ ବବି କାଟାରିଆଙ୍କ ବିରୋଧରେ ପୋଲିସ ଜାମିନ ବିହୀନ ୱାରେଣ୍ଟ ପାଇଛି । ପୋଲିସ ଅଧିକାରୀ କହିଛନ୍ତି ଯେ ବବିଙ୍କ ଗିରଫ ପାଇଁ ହରିୟାଣା ଏବଂ ଅନ୍ୟାନ୍ୟ ସ୍ଥାନକୁ ପୋଲିସ ପଠାଯାଇଛି।

ନିକଟରେ ସ୍ପାଇସଜେଟ୍ ବିମାନରେ ଧୂମପାନ କରୁଥିବା ଅଭିଯୋଗ ହେବା ପରେ ବବି କାଟାରିଆ ସୋସିଆଲ ମିଡିଆରେ ଚର୍ଚ୍ଚାରେ ଥିଲେ । ଏହି ମାମଲାରେ ବବିଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ଏୟାରଲାଇନ୍ସ କହିଛି । ଫେବୃଆରୀ ୨୦୨୨ ରେ ତାଙ୍କୁ ୧୫ ଦିନ ପାଇଁ ବିମାନ ଉଡ଼ାଣ ତାଲିକାରୁ ବାଦ ଦିଆଯାଇଥିଲା ।

Bobby Kataria

ତେବେ ବବି କଟାରିଆ ଭାବେ ଜଣାଶୁଣା ଅଭିଯୁକ୍ତ ବଲୱିନ୍ଦର କାଟାରିଆ କହିଥିଲେ ଯେ, ଏହା ଏକ ଡମି ବିମାନ ଥିଲା ଏବଂ ଦୁବାଇରେ ଚାଲିଥିବା ସୁଟିଂର ଏକ ଅଂଶ ବୋଲି ଦାବି କରିଛନ୍ତି।